ఆనంది అలియాస్ రక్షిత.. అచ్చ తెలుగు అమ్మాయి. గతంలో ఈ రోజుల్లో, బస్ స్టాప్ లాంటి చిత్రాల్లో సహాయ పాత్రలు చేసిందీ అమ్మాయి. వాటితో రావాల్సినంత పేరు రాలేదు. అదే సమయంలో తమిళంలోకి వెళ్లింది. అక్కడ ‘కయల్’ అనే మంచి సిినిమా చేసి తమిళ ప్రేక్షకుల మనసులు కొల్లగొట్టేసింది. తర్వాత అవకాశాలు వరుస కట్టాయి. మీడియం రేంజ్ హీరోయిన్గా బాగానే సెటిలైంది. రెండంకెల సంఖ్యలో సినిమాలు చేసింది.
జాతీయ అవార్డు సాధించిన ‘పరియేరుం పెరుమాళ్’ సినిమాలో ఆనంది పెర్ఫామెన్స్కు గొప్ప ప్రశంసలు దక్కాయి. ఎందరో ప్రముఖులు ఆమె నటనను కొనియాడారు. ఆమెకు చాలా భవిష్యత్ ఉందన్నారు. వయసు తక్కువే కావడంతో ఆనంది చాలా కాలం ఇండస్ట్రీలో కథానాయికగా కొనసాగుతుందని అంచనా వేశారు. ఐతే సడెన్గా ఆమె ఓ అసిస్టెంట్ డైరెక్టర్ను పెళ్లాడేసింది. ఆనంది స్వస్థలం అయిన వరంగల్లో సింపుల్గా వీరి పెళ్లి జరిగిపోయింది.
పెళ్లి చేసుకున్నప్పటికీ కథానాయికగా కొనసాగుతుందని.. తన శైలిలో ట్రెడిషనల్ క్యారెక్టర్లతో సాగిపోతుందని అనుకున్నారంతా. కానీ ఆనంది అందరినీ ఆశ్చర్యానికి గురి చేస్తూ ప్రెగ్నెంట్ అయింది. కళ్ల ముందు మంచి కెరీర్ కనిపిస్తుంటే పెళ్లయిన వెంటనే ఆనంది తల్లిగా మారడం చాలామందికి మింగుడు పడటం లేదు. అందులోనూ తన మాతృ భాషలో కథానాయికగా నిలదొక్కుకోవడాలన్న ఆమె కోరిక ఇప్పుడే నెరవేరే పరిస్థితి కనిపిస్తోంది. ఇప్పటికే ‘జాంబి రెడ్డి’తో హిట్టు కొట్టిన ఆనంది.. తాజాగా ‘శ్రీదేవి సోడా సెంటర్’తో ఆకట్టుకుంది.
ఈ సినిమా ఫలితం సంగతలా ఉంచితే.. ఆనంది పెర్ఫామెన్స్కు ప్రశంసలు దక్కుతున్నాయి. ఈ సినిమా తర్వాత కచ్చితంగా ఆమెకు అవకాశాలు పెరుగుతాయని అంచనా వేస్తున్నారు. కానీ ఈలోపే ఆనంది ఆరు నెలల గర్భవతి అనే వార్త బయటికి వచ్చింది. కెరీర్ మరో స్థాయికి వెళ్తుందనుకుంటున్న సమయంలో ఆమె ప్రెగ్నెంట్ కావడమేంటి అని చాలామంది ఆశ్చర్యపోతున్నారు. తల్లి కావాలనుకోవడం ఆమె వ్యక్తిగత విషయమే అయినప్పటికీ.. ఇలా చేసి సినిమాలకు దూరం కావడం ఆమె అభిమానులకు రుచించడం లేదు. ఇందుకోసం రెండు మూడేళ్ల గ్యాప్ ఖాయం కాబట్టి తిరిగి సినిమాల్లోకి రావాలనుకున్నా ఆమెకు అప్పుడు అవకాశాలు వస్తాయా అన్నది డౌటే.
This post was last modified on August 31, 2021 3:55 pm
సామాజిక పింఛన్ల పై పిడుగు పడినట్టు అయింది. వృద్ధులు, దివ్యాంగులు, వితంతులు, ఒంటరి మహిళ లు.. వంటి సామాజిక పింఛనుపై…
ఏపీలో జరుగుతున్న సార్వత్రిక ఎన్నికలకు సంబంధించి అధికార పార్టీ వైసీపీ తాజాగా ఎన్నికల మేనిఫెస్టోను ప్రకటించిన విషయం తెలిసిందే. 2019…
స్టార్ హీరోల పోటీని తట్టుకుని బ్లాక్ బస్టర్ మించిన వసూళ్లను సాధించిన హనుమాన్ కొనసాగింపు జై హనుమాన్ ఆల్రెడీ ప్రకటించిన…
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…