నందమూరి బాలకృష్ణ కెరీర్ దారుణంగా దెబ్బ తిని, ఆయన పతనావస్థను చూస్తున్న టైంలో ‘సింహా’ సినిమాతో నందమూరి హీరోను మళ్లీ ట్రాక్లోకి తీసుకొచ్చాడు బోయపాటి శ్రీను. కానీ ఈ విజయాన్ని బాలయ్య నిలబెట్టుకోలేదు. ఆ తర్వాత పరమవీర చక్ర, అధినాయకుడు, శ్రీమన్నారాయణ లాంటి పేలవమైన సినిమాలు చేసి క్రేజ్నంతా దెబ్బ తీసుకున్నాడు.
కెరీర్ మరోసారి పట్టాలు తప్పిన సమయంలో మళ్లీ బాలయ్యను రక్షించింది బోయపాటినే. వీరి కలయికలో వచ్చిన రెండో సినిమా ‘లెజెండ్’ సైతం బ్లాక్బస్టర్ కావడం తెలిసిందే. ఐతే ఈసారి కూడా బాలయ్య ఈ సక్సెస్ను నిలబెట్టుకోలేదు.
‘గౌతమీపుత్ర శాతకర్ణి’ని మినహాస్తే బాక్సాఫీస్ దగ్గర బాలయ్యకన్నీ పరాభవాలే ఎదురయ్యాయి. ముఖ్యంగా యన్.టి.ఆర్, రూలర్ సినిమాలతో కెరీర్లోనే అత్యంత దారుణమైన పతనాన్ని చూశాడు బాలయ్య. ఈ దెబ్బతో బాలయ్య పనైపోయిందని చాలామంది అన్నారు. కాన ఆ టైంలో మళ్లీ బోయపాటితో జట్టు కట్టి ‘అఖండ’ రూపంలో తన కెరీర్లోనే బిగ్గెస్ట్ హిట్ కొట్టాడు.
రాజమౌళితో సినిమా చేశాక హీరోలందరికి ఫెయిల్యూర్లు వచ్చినట్లే.. బోయపాటితో పెద్ద హిట్ కొట్టాక బాలయ్య కెరీర్ గాడి తప్పడం సాధారణం అయిపోయింది. ఐతే గత రెండు పర్యాయాలకు భిన్నంగా బాలయ్య ఈసారి ఏమైనా జాగ్రత్త పడతాడా.. మళ్లీ బోయపాటి వచ్చి రక్షించాల్సిన అవసరం లేకుండా కెరీర్ను గాడిన పెట్టుకుంటాడా అని అభిమానులు చూస్తున్నారు.
ఇంతకుముందులా ఔట్ డేటెడ్ డైరెక్టర్లకు ఛాన్సులు ఇవ్వకుంటే, కథల విషయంలో కొంచెం జాగ్రత్త పడితే బాలయ్య ఈ ఫాంను కొనసాగించడం కష్టమేమీ కాదన్న అభిప్రాయం వ్యక్తమవుతోంది. ప్రస్తుతానికి బాలయ్య కమిట్మెంట్లు చూస్తే పరిస్థితి ఆశాజనకంగానే ఉంది.
‘క్రాక్’తో బ్లాక్బస్టర్ కొట్టిన గోపీచంద్ మలినేనితో, అలాగే అనిల్ రావిపూడితో బాలయ్య సినిమాలు ఓకే చేశాడు. త్వరలోనే గోపీచంద్ సినిమా సెట్స్ మీదికి కూడా వెళ్లబోతోంది. ఆ తర్వాత అనిత్తో బాలయ్య సినిమా ఉంటుంది. మళ్లీ బోయపాటితో అవకాశం ఉన్నపుడు బాలయ్య జట్టు కడితే ఓకే కానీ.. ఇంకోసారి బాలయ్య కెరీర్ పతనావస్థలో ఉండగా అతను రక్షించాల్సిన పరిస్థితి రాకుండా చూసుకుంటే బెటర్.
This post was last modified on December 16, 2021 10:41 pm
సరిగ్గా మూడేండ్ల క్రితం రూ.40 వేలు తులం ఉన్న బంగారం ధర ఇప్పుడు రూ.70 వేల మార్క్ ను దాటిపోయింది.…
టీడీపీ - జనసేన - బీజేపీ కలిసి కూటమి కట్టాక, కూటమి మేనిఫెస్టోలో చంద్రబాబు ఫొటోతోపాటు పవన్ కళ్యాణ్ ఫొటో…
ఎన్నికల వేడి తారాస్థాయిలో ఉండటం వల్ల పవన్ కళ్యాణ్ సినిమాల గురించి ఆలోచించడం లేదు కానీ అభిమానులు మాత్రం ఈ…
కడప ఎంపీగా పోటీలో ఉన్న కాంగ్రెస్ పీసీసీ చీఫ్ వైఎస్ షర్మిల.. తాజాగా షాకింగ్ కామెంట్స్ చేశారు. తనను కడప…
పవర్ స్టార్ పవన్ కళ్యాణ్ కెరీర్ లోనే భారీ బడ్జెట్ ప్యాన్ ఇండియా మూవీగా రూపొందుతున్న హరిహర వీరమల్లు రెండు…
‘పవన్ కళ్యాణ్, చిరంజీవికి రక్తం పంచుకుని పుట్టిన తమ్ముడు కావొచ్చు.. కానీ, నేనూ ఆయనకి చెల్లెల్నే.. చిరంజీవి స్థాపించిన ప్రజారాజ్యం…