చూస్తుంటే టాలీవుడ్ కొత్త సినిమాల ప్రమోషన్లకు ఒక పర్మనెంట్ టెంప్లేట్ ఫిక్స్ చేసినట్టు కనిపిస్తోంది. ఆర్ఆర్ఆర్ తో మొదలుపెట్టి అందరూ ఇదే ఫాలో అవుతున్నారు. బిత్తిరి సత్తితో సరదా ముఖాముఖీ, ఆపై సుమతో ఇంటర్వ్యూ, ఇదయ్యాక సోషల్ మీడియా మీమ్స్ గురించి వేరే రెగ్యులర్ యాంకర్ తో చిట్ చాట్, టీవీ ఛానల్స్ కు స్పెషల్ లైవ్ లు, యుట్యూబ్ బ్యాచ్ సెలబ్రిటీలతో ఒక కామెడీ ప్రోగ్రాం ఇలా అందరూ ఒకే తరహా ఫార్మాట్ ని ఫాలో అవుతూ ఇలా చేస్తేనే పబ్లిక్ కి మనం దగ్గరైనట్టుగా దర్శక నిర్మాతలు భావిస్తున్నారు.
నిజానికిది కరెక్టే అయినా రాను రాను ఇదంతా రొటీన్ ప్రహసనంగా మారిపోతోంది. ఇంజనీరింగ్ కాలేజీలకు వెళ్లి అక్కడ విద్యార్థులను పోగేసి పెద్ద హంగామా చేయడం కిరణ్ అబ్బవరం రేంజ్ చిన్న హీరోతో మొదలుకుని దుల్కర్ సల్మాన్ లాంటి స్టార్ల దాకా అందరూ చేస్తున్నదే.
షాపింగ్ మాల్స్ లో డాన్స్ మాషప్ లు, అక్కడికి వచ్చినవాళ్లుకు సర్ప్రైజ్ గిఫ్టులు ఇలా ఎన్నెన్నో ప్లాన్ చేస్తున్నారు. ప్యాన్ ఇండియా మూవీ అయితే ముంబై, చెన్నై, కోచి, బెంగళూరు ఇలా అన్ని చోట్లకు హీరో హీరోయిన్లు ఫ్లైట్లు వేసుకుని తిరగాల్సిందే.
ఇంత ఖర్చు ఎందుకని ఎవరూ అనుకోవడం లేదు. కారణం ఉంది. నిత్యం సోషల్ ప్లస్ మెయిన్ స్ట్రీమ్ మీడియాలో నానుతూ ఉండాలంటే ఇవన్నీ చేయక తప్పదు. ప్రీ రిలీజ్ ఈవెంట్ కాకుండా అదనంగా ఈ మొత్తం వ్యయాన్ని భరిస్తూ జనాల దగ్గరకు వెళ్లడం అందరూ అలవాటుగా మార్చుకున్నారు. ఇలా చేసినంత మాత్రాన అన్నీ హిట్టవుతాయని కాదు కానీ రాజమౌళి చరణ్ తారక్ అంతటి వాళ్ళే అలుపు లేకుండా దేశం మొత్తం ప్రమోషన్ల కోసం పరుగులు పెట్టినప్పుడు మిగిలినవాళ్లు ఫాలో కావడంలో తప్పేముంది. తప్పదు.
This post was last modified on August 2, 2022 7:27 pm
మాములుగా ఒక వెబ్ సిరీస్ గురించి సినిమా ప్రేక్షకులు ఎదురు చూడటం తక్కువ. కానీ హీరామండి ఈ విషయంలో తన…
ఇవాళ హరిహర వీరమల్లు కొత్త టీజర్ రిలీజ్ చేసి ఇకపై దర్శకత్వ బాధ్యతలు జ్యోతికృష్ణ చూసుకుంటాడని అధికారికంగా ప్రకటించడం అభిమానుల్లో…
టీడీపీ అధినేత చంద్రబాబు ప్రస్తుతం రాష్ట్ర వ్యాప్తంగా పర్యటిస్తున్నారు. సార్వత్రిక ఎన్నికల నేపథ్యంలో ఆయన విస్తృతంగా ప్రచారం చేస్తున్నారు. అటు…
బండ్ల గణేష్ ఆలియాస్ బ్లేడ్ గణేష్. నిజమే ఈ కమేడియన్ పేరు వింటే మొదటగా గుర్తొచ్చేది 7 ఓ క్లాక్…
ఏపీ అధికార పార్టీ వైసీపీ కీలక నాయకుడు, మంత్రి బొత్స సత్యనారాయణ సంచలన వ్యాఖ్యలు చేశారు. ఎన్నికల కోడ్ ఉందని…
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…