బాక్సాఫీస్ దగ్గర అప్పుడప్పుడూ కొన్ని అద్భుతాలు జరుగుతుంటాయి. అలాంటి అద్భుతమే.. ది కశ్మీర్ ఫైల్స్ అని చెప్పొచ్చు. బాలీవుడ్ అంత గొప్ప ట్రాక్ రికార్డేమీ లేని వివేక్ అగ్నిహోత్రి రూపొందించిన చిత్రమిది. ఇందులో ఏమీ స్టార్లు లేరు. ఇదేమీ భారీ బడ్జెట్ సినిమా కాదు. ఒక ఊహాజనిత గాథతో తీసిన సినిమా కూడా కాదు. అసలిప్పటి నేపథ్యంలో నడిచే కథా కాదు.
కశ్మీర్లో 90వ దశకంలో హిందూ పండిట్ల మీద జరిగిన అఘాయిత్యాల నేపథ్యంలో వివేక్ ఈ సినిమాను రూపొందించాడు. అనుపమ్ ఖేర్, మిథున్ చక్రవర్తి కీలక పాత్రల్లో నటించిన ఈ సినిమా గత వారం పెద్దగా అంచనాలు లేకుండా విడుదలై ఇప్పుడు బాక్సాఫీస్ దగ్గర సంచలనాలు నమోదు చేస్తోంది.
తొలి రోజు మూడు కోట్లకు అటు ఇటుగా వసూళ్లే సాధించిందీ సినిమా. అలాంటి చిత్రం.. వారాంతం అయ్యాక, వీక్ డేస్లో రోజుకు ఏడెనిమిది కోట్లకు తగ్గకుండా గ్రాస్ రాబడుతూ ఔరా అనిపిస్తోంది. స్క్రీన్లు పెరుగుతున్నాయి. షోలు పెరుగుతున్నాయి. అడ్వాన్స్ బుకింగ్స్ అదిరిపోతున్నాయి. ప్రపంచవ్యాప్తంగా ఇదే ట్రెండ్ కనిపిస్తోంది.
ఉత్తరాదిన ఈ సినిమా ఇలా పుంజుకోవడంలో మరీ ఆశ్చర్యపోవాల్సిన పనేమీ లేదు. కానీ దక్షిణాదిన హిందీ సినిమాాలు తక్కువగా చూసే ప్రాంతాల్లో కూడా ‘కశ్మీర్ ఫైల్స్’ వసూళ్ల మోత మోగిస్తోంది. హైదరాబాద్ లాంటి సిటీల్లో అడ్వాన్స్ ఫుల్స్ పడుతున్నాయి. గత వారం భారీ అంచనాలతో వచ్చిన ప్రభాస్ సినిమా ‘రాధేశ్యామ్’ను వీకెండ్లోనే ఉత్తరాదిన ‘కశ్మీర్ ఫైల్స్’తో రీప్లేస్ చేశారు. ఇప్పుడు దేశమంతటా ఇదే ట్రెండ్ కనిపిస్తోంది.
తెలుగు రాష్ట్రాల్లో సైతం ‘రాధేశ్యామ్’ను తీసేసి ‘కశ్మీర్ ఫైల్స్’ను ఆడించే పరిస్థితి కనిపిస్తోంది. ఏముందీ సినిమాలో అని ప్రేక్షకులు ఎగబడి ఎగబడి చూస్తున్నారు. చిత్ర బృందం పెద్దగా పబ్లిసిటీ ఏమీ చేయకున్నా.. జనాలే అమితాసక్తితో సినిమా చూస్తున్నారు. హిందువుల మీద జరిగిన అఘాయిత్యాలపై తీసిన సినిమా కావడంతో బీజేపీ వాళ్లు దీన్ని ఓన్ చేసుకుని, తమకు అనుగుణంగా ఉపయోగించుకుంటుండటం, పబ్లిసిటీ ఇస్తుండటం కూడా వాస్తవమే అయినప్పటికీ.. సామాన్య జనం ఈ సినిమాపై ఇంత ఆసక్తిని ప్రదర్శించడం మాత్రం విశేషమే. వారం వ్యవధిలో రూ.90 కోట్ల దాకా గ్రాస్ కలెక్ట్ చేసిన ‘కశ్మీర్ ఫైల్స్’ ఫుల్ రన్లో రూ.200 కోట్ల మార్కును అందుకునేలా ఉంది.
This post was last modified on March 18, 2022 4:50 pm
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…