చైతన్య జొన్నలగడ్డ.. ఇప్పుడు టాలీవుడ్ సర్కిల్స్లో చర్చనీయాంశంగా మారిన పేరు. సోషల్ మీడియాలో కూడా తెలుగు నెటిజన్లు ఇతడి గురించే చర్చించుకుంటున్నారు. అతడి గురించి తెగ వెతికేస్తున్నారు. మెగా ఫ్యామిలీ అమ్మాయి, నాగబాబు తనయురాలు నిహారిక కొణిదెల పెళ్లాడబోతున్న కుర్రాడు ఇతనే. కొన్ని నెలల కిందటే నిహారికకు పెళ్లి చేయబోతున్నట్లు సంకేతాలిచ్చిన నాగబాబు.. అన్నట్లుగానే ఆమె పెళ్లి ఫిక్స్ చేసేశారు.
మొన్న ‘మిస్ నుంచి మిసెస్’ కాబోతున్నట్లు హింట్ ఇచ్చిన నిహారిక.. నిన్న ముఖం కనిపించకుండా తన ఫియాన్సీని కౌగిలించుకున్న ఫొటో పెట్టింది. రాత్రికి నిహారికకు కాబోయే వరుడి ఫొటోతో పాటు వివరాలన్నీ బయటికి వచ్చేశాయి. ఆ అబ్బాయి పేరు చైతన్య జొన్నలగడ్డ అని.. అతడిది గుంటూరని.. తండ్రి పెద్ద పోలీసాఫీసర్ అని.. చైతన్య ఓ స్ట్రీట్ ఫొటోగ్రాఫర్ అని.. అతడికి కొత్త తరహా వాచ్ల కలెక్షన్ హాబీ అని.. ఇలా అన్ని వివరాలూ బయటికి వచ్చేశాయి.
అంతటితో ఆగకుండా చైతన్య గురించి మరింత సమాచారం రాబట్టేందుకు సోషల్ మీడియాలో అతడిని తెగ ఫాలో అయిపోతున్నారు నెటిజన్లు. మొన్నటి వరకు చైతన్య ఇన్స్టాగ్రామ్ అకౌంట్లో ఉన్న కేవలం 1700 మంది. కానీ నిన్న నిహారిక ఫియాన్సీ అని తెలిశాక కొన్ని గంటల్లోనే ఫాలోవర్లు పెరిగిపోయారు. ఇప్పుడు 35 వేల మంది దాకా అతణ్ని అనుసరిస్తున్నారు. మరోవైపు గూగుల్లోకి వెళ్లి చైతన్య అని కొట్టగానే జొన్నలగడ్డ అనే అతడి ఇంటిపేరుతో సహా ముందే పేరు వచ్చేస్తోంది.
అతడి గురించి రకరకాల వార్తలు, ఇతర సమాచారం కనిపిస్తున్నాయి. సెలబ్రెటీ అమ్మాయిని పెళ్లాడితే ఎంత పాపులారిటీ వస్తుందనడానికి ఇది ఉదాహరణ. ఇదిలా ఉండగా చిరంజీవి కూతురు శ్రీజను పెళ్లాడిన కళ్యాణ్ దేవ్ హీరోగా మారిన నేపథ్యంలో.. మంచి లుక్స్తో ఉన్న చైతన్య కూడా తెరంగేట్రం చేస్తాడేమో అంటూ సోషల్ మీడియాలో ఒక చర్చ మొదలైపోవడం గమనార్హం.
This post was last modified on June 19, 2020 11:31 pm
ఆర్ఆర్ఆర్ సినిమా అద్భుత విజయం సాధించినప్పటికీ.. ఆ చిత్రంలో రామ్ చరణ్తో పోలిస్తే జూనియర్ ఎన్టీఆర్ పాత్రలో అంత బలం…
ఏపీలో జరుగుతున్న సార్వత్రిక సమరం.. ఓ రేంజ్లో హీటు పుట్టిస్తోంది. ప్రధాన పక్షాలైన.. టీడీపీ, వైసీపీ, జనసేనలు దూకుడుగా ముందుకు…
టీడీపీ అధినేత చంద్రబాబుపై తెలంగాణ ముఖ్యమంత్రి రేవంత్ రెడ్డి సంచలన వ్యాఖ్యలు చేశారు. "చంద్రబాబు నాకు గురువని ఎవడన్నాడు. బుద్ధి…
ఆంధ్రప్రదేశ్లో అత్యంత ప్రతిష్టాత్మకంగా జరగబోతున్న అసెంబ్లీ ఎన్నికలకు ఇంకో వారం కూడా సమయం లేదు. ఈ ఎన్నికల్లో అందరి దృష్టినీ…
మలయాళంలో గత దశాబ్ద కాలంలో తిరుగులేని పాపులారిటీ సంపాదించిన నటుడు ఫాహద్ ఫాజిల్. లెజెండరీ డైరెక్టర్ ఫాజిల్ తనయుడైన ఫాహద్…
సోషల్ మీడియా, టీవీ ఛానల్స్ పెరిగిపోయాక అనుకరణలు, ట్రోలింగ్ లు విపరీతంగా పెరిగిపోయాయి. త్వరగా వచ్చే పాపులారిటీ కావడంతో ఎలాంటి…