కొద్ది రోజులుగా సినిమా రిలీజుల విషయంలో పెద్ద కన్ఫ్యూజనే నెలకొంది. ఒకదాని తర్వాత ఒకటిగా అనౌన్స్మెంట్లు వస్తూనే ఉన్నాయి. పైగా టీమ్స్ అన్నీ రెండేసి డేట్స్ లాక్ చేస్తున్నాయి. దాంతో అవన్నీ గుర్తు పెట్టుకోలేక, ఏ సినిమా ఎప్పుడొస్తుందో అర్థం కాక జుట్లు పీక్కుంటున్నారు మూవీ లవర్స్.
అయితే ఈ విషయంలో తాను అందరికంటే ఏడాకులు ఎక్కువే చదివానంటున్నాడు నాని. తాను నటిస్తున్న ‘అంటే సుందరానికీ’ మూవీ విడుదల తేదీని నిన్న ప్రకటించాడు నాని. ఒకటీ రెండూ కాదు.. తన సినిమాకి ఏకంగా ఏడు రిలీజ్ డేట్స్ లాక్ చేసి షాకిచ్చాడు.
ఏప్రిల్ 22, 29.. మే 6, 20, 27.. జూన్ 3, 10.. ఇవీ నాని ఇచ్చిన డేట్స్. వీటిలో ఏదో ఒక తేదీకి ప్రేక్షకుల ముందుకు వస్తామని చెబుతున్నాడు. అది కూడా మామూలుగా చెప్పలేదు. ‘మీరంతా రెండు డేట్స్ బ్లాక్ చేస్తే మేము ఏడు చేయకూడదా. ఆవకాయ సీజన్ మొత్తాన్నీ బ్లాక్ చేసేశా. ఏ డేట్కి రావాలో మెల్లగా నిర్ణయిస్తాం’ అంటూ తనదైన స్టైల్లో ఫన్నీగా చెప్పాడు.
ఒకరితో ఒకరు పోటీ పడిపోయి రెండు డేట్స్ లాక్స్ చేసినవాళ్లపై నాని వేసిన ఈ సెటైర్ బాగా పేలిందనే చెప్పాలి. మరి నాని వీటిలో ఏదో ఒక తేదీకి వస్తాడో చివర్లో ఏడూ కాదని ఎనిమిదో తేదీని ఎంచుకుంటాడో చూడాలి. వివేక్ ఆత్రేయ డైరెక్ట్ చేస్తున్న ఈ చిత్రాన్ని మైత్రి మూవీ మేకర్స్ నిర్మిస్తున్నారు. నజ్రియా నజీమ్ హీరోయిన్గా నటిస్తోంది. మంచ కాంబినేషన్ కుదరడంతో అంచనాలు బాగానే ఉన్నాయి.
తెలుగులో చాలా కొద్ది మంది హీరోయిన్లకు మాత్రమే సాధ్యమైన స్టార్ ఇమేజ్ సంపాదించింది సమంత. విజయశాంతి, అనుష్కల తర్వాత హీరోలతో…
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…