వేసవిలో ఆర్ఆర్ఆర్, కేజీఎఫ్-2 సినిమాల జోరు చూసి తెలుగు రాష్ట్రాల్లో థియేటర్లకు పూర్వ వైభవం వచ్చేసిందని.. ఇక తిరుగులేదని అంతా అనుకున్నారు. కానీ వేసవి సీజన్ పూర్తి కాగానే పరిస్థితి పూర్తిగా మారిపోయింది. సీజన్ చివర్లో, జూన్ నెల మొదటి వారంలో రిలీజైన ‘మేజర్’, ‘విక్రమ్’ చిత్రాల తర్వాత ఏ సినిమా కూడా బాక్సాఫీస్ దగ్గర సత్తా చాటలేకపోయింది.
రాను రాను పరిస్థితి ఘోరంగా తయారై, కొత్త సినిమాలు ఆదాయం తెచ్చి పెట్టకపోగా, వాటిని నడిపించడానికి ఎదురు డబ్బులు కట్టాల్సిన పరిస్థితి తలెత్తింది. జూన్ నెల మొత్తానికి మేజర్, విక్రమ్ మాత్రమే హిట్లు. ఆ రెండు చిత్రాల్లో పెట్టుబడి-రాబడి కోణంలో చూస్తే ‘విక్రమ్’ మూవీనే బిగ్గెస్ట్ హిట్. మార్చిలో ‘ఆర్ఆర్ఆర్’ ప్రభంజనం సృష్టించాక.. ఏప్రిల్లో నెలలో హవా డబ్బింగ్ మూవీ అయిన ‘కేజీఎఫ్-2’దే. తెలుగులో పెద్ద స్టార్ల సినిమాలకు కూడా రాని వసూళ్లు ఈ చిత్రానికి వచ్చాయి.
దీని ముందు తర్వాత వచ్చి ‘సర్కారు వారి పాట’ కూడా దిగదుడుపే అయింది. ఇక ‘ఆచార్య’ సంగతైతే చెప్పాల్సిన పని లేదు. ‘కేజీఎఫ్-2’ తర్వాత బిగ్గెస్ట్ హిట్గా నిలిచింది డబ్బింగ్ మూవీ అయిన ‘విక్రమ్’యే. దీని తర్వాత తెలుగులో మరో బాక్సాఫీస్ హిట్ ఏది అంటే.. సమాధానం మళ్లీ డబ్బింగ్ చిత్రానిదే కావడం విశేషం. జులై నెలలో ఎన్నో ఆశలు పెట్టుకున్న తెలుగు చిత్రాలన్నీ దారుణమైన ఫలితాలందుకున్నాయి. పక్కా కమర్షియల్, హ్యాపీ బర్త్డే, వారియర్, థాంక్యూ, రామారావు ఆన్ డ్యూటీ.. ఇలా ఐదు వారాల్లో రిలీజైన ఐదు క్రేజీ చిత్రాలు డిజాస్టర్లు అయ్యాయి. మొత్తంగా జులై నెల తెలుగు నిర్మాతలకు పీడకలలే మిగిల్చింది.
ఈ నెలకు అసలు ఒక్క హిట్ కూడా ఉండదేమో అనుకుంటే.. మళ్లీ ఒక డబ్బింగ్ సినిమా ఆ లోటును తీర్చింది. ఆ చిత్రమే.. విక్రాంత్ రోణ. ‘ఈగ’తో తెలుగులో మంచి గుర్తింపు సంపాదించిన కిచ్చా సుదీప్ నటించిన ఈ భారీ చిత్రానికి అంత మంచి టాక్ అయితే రాలేదు. కానీ రారా రక్కమ్మ సాంగ్, అలాగే సినిమాలోని ట్విస్టులు, సుదీప్ పెర్ఫామెన్స్ ప్రేక్షకులను ఆకట్టుకుంటున్నాయి. రక్కమ్మ పాట వల్ల సినిమాకు మంచి ఓపెనింగ్స్ కూడా వచ్చాయి. ‘రామారావు’ డిజాస్టర్ కావడం దీనికి కలిసొచ్చింది. వీకెండ్లో రూ.6 కోట్ల గ్రాస్ కలెక్షన్లతో ఈ చిత్రం హిట్ అనిపించుకుంది. కన్నడ నిర్మాతలే ఈ చిత్రాన్ని తెలుగులో సొంతంగా రిలీజ్ చేయడం విశేషం.
This post was last modified on August 1, 2022 2:30 pm
ఆర్ఆర్ఆర్ సినిమా అద్భుత విజయం సాధించినప్పటికీ.. ఆ చిత్రంలో రామ్ చరణ్తో పోలిస్తే జూనియర్ ఎన్టీఆర్ పాత్రలో అంత బలం…
ఏపీలో జరుగుతున్న సార్వత్రిక సమరం.. ఓ రేంజ్లో హీటు పుట్టిస్తోంది. ప్రధాన పక్షాలైన.. టీడీపీ, వైసీపీ, జనసేనలు దూకుడుగా ముందుకు…
టీడీపీ అధినేత చంద్రబాబుపై తెలంగాణ ముఖ్యమంత్రి రేవంత్ రెడ్డి సంచలన వ్యాఖ్యలు చేశారు. "చంద్రబాబు నాకు గురువని ఎవడన్నాడు. బుద్ధి…
ఆంధ్రప్రదేశ్లో అత్యంత ప్రతిష్టాత్మకంగా జరగబోతున్న అసెంబ్లీ ఎన్నికలకు ఇంకో వారం కూడా సమయం లేదు. ఈ ఎన్నికల్లో అందరి దృష్టినీ…
మలయాళంలో గత దశాబ్ద కాలంలో తిరుగులేని పాపులారిటీ సంపాదించిన నటుడు ఫాహద్ ఫాజిల్. లెజెండరీ డైరెక్టర్ ఫాజిల్ తనయుడైన ఫాహద్…
సోషల్ మీడియా, టీవీ ఛానల్స్ పెరిగిపోయాక అనుకరణలు, ట్రోలింగ్ లు విపరీతంగా పెరిగిపోయాయి. త్వరగా వచ్చే పాపులారిటీ కావడంతో ఎలాంటి…