Movie News

తమిళ దర్శకుల తెలుగు షాకులు

భారీ అంచనాలతో రామ్ ఎన్నో ఆశలు పెట్టుకున్న ది వారియర్ టాక్ ఏమంత ఆశాజనకంగా లేకపోవడం అభిమానులను బాధిస్తోంది. మొదటి రోజు ఏడు కోట్ల దాకా వసూళ్లు వచ్చినట్టు చెబుతున్నారు కానీ ఈ వీకెండ్ అయ్యాక పరిస్థితి ఏమవుతుందో అంతు చిక్కడం లేదు. అసలు ఫామ్ లో లేని లింగుస్వామిని రామ్ అంత గుడ్డిగా ఎలా నమ్మాడనే కామెంట్లు ఎక్కువగా వినిపిస్తున్నాయి. ఒకవేళ ఆయన కథల్లో అంత దమ్మే ఉంటే కోలీవుడ్ స్టార్ హీరోలు ఎందుకు వదిలిపెడతారనే మాటలో చాలా లాజిక్ ఉంది. కానీ రామ్ ఎలా మిస్ అయ్యాడో.

ఇది కాసేపు పక్కనపెడితే తమిళంలో ఆఫర్లు తగ్గిన దర్శకులతో తస్మాత్ జాగ్రత్తగా ఉండాలనే సందేశం ఈ ఫలితాల్లో కనిపిస్తోంది. ఆ మధ్య బాలకృష్ణ ఇదే తరహాలో ఫేడ్ అవుట్ అయిన కెఎస్ రవికుమార్ తో రూలర్ చేస్తే ఫలితం ఎంత దారుణంగా వచ్చిందో చూశాం. ఒకప్పుడు నరసింహ లాంటి ఎవర్ గ్రీన్ బ్లాక్ బస్టర్స్ తీసిన డైరెక్టరే కావొచ్చు. కానీ నటుడిగా మారి తన మునుపటి గ్రిప్ ని కోల్పోయాక గొప్ప రిజల్ట్స్ ని ఆశించలేం. రాబోయే చిరంజీవి గాడ్ ఫాదర్ ని డీల్ చేస్తున్న మోహన్ రాజా కూడా కోలీవుడ్ బ్యాచే. కాకపోతే మరీ బ్యాడ్ రికార్డు లేదు.

రానా 1945 కోసం సత్యశివకు ఛాన్స్ ఇస్తే దాన్ని ఇష్టమొచ్చినట్టు చుట్టేసి మమ అనిపించాడు. ఇదే హీరో అరణ్యకు ప్రభు సాల్మోన్ ని నమ్మాడు. ఒళ్ళు హూనం చేసుకుంటే దానికొచ్చిన ఫలితం సున్నా. కెవి గుహన్ తీసిన డబ్ల్యు డబ్ల్యూ డబ్ల్యూ ఓటిటికి వెళ్ళింది కాబట్టి సరిపోయింది కానీ థియేటర్ అయ్యుంటే ఎవరు పట్టించుకుంటారు. అంతెందుకు రామ్ చరణ్ 15 మీద ఎంత హైప్ ఉన్నా శంకర్ దీంతో కంబ్యాక్ అవ్వాలి తప్పించి ఆయనేమీ భీకరమైన ఫామ్ లో లేడు. సో ఇవన్నీ విశ్లేషించి చూస్తే కథ నచ్చడం ఎంత కీలకమో వాళ్ళ గత కొన్నేళ్ల ట్రాక్ రికార్డుని జాగ్రత్తగా చెక్ చేసుకోవడం చాలా అవసరం

This post was last modified on July 15, 2022 7:46 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

7 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago