హ‌మ్మ‌య్య‌.. ప‌వ‌న్ ఫ్యాన్స్ ఇప్పుడు చిల్ అయ్యారు!

ప‌వ‌ర్ స్టార్ ప‌వ‌న్ క‌ళ్యాణ్, రానా ద‌గ్గుబాటి క‌లిసి న‌టించిన తొలి చిత్రం `భీమ్లా నాయ‌క్‌`. సాగ‌ర్ కె. చంద్ర ద‌ర్శ‌క‌త్వం వ‌హించిన ఈ చిత్రానికి స్టార్ డైరెక్ట‌ర్ త్రివిక్ర‌మ్ శ్రీ‌నివాస్ మాట‌లు, స్ట్రీన్ ప్లే అందించారు. మ‌ల‌యాళ సూప‌ర్ హిట్ `అయ్యప్పనుమ్‌ కోషియుమ్‌` రీమేక్‌గా రూపుదిద్దుకున్న ఈ మూవీలో ప‌వ‌న్ ప‌వ‌ర్ ఫుల్ పోలీస్ ఆఫీస‌ర్ భీమ్ల నాయక్‌గా, రానా రిటైర్డ్‌ ఆర్మీ ఆఫీస‌ర్ డేనియర్‌ శేఖర్‌గా క‌నిపించ‌బోతున్నారు.

సితార ఎంటర్‌టైన్‌మెంట్స్ బ్యాన‌ర్‌పై సూర్యదేవర నాగవంశీ నిర్మిస్తున్న ఈ సినిమా నిన్న‌నే షూటింగ్ పూర్తి చేసుకోగా.. ఫిబ్ర‌వ‌రి 25న గ్రాండ్‌గా ప్రేక్ష‌కుల ముందుకు రాబోతోంది. ఇదిలా ఉంటే.. మొద‌ట ఈ మూవీ ర‌న్ టైమ్‌ను రెండు గంటల ఇరవై నిమిషాల‌కు మాత్ర‌మే లాక్ చేశారు. ఓ స్టార్ హీరో సినిమాకు అంత తక్కువ నిడివి అనగానే చాలా మంది ఆశ్చ‌ర్య‌పోయారు. ముఖ్యంగా ప‌వ‌న్ ఫ్యాన్స్ ఈ విష‌యంపై తెగ ఫీల్ అయిపోయారు.

ప‌వ‌న్ సినిమాకు అంత త‌క్కువ ర‌న్ టైమ్ ఏంటంటూ సోష‌ల్ మీడియా వేదిక‌గా అస‌హ‌నం కూడా వ్య‌క్తం చేశారు. అయితే తాజా స‌మాచారం ప్ర‌కారం.. `భీమ్లా నాయక్` సినిమా నిడివి మ‌రో 12 నిమిషాలు పెంచార‌ట. మూడు గంటలు దాటడంతో గతంలో కొన్ని సీన్లను, ఓ పాటను తొలగించారట. కానీ ఫైనల్ కాఫీలో నిడివి బాగా తగ్గిపోవ‌డంతో ఎడిటింగ్‌లో తొలగించిన కొన్ని సీన్లను మ‌రియు ఆ సాంగ్‌ను తిరిగి యాడ్ చేశార‌నే టాక్ తాజాగా బ‌య‌ట‌కు వ‌చ్చి నెట్టింట వైర‌ల్‌గా మారింది.

దీంతో ఇప్పుడు ప‌వ‌న్ ఫ్యాన్స్ ఫుల్‌గా చిల్ అయిపోయార‌ని తెలుస్తోంది. కాగా, భారీ అంచ‌నాలు ఉన్న ఈ మూవీలో ప‌వ‌న్‌కు జోడీగా నిత్య మీన‌న్‌, రానా స‌ర‌స‌న సంయుక్త మీన‌న్‌లు అలరించనున్నారు. అలాగే ఎస్‌.ఎస్‌.త‌మ‌న్ ఈ చిత్రానికి సంగీతం స‌మ‌కూర్చారు.