సూర్య కెరీర్ స్లంప్లో ఉన్న టైంలో అతడికి గొప్ప ఉత్సాహాన్నిచ్చిన సినిమా ‘ఆకాశం నీ హద్దురా’. తమిళంలో ‘సూరారై పొట్రు’ పేరుతో తెరకెక్కిన ఈ చిత్రాన్ని తెలుగమ్మాయి సుధ కొంగర రూపొందించింది. ఎయిర్ డెక్కన్ వ్యవస్థాపకుడు గోపీనాథ్ జీవిత కథ ఆధారంగా తెరకెక్కిన ఈ చిత్రం తమిళ, తెలుగు ప్రేక్షకులతో పాటు వేరే భాషల వాళ్లనూ ఆకట్టుకుంది. అమేజాన్ ప్రైమ్లో అత్యంత ఆదరణ సంపాదించుకున్న భారతీయ చిత్రాల్లో ఇదొకటిగా నిలిచింది. ఈ సినిమా అనేక పురస్కారాలకు కూడా ఎంపికైంది.
‘సూరారై పొట్రు’ను హిందీలో రీమేక్ చేయడానికి సన్నాహాలు కొన్ని నెలల కిందటే మొదలయ్యాయి. అబుండాంటియా ఎంటర్టైన్మెంట్ సంస్థతో కలిసి సూర్య ప్రొడక్షన్ హౌస్ 2డీ ఎంటర్టైన్మెంట్ ఈ చిత్రాన్ని నిర్మించడానికి సిద్ధమైంది. అక్షయ్ కుమార్ హిందీ వెర్షన్లో హీరో అని వార్తలొచ్చాయి.
ఐతే ఈ సినిమా మొదలుపెట్టబోతుండగా సూర్య అండ్ కోకు గట్టి ఎదురు దెబ్బ తగిలింది. ‘సూరారై పొట్రు’ను సూర్య సంస్థతో కలిసి నిర్మించిన శిఖ్య ఎంటర్టైన్మెంట్.. తమ అనుమతి లేకుండా హిందీ రీమేక్ తీస్తున్నారంటూ మద్రాసు హైకోర్టును ఆశ్రయించింది. దీంతో ‘సూరారై పొట్రు’ రీమేక్పై స్టే విధిస్తూ కోర్టు తీర్పునిచ్చింది. కొన్ని వారాలుగా పనులన్నీ ఆపేసింది చిత్ర బృందం.
ఐతే ఇప్పుడు కోర్టు నుంచి సూర్య బృందానికి ఊరట లభించింది. ఇంతకుముందు ఇచ్చిన స్టేను రద్దు చేస్తూ మద్రాస్ హైకోర్టు తాజాగా ఆదేశాలు జారీ చేసింది. మధ్యలో కోర్టు విచారణలో ఏం జరిగిందో.. సూర్య బృందం ఏం వివరణ ఇచ్చిందో కానీ.. ఇప్పుడు వారికున్న అడ్డంకులు తొలగిపోయాయి. ప్రి ప్రొడక్షన్ పనులు పున:ప్రారంభించి త్వరలోనే షూటింగ్ మొదలుపెట్టడానికి రెడీ అవుతున్నారు. అక్షయ్ ఈ సినిమాలో లీడ్ రోల్ చేయనున్నట్లు త్వరలోనే అధికారిక ప్రకటన రానున్నట్లు సమాచారం.
This post was last modified on September 9, 2021 2:11 pm
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…