ఇంద్రగంటి మోహనకృష్ణ.. తెలుగు సినిమా చరిత్రలో తనకంటూ ఒక పేజీని కేటాయించేలా చేసుకున్న దర్శకుడు. ఏమంత మెగా హిట్లు తీసేశాడని చరిత్రలో ఆయనకో పేజీ అనేవాళ్లు కొందరుండొచ్చు. కానీ అతడిలా చక్కటి తెలుగుదనంతో, కొత్తదనంతో, తాజాదనంతో సినిమాలు తీసేవాళ్లు అరుదు. అందరూ త్రివిక్రమ్ను మాటల మాంత్రికుడు అంటుంటారు కానీ.. నిజానికి ఇంద్రగంటి కూడా మాటల మాంత్రికుడే. కాకపోతే త్రివిక్రమ్లా ఆయన మాటల్లో ప్రాసలు, పంచులు ఉండవు. కానీ అందంగా, ఆలోచన రేకెత్తించేలా మాటలు రాసి నవ్వించగల, ఏడిపించగల సమర్థుడు ఇంద్రగంటి.
గ్రహణం లాంటి ఆఫ్ బీట్ మూవీతో దర్శకుడిగా పరిచయం అయినప్పటికీ.. ఆ తర్వాత అష్టాచెమ్మా, గోల్కొండ హైస్కూల్, సమ్మోహనం లాంటి చిత్రాలతో ఇంద్రగంటి కమర్షియల్గానూ సత్తా చాటుకుని తనకంటూ ఓ అభిమాన వర్గాన్ని ఏర్పరుచుకున్నాడు.
ఐతే ఇంద్రగంటి అభిమానులందరినీ వి మూవీ బాగా హర్ట్ చేసేసింది. ఆయన ఇలాంటి సినిమా తీయడమేంటంటూ అందరూ అసంతృప్తి రాగం అందుకున్నారు. ఇలాంటి సినిమాలు తీయడానికి ఎంతమంది దర్శకులు లేరు, మీరు మీ స్టయిల్లో సినిమా తీయండని విన్నవించుకున్నారు. ఇప్పుడు అభిమానులు కోరుకునే, తన మార్కు మూవీనే తీసినట్లున్నాడు ఇంద్రగంటి. ఆ అమ్మాయి గురించి మీకు చెప్పాలి.. అంటూ టైటిల్తోనే మంచి ఫీల్ ఇచ్చిన ఇంద్రగంటి.. ఇప్పుడు టీజర్తో వారెవా అనిపించాడు.
టీజర్ ఆద్యంతం ఇంద్రగంటి బెస్ట్ మూవీ సమ్మోహనం ఫీల్స్ కనిపించాయి. అందులో మాదిరే ఇక్కడా కథ సినిమాల చుట్టూ తిరగడం విశేషం. కొంత సమ్మోహనం హ్యాంగోవర్లో ఇంద్రగంటి ఉన్నట్లుగా కనిపించినా.. అదేమంత ఇబ్బంది పెట్టే విషయం కాదు. ఆయన మరోసారి తన మార్కుతో మ్యాజిక్ చేయబోతున్నట్లు టీజర్లో స్పష్టంగా కనిపించింది. సమ్మోహనం తర్వాత తడబడ్డ సుధీర్ బాబు కూడా ఈ సినిమాతో మళ్లీ సక్సెస్ ట్రాక్ ఎక్కేలాగే కనిపిస్తున్నాడు.
This post was last modified on January 22, 2022 10:35 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…