Movie News

తెలుగు వెబ్ సిరీస్.. ఇంకోటి క్లిక్


ఇండియాలో వెబ్ సిరీస్‌ల సంస్కృతిని ముందుగా అందిపుచ్చుకున్నది బాలీవుడ్ వాళ్లే. అక్కడ పేరున్న తారలతో పెద్ద ఎత్తున వెబ్ సిరీస్‌లు తయారయ్యాయి. మిగతా ఇండస్ట్రీలో అంత వేగంగా వెబ్ సిరీస్‌లకు అలవాటు పడలేకపోయాయి. ఐతే కరోనా రాకతో కథ మారిపోయింది. ఓటీటీల జోరు బాగా పెరగడంతో ప్రాంతీయ భాషల్లో పెద్ద ఎత్తున ఒరిజినల్స్ మొదలయ్యాయి. తెలుగులో ఆహా ఓటీటీ.. గత ఏడాది కాలంలో చెప్పుకోదగ్గ సంఖ్యలోనే వెబ్ సిరీస్‌లను రూపొందించింది.

ఐతే ఇటీవలే వచ్చిన ‘కుడి ఎడమైతే’ మాత్రమే ప్రేక్షకులను ఎక్కువగా మెప్పించింది. లాక్డ్, సిన్ లాంటి సిరీస్‌లు పర్వాలేదు. ఐతే ఈ సిరీస్‌లను పరిశీలిస్తే ఎక్కువగా హాలీవుడ్, హిందీ వెబ్ సిరీస్‌లకు అనుకరణలా కనిపిస్తాయి. వాటిలో మన నేటివిటీ కనిపించదు. కాగా చాయ్ బిస్కెట్ వాళ్లు రూపొందించిన ‘30 వెర్సస్ 21’ అచ్చమైన తెలుగు వెబ్ సిరీస్‌ లాగా కనిపించింది. అది అంచనాల్ని మించిపోయి అద్భుతమైన రెస్పాన్స్ తెచ్చుకుంది.

ఈ కోవలో ఇప్పుడు మరో తెలుగు వెబ్ సిరీస్‌.. తెలుగు ప్రేక్షకుల మనసు దోస్తోంది. అదే.. తరగతి గది దాటి. ఆహా కోసం దర్శకుడు మల్లిక్ రామ్ రూపొందించిన సిరీస్ ఇది. ‘కలర్ ఫోటో’లో పాపులర్ అయిన తరగతి గది దాటి అనే పాట పల్లవి నుంచి ఈ టైటిల్ తీసుకోవడంతో ఏదో క్యాష్ చేసుకునే ప్రయత్నంలా కనిపించింది కానీ.. ట్రైలర్ చూస్తే ఇందులో ఏదో ప్రత్యేకత ఉందనిపించింది. ఈ శుక్రవారమే ‘తరగతి గది దాటి’ రిలీజైంది.

ఐదు ఎపిసోడ్లతో షార్ట్ అండ్ స్వీట్‌గా ఉన్న వెబ్ సిరీస్ చూసిన ప్రేక్షకులందరూ చాలా పాజిటివ్‌గా మాట్లాడుతున్నారు. ల్యాగ్ లేకుండా తక్కువ నిడివితో.. మంచి ఫ్లోతో.. ఈ ఐదు ఎపిసోడ్లు సాగిపోవడం.. మంచి ఫీల్ ఉండటం.. ఎంటర్టైన్మెంట్‌కు తోడు ఎమోషన్లు కూడా సరిగా పండటంతో యూత్‌కు ఈ సిరీస్ బాగా నచ్చేస్తోంది. అన్ని పాత్రలకూ సరైన ఆర్టిస్టులను తీసుకోవడం.. అందరూ చక్కగా పెర్ఫామ్ చేయడం కూడా దీనికి ప్లస్ అయింది. హిందీలో వచ్చిన ‘ఫ్లేమ్స్’ ఆధారంగా ఈ సిరీస్‌ను తీర్చిదిద్దాడు దర్శకుడు మల్లిక్ రామ్. ఇంతకుముందు ‘విక్కీ డోనర్’ను ‘నరుడా డోనరుడా’గా రీమేక్ చేసి దెబ్బ తిన్న మల్లిక్‌.. ఈ సిరీస్‌లో బాగానే ప్రతిభ చూపించాడు.

This post was last modified on August 23, 2021 8:09 am

Share
Show comments
Published by
Satya

Recent Posts

రోజా, బైరెడ్డిలకు కష్గాలు… ఏం జరుగుతోంది?

ఏపీలో విపక్షం వైసీపీలో ఫైర్ బ్రాండ్ నేతలుగా మాజీ మంత్రి, నగరి మాజీ ఎమ్మెల్యే ఆర్కే రోజా, నంద్యాల జిల్లాకు…

41 minutes ago

నాని నమ్మకానికి ప్రీమియర్ల పరీక్ష

నిర్మాతగా నాని విపరీతమైన నమ్మకం పెట్టుకున్న కోర్ట్ ఇంకో మూడు రోజుల్లో విడుదల కానుంది. ఇంతకు ముందు ప్రొడ్యూసర్ గా…

59 minutes ago

సాయిరెడ్డి వంతు వచ్చేసింది!

వైసీపీ హయాంలో ఇష్టారాజ్యంగా వ్యవహరించిన ఆ పార్టీ నేతలు ఒక్కొక్కరుగానే బుక్ అయిపోతున్నారు. వైసీపీ జమానాలో ఆయా నేతలు సాగించిన…

2 hours ago

అమ‌రావ‌తి పై అనుమానాలొద్దు.. ఇక పరుగులే

ఏపీ రాజ‌ధాని అమ‌రావ‌తి విష‌యంలో ప్ర‌తిప‌క్షం వైసీపీ నాయ‌కులు సృష్టిస్తున్న విషప్ర‌చారాన్ని ప్ర‌జ‌లు నమ్మ‌రాద‌ని ఏపీ మంత్రులు కోరారు. రాజ‌ధాని…

2 hours ago

అసంత్రుప్తివున్నా జగన్ వైపు వెళ్ళట్లేదుగా

సాధార‌ణంగా ఒక రాజ‌కీయ పార్టీ విఫ‌ల‌మైతే.. ఆ పార్టీ న‌ష్ట‌పోవ‌డమే కాదు.. ప్ర‌త్య‌ర్థి పార్టీలు కూడా బ‌లోపేతం అవుతాయి. ఇప్పుడు…

5 hours ago

నేను దయ్యాన్ని కాదు-నిధి అగర్వాల్

హార్రర్ సినిమాల్లో దయ్యాల పాత్రలు పోషించిన కథానాయికలు చాలామందే ఉన్నారు. ఒకప్పుడంటే దయ్యాల పాత్రలు చేయడానికి స్టార్ హీరోయిన్లు వెనుకంజ…

6 hours ago