Movie News

నాగార్జున దర్శకుడు ఇక లేరు

ప్రతాప్ పోతన్.. నిన్నటితరం లెజెండరీ మలయాళ యాక్టర్ కమ్ రైటర్ కమ్ డైరెక్టర్. ఆయన పేరు మన ప్రేక్షకుల్లో చాలామందికి తెలియకపోవచ్చు కానీ.. రూపం చూడగానే చాలా ఫేమస్ యాక్టర్ అనే విషయం అర్థమైపోతుంది. ఆయన శుక్రవారం తెల్లవారుజామున హఠాత్తుగా మరణించారు. ఆయన ఇటీవల అనారోగ్య సమస్యలతో బాధ పడుతున్నట్లు తెలుస్తోంది.

ప్రతాప్ పోతన్ వయసు 70 సంవత్సరాలు. వయసు మీద పడ్డా ఆయన ఇప్పటికీ చాలా యాక్టివ్‌గా ఉన్నారు. తమిళ, మలయాళ భాషల్లో నటిస్తూనే ఉన్నారు. 80, 90 దశకాల్లో సినిమాలు బాగా చూసిన దక్షిణాది ప్రేక్షకులకు ప్రతాప్ పోతన్ గురించి పరిచయం చేయాల్సిన అవసరమే లేదు. తమిళ, మలయాళ అనువాద చిత్రాలతో పాటు ఆయన తెలుగు ప్రేక్షకులకు బాగానే పరిచయం.

తెలుగులో కూడా డైరెక్ట్‌గా కొన్ని సినిమాల్లో నటించారు. తెలుగులో చివరగా సిద్దార్థ్ సినిమా ‘చుక్కల్లో చంద్రుడు’ చిత్రంలో నటించారు ప్రతాప్ పోతన్. ఆల్ టైం క్లాసిక్ మూవీ ‘ఆకలి రాజ్యం’ తెలుగులో ఆయన తొలి చిత్రం. ఆ తర్వాత మరెన్నో సినిమాల్లో నటించారు. ఎక్కువగా కమల్ హాసన్ అనువాద చిత్రాలతో ప్రతాప్.. తెలుగు ప్రేక్షకులను పలకరించేవారు. ప్రతాప్ ప్రతిభావంతుడైన రచయిత, దర్శకుడు కూడా. పదికి పైగా సినిమాలకు ఆయన దర్శకత్వం వహించారు. తెలుగులోనూ ఆయన డైరెక్ట్ చేసిన సినిమా ఉండడం విశేషం. అదే.. చైతన్య.

అక్కినేని నాగార్జున హీరోగా తెరకెక్కిన ఈ చిత్రం 1991లో విడుదలై ఓ మోస్తరు స్పందన తెచ్చుకుంది. దర్శకుడిగా తమిళంలో ఆయన తొలి చిత్రం ‘మీండుం ఒరు కాదల్ కదై’ ఎన్నో అవార్డులు రివార్డులు తెచ్చుకుంది. అందులో ఆయనే లీడ్ రోల్ చేసి ప్రశంసలు అందుకున్నారు. ఇంకా దర్శకుడిగా ఆయన కొన్ని క్లాసిక్స్ అందించారు. 70 ఏళ్ల వయసులోనూ సినిమాల్లో నటిస్తూ బిజీగా ఉన్న ఆయన.. హఠాత్తుగా మరణించి అభిమానులను విషాదంలో ముంచెత్తారు.

This post was last modified on July 15, 2022 11:19 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

7 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago