Movie News

కొత్త నిర్మాత.. అనుకున్నదొక్కటి అయినది ఒక్కటి

కేదార్ సెలగంశెట్టి.. ఏడాది కిందట ఈ పేరు టాలీవుడ్లో చర్చనీయాంశంగా మారింది. టాలీవుడ్ అగ్ర దర్శకుల్లో ఒకడైన సుకుమార్ డైరెక్షన్లో విజయ్ దేవరకొండ హీరోగా ఈ కొత్త నిర్మాత ఒక సెన్సేషనల్ మూవీని అనౌన్స్ చేయడం గుర్తుండే ఉంటుంది. ఇతను ఐకాన్ స్టార్ అల్లు అర్జున్‌కు అత్యంత సన్నిహితుడని.. బన్నీకి ఫాల్కన్ పేరుతో లగ్జరీ కారవాన్ బహుమతిగా ఇచ్చింది అతనే అని.. అందుకు బదులుగానే తనకు సన్నిహితుడైన సుకుమార్‌తో సినిమా సెట్ చేశాడని అప్పట్లో టాలీవుడ్లో చర్చ నడిచింది. 

ఈ నిర్మాత బేనర్ పేరు కూడా ‘ఫాల్కన్ క్రియేషన్స్’ అని పెట్టడంతో ఈ ప్రచారం నిజమే అనిపించింది. ఐతే ఘనంగా ఈ ప్రాజెక్టును ప్రకటించడం అయితే జరిగింది కానీ.. ఎంతకీ ఇది పట్టాలెక్కలేదు. ఈ సినిమా అనౌన్స్ చేసే సమయానికి ‘పుష్ప’ ఒక పార్ట్‌గానే రిలీజ్ కావాల్సింది. తర్వాతేమో అది రెండు భాగాలైంది. ఇప్పుడు సుక్కు రెండో పార్ట్ మీద దృష్టిపెట్టాడు.

దీని తర్వాతేమో రామ్ చరణ్‌తో సినిమా అంటున్నారు. విజయ్-సుక్కు కాంబినేషన్లో కేదార్ తీయాల్సిన సినిమా గురించి ఏ చర్చా లేదు. దాని గురించి అంతా మరిచిపోయారు.కట్ చేస్తే ఇప్పుడు కేదార్ సెలగంశెట్టి మళ్లీ వార్తల్లోకి వచ్చాడు. అతను నిర్మాతగా కొత్త సినిమా అనౌన్స్ అయింది. అదే.. గంగం గణేశా. ఈ సినిమాలో హీరో విజయ్ దేవరకొండ తమ్ముడు ఆనంద్ దేవరకొండ కావడం విశేషం.

వంశీ కారుమంచి అనే మరో నిర్మాతతో కలిసి చిన్న బడ్జెట్లో ఈ సినిమా చేస్తున్నాడు కేదార్. దీని కోసం వేరుగా ‘హైలైఫ్’ అనే కొత్త బేనర్ పెట్టారు. ఐతే విజయ్-సుక్కుల క్రేజీ కాంబినేషన్లో భారీ చిత్రం ప్లాన్ చేసుకుంటే.. అది కాస్తా పక్కకు వెళ్లిపోయి ఆనంద్ తమ్ముడు, ఉదయ్ శెట్టి అనే కొత్త దర్శకుడితో చిన్న సినిమా చేసుకోవాల్సి వచ్చిందేంటి అని ఇండస్ట్రీ జనాలు ఆశ్చర్యపోతున్నారు. బహుశా తనతో సినిమా కార్యరూపం దాల్చనందుకు పరిహారంగా విజయే ఈ ప్రాజెక్టు సెట్ చేసి ఉండొచ్చు. 

This post was last modified on February 9, 2022 10:02 pm

Share

Recent Posts

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

45 seconds ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

10 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

14 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

60 minutes ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

2 hours ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

2 hours ago