Movie News

పవన్ సరసన కొత్తమ్మాయి?

సాధారణంగా పెద్ద హీరోలు కొత్త హీరోయిన్లతో సినిమాలు చేయడం అరుదు. తమ రేంజికి తగ్గట్లు స్టార్ ఇమేజ్ ఉన్న హీరోయిన్లనే ప్రిఫర్ చేస్తుంటారు. కొత్తమ్మాయిలను పెట్టుకుంటే హీరోల ఇమేజ్ ముందు వాళ్ల తూగరేమో అనే భయం ఉంటుంది. ఈ కారణంతోనే పవర్ స్టార్ పవన్ కళ్యాణ్ సరసన చాలా కాలం నుంచి కొత్త అమ్మాయిలను నటింపజేయట్లేదు. గత దశాబ్ద కాలంలో ఒక్క ‘పంజా’ మూవీలో మాత్రమే సారాజేన్ డయాస్ అనే కొత్తమ్మాయితో పవన్‌కు జోడీ కట్టించారు. నిజానికి ఆ అమ్మాయి కూడా బాలీవుడ్లో అప్పటికే కొంచెం పాపులారిటీ ఉన్న అమ్మాయే.

ఆ తర్వాత మాత్రం పవన్‌ ఏ అప్‌కమింగ్, డెబ్యూ హీరోయిన్లతో నటించలేదు. ఐతే ఇప్పుడు సుదీర్ఘ విరామం తర్వాత పవన్‌కు జోడీగా ఒక కొత్తమ్మాయి నటించబోతున్నట్లు వార్తలొస్తున్నాయి. సాక్షి వైద్య అనే మోడల్ పవన్‌కు జోడీగా నటించబోతున్నట్లు సోషల్ మీడియాలో జోరుగా ప్రచారం జరుగుతోంది.

సురేందర్ రెడ్డి దర్శకత్వంలో పవన్ చేయబోయే కొత్త సినిమాలో సాక్షి వైద్యను హీరోయిన్‌గా పేర్కొంటున్నారు. నిన్నట్నుంచి సోషల్ మీడియాలో ఈ వార్త హల్‌ చల్ చేస్తోంది. నిజానికి ఈ అమ్మాయిని సురేందర్ రెడ్డి ప్రస్తుతం తీస్తున్న ‘ఏజెంట్’ మూవీకి కథానాయికగా ఎంచుకున్నట్లు వార్తలొచ్చాయి. ఐతే దీని గురించి ఇప్పటిదాకా అధికారిక సమాచారం అయితే లేదు. ఐతే ఇప్పుడేమో పవన్‌కు జోడీగా సాక్షి నటించబోతోందని, ఆమెతో నిర్మాత రామ్ తాళ్లూరి అగ్రిమెంట్ కూడా చేసుకున్నారని అంటున్నారు.

ఐతే ‘ఏజెంట్’ కోసం సాక్షి ఇప్పటికే పని చేస్తోందా.. ఆమె వర్క్ చూసి ఇంప్రెస్ అయి సురేందర్ పవన్ సినిమాకు కూడా తననే కథానాయికగా ఎంచుకున్నాడా అన్న దానిపై క్లారిటీ లేదు. ఐతే అఖిల్ లాంటి యంగ్ హీరో పక్కన కథానాయికగా చేసిన అమ్మాయి పవన్ పక్కన ఎలా ఉంటుందో.. ఇంత చిన్నమ్మాయితో రొమాన్స్ చేయడానికి పవన్ ఒప్పుకుంటాడో లేదో అన్న డౌటానుమానాలు కలుగుతున్నాయి నెటిజన్లకు. దీనిపై కొన్ని రోజుల్లో క్లారిటీ రావచ్చు.

This post was last modified on October 26, 2021 2:28 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

47 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago