కొన్ని కాంబినేషన్ సినిమాల వెనుక చాలా కథ ఉంటుంది. నిజమే ఈ సినిమా కోసమే ఇన్నేళ్ళు ఈ కాంబో కుదరలేదేమో అనిపించిన సందర్భాలు చాలానే ఉంటాయి. తాజాగా మెగా పవర్ స్టార్ రామ్ చరణ్ కి ఇలాగే అనిపించిందట. తెలుగు సినిమా ఇండస్ట్రీకి లెజెండ్ అనిపించుకున్న నాన్నతో నటించాలని ఏ కొడుక్కి ఉండదు. ఇలాంటి కోరికే రామ్ చరణ్ కి కూడా ఎప్పటి నుండో ఉంది. ‘మగధీర’, ‘ఖైది నంబర్ 150’, సినిమాల్లో చిరుతో కలిసి స్క్రీన్ షేర్ చేసుకున్నప్పటికీ ఫుల్లెంత్ సినిమా చేయలేకపోయాడు చరణ్. ఆ కోరిక తీర్చుకోవడానికి ఇన్నేళ్ళు పట్టింది.
ఎట్టకేలకు నాన్న తో కలిసి ‘ఆచార్య’ సినిమాలో నటించాడు చరణ్. ముందుగా ఈ క్యారెక్టర్ ని తక్కువ నిడివితో రాసుకున్నాడు కొరటాల. కానీ చరణ్ సీన్ లోకి వచ్చాక ఆ క్యారెక్టర్ ఇంపార్టెన్స్ పెరిగింది. సీన్లు కూడా పెరిగి సినిమాలో ఆ పాత్ర సగ భాగమైంది. అయితే నాన్నతో ఈ సినిమా చెయడం ఒకెత్తయితే, షూటింగ్ లో ఇరవై రోజుల పాటు ఆయన పక్కనే ఉంటూ టైం స్పెండ్ చేయడం మరో ఎత్తు అంటూ, రోజంతా నాన్నతో గడిపిన ఆ మూమెంట్స్ ని ఎప్పుడూ పదిలంగా దాచుకుంటానని చెప్పుకున్నాడు చరణ్.
ఇక ఇదే వేదికగా రాజమౌళి గారితో సినిమా అంటే ఏ ఆర్టిస్ట్ కైనా బయటికి వెళ్లి మరో సినిమా చేసే అవకాశం ఉండదని, బహుశా అది నా ఒక్కడికే కుదిరిందని అన్నాడు చరణ్. దానికి ఉదాహరణగా బొమ్మరిల్లు సినిమా చెప్పాడు. అందులో సిద్దు చేతిని పట్టుకున్న ప్రకాష్ రాజ్ లా రాజమౌళి చేతిలోనే యాక్టర్ చేయి ఉంటుందని కానీ నాన్న కోరిక , అమ్మ కోరిక కాదనలేక ఆయన నా చేయి విడిచి పెట్టారని ఇందుకు మా అమ్మ మీకు థాంక్స్ చెప్పాలనుకుంటుంది అని రాజమౌళి గురించి చెప్పాడు చరణ్.
ఇంత వరకూ రాజమౌళి తన హీరోని ఇలా మరో సినిమా చేసుకొని రమ్మని వదిలింది లేదు. చిరు మాట కాదన లేకే జక్కన్న చరణ్ ని విడిచాడని అందరికీ తెల్సిందే. ఇక రాజమౌళి చరణ్ ని వదిలినప్పుడల్లా షూట్ చేసుకుంటూ వచ్చామని చిరు వేదిక మీదే చెప్పారు. అంటే రాజమౌళి కొన్ని కండీషన్స్ పెట్టి చరణ్ ని వదిలిపెట్టాడని ఈవెంట్ ద్వారా వ్యక్తమైంది.
This post was last modified on April 24, 2022 1:15 pm
ఇండియన్ ఫిలిం ఇండస్ట్రీలో మలయాళ పరిశ్రమను మినహాయిస్తే.. ప్రతి చోటా సినిమాల మేకింగ్ బాగా టైం తీసుకుంటోంది. కొంచెం స్టార్ ఇమేజ్…
టీడీపీ వ్యవస్థాపకుడు, ఉమ్మడి ఏపీకి పలుమార్లు ముఖ్యమంత్రిగా వ్యవహరించిన దివంగత నందమూరి తారక రామారావుకు భారత దేశ అత్యున్నత పురస్కారం భారత రత్న ఇవ్వాలన్నమాట నిత్యం…
జనసేన అధినేత, ఏపీ డిప్యూటీ సీఎం పవన్ కల్యాణ్ ప్రాతినిధ్యం వహిస్తున్న పిఠాపురంలో కూటమి పార్టీలకు చెందిన నేతల మధ్య…
ఇండియన్ ఫిలిం ఇండస్ట్రీలో ఎక్కడైనా హీరోల ఆధిపత్యమే నడుస్తుంటుంది. దర్శక నిర్మాతలు వాళ్ల మాటను అనుసరించే నడుచుకోవాల్సి ఉంటుంది. హీరోలు మాట తప్పినా..…
ఒక పాట థియేటర్లలో కంటే బయట ఎంతలా వినిపిస్తుందనే దానిపైనే ఆ సినిమా క్రేజ్ ఆధారపడి ఉంటుంది. తాజాగా ఉప్పల్…
తెలుగు సినిమా మార్కెట్ ఇప్పుడు మునుపెన్నడూ లేని విధంగా విస్తరించింది. ఒకప్పుడు వందల కోట్లతో ముగిసిపోయే లెక్కలు, ఇప్పుడు వేల…