మామూలుగానే ఆర్ఆర్ఆర్ మీద అంచనాలు భారీ స్థాయిలో ఉన్నాయి. ఇక రిలీజ్ దగ్గర పడేకొద్దీ అంచనాలు మరింత పెరిగిపోతున్నాయి. అందుక్కారణం రాజమౌళి అండ్ టీం అమలు చేస్తున్న ప్రమోషనల్ స్ట్రాటజీనే. ఇటీవలే ఎవ్వరూ ఊహించని విధంగా ఉన్నట్లుండి మేకింగ్ వీడియోను రిలీజ్ చేసి అభిమానులను ఉర్రూతలూగించింది ఆర్ఆర్ఆర్ టీం.
అది కళ్లు చెదిరే విధంగా ఉండి అందరి దృష్టినీ ఆకర్షించింది. ఇప్పుడిక ఒక భారీ ప్రమోషనల్ సాంగ్ కోసం సన్నాహాలు చేస్తోంది ఆర్ఆర్ఆర్ టీం. హీరోలతో పాటుగా చిత్ర బృందంలోని ముఖ్యులందరూ కనిపించే ఈ ప్రమోషనల్ సాంగ్ ఇండియన్ ఫిలిం హిస్టరీలోనే నభూతో అనేట్లు ఉంటుందన్న వ్యాఖ్యానాలు వినిపిస్తున్నాయి. ఈ పాట కోసం సంగీత దర్శకుడు కీరవాణి.. తమిళ సెన్సేషనల్ మ్యూజిక్ డైరెక్టర్ అనిరుధ్ సాయం తీసుకుంటున్నట్లు ఇటీవల వార్తలొచ్చిన సంగతి తెలిసిందే.
ఈ ప్రమోషనల్ సాంగ్కు సంగీత పరంగా సాయం చేయడంతో పాటు ఇందులో అనిరుధ్ సైతం తళుక్కుమంటాడని ప్రచారం సాగింది. ఈ ప్రచారం నిజమే అని తేలింది. స్వయంగా కీరవాణే దీని గురించి అప్డేట్ ఇచ్చాడు. ఆయన చెన్నైకి వెళ్లి అనిరుధ్ను కలిసి ఈ పాట గురించి చర్చించి రావడం విశేషం.
ఈ సందర్భంగా అనిరుధ్ టాలెంట్, అతడి టీం గురించి ప్రశంసలు కురిపిస్తూ కీరవాణి ఒక ట్వీట్ కూడా వేశాడు. అనిరుధ్తో తన సెషన్ చాలా బాగా సాగిందనడం ద్వారా ప్రమోషనల్ సాంగ్ గురించి కీరవాణి హింట్ ఇచ్చాడు. ఇందుకు అనిరుధ్ స్పందిస్తూ.. ఆర్ఆర్ఆర్లో భాగం కావడం తనకెంతో ఆనందదాయకమని.. టీంకు తన ప్రేమాభిమానాలు అందజేస్తున్నానని ట్వీట్ చేశాడు.
యూత్, మాస్, ఫ్యాన్స్ పల్స్ బాగా తెలిసిన అనిరుధ్.. తన పాటలతో ఎలా అలరిస్తాడో తెలిసిందే. ఆర్ఆర్ఆర్ కోసం అంటే అతను ఓ రేంజిలో ఔట్పుట్ ఇస్తాడని ఆశించవచ్చు.
This post was last modified on July 26, 2021 8:23 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…