నటి నాలుగో పెళ్లి.. ఫోటో వైరల్!

ప్రముఖ సినీ నటుడు విజయ్ కుమార్ కూతురు వనితా విజయ్ కుమార్ పలు వివాదాస్పద అంశాలతో తరచూ వార్తల్లో నిలుస్తుంటుంది. తన తండ్రితో ఆస్తుల కోసం గొడవలు పడడం, మూడో పెళ్లి వంటి విషయాలతో వనితా మీడియాలో హాట్ టాపిక్ అయింది. ఆమె మూడో పెళ్లి కూడా పెటాకులైన సంగతి తెలిసిందే. అయితే తాజాగా ఆమె షేర్ చేసిన ఓ ఫోటో ఇప్పుడు వైరల్ అవుతోంది. తమిళ పవర్ స్టార్ శ్రీనివాసన్ తో పూలదండలు మార్చుకుంటున్న స్టిల్ ను ఆమె తన సోషల్ మీడియా అకౌంట్ లో పోస్ట్ చేసింది.

ఈ పోస్ట్ చూసిన నెటిజన్లు, కొందరు సెలబ్రిటీలు శుభాకాంక్షలు చెబుతున్నారు. దీంతో ఆమెకి పెళ్లి జరిగిందంటూ వార్తలు చక్కర్లు కొడుతున్నాయి. హీరోయిన్ గా సినిమాలు చేసిన ఈ బ్యూటీకి ఆ తరువాత అవకాశాలు తగ్గాయి. తమిళ బిగ్ బాస్ షోలో పాల్గొని తన పాపులారిటీ పెంచుకుంది. వీటికి తోడు తన పెళ్లిళ్ల వార్తలతో చర్చల్లో ఉంటోంది. ఇటీవల ఓ జ్యోతిష్యుడు వనితాకు నాల్గో పెళ్లి జరుగుతుందని.. ‘ఎస్’ అనే అక్షరం పేరుతో మొదలయ్యే వ్యక్తితో ఆమెకి పెళ్లి జరుగుతుందని చెప్పారు.

అంతేకాదు ఆమె రాజకీయాల్లోకి వెళ్తుందని కూడా చెప్పారు. ఈ విషయాలు బాగా వైరల్ అయ్యాయి. ఈ క్రమంలో ఆమె జ్యోతిష్యుడు చెప్పినట్లుగానే ‘ఎస్’ అనే అక్షరంతో మొదలయ్యే శ్రీనివాసన్ తో దండలు మార్చుకొని కనిపించడం చర్చనీయాంశంగా మారింది. ఎలాంటి వివరణ ఇవ్వకుండా కేవలం ఫోటో షేర్ చేసి ఊరుకుంది వనితా. అయితే ఇది నిజమైన పెళ్లి కాదని.. ప్రస్తుతం ఆమె నటిస్తోన్న ఓ సినిమాలో స్టిల్ అంటూ కొందరు కామెంట్స్ చేస్తున్నారు. మరి దీనిపై వనితా క్లారిటీ ఇస్తుందేమో చూడాలి!