Movie News

రాజ‌శేఖ‌ర్ కోసం జార్జిరెడ్డి భామ‌


సీనియ‌ర్ హీరో రాజ‌శేఖ‌ర్ కొన్నేళ్ల విరామం త‌ర్వాత మ‌ళ్లీ కెమెరాను ఫేస్ చేయ‌బోతున్నారు. గ‌రుడ‌వేగ‌తో రీఎంట్రీ ఇచ్చి, ఆ త‌ర్వాత క‌ల్కి సినిమాలో న‌టించిన రాజ‌శేఖ‌ర్.. దాదాపు మూడేళ్ల విరామం తీసుకున్నాడు. క‌ప‌ట‌ధారి చిత్రానికి ముందు ఆయ‌నే హీరోగా ఎంపిక‌య్యాడు కానీ.. త‌ర్వాత ఏవో కార‌ణాల‌తో దాన్నుంచి త‌ప్పుకున్నాడు. ఆపై వీర‌భ‌ద్రం చౌద‌రి ద‌ర్శ‌క‌త్వంలో అనుకున్న సినిమా కూడా ప‌ట్టాలెక్క‌లేదు.

కొన్ని నెల‌ల కింద‌ట క‌రోనా బారిన ప‌డి ఒక ద‌శ‌లో విష‌మ స్థితిని ఎదుర్కొని, త‌ర్వాత కోలుకున్న రాజ‌శేఖ‌ర్.. ఇప్ప‌ట్లో సినిమాలు చేస్తాడా అనుకున్నారు కానీ.. కొంచెం గ్యాప్‌లో మూడు సినిమాలు అనౌన్స్ చేసి అంద‌రినీ ఆశ్చ‌ర్య‌ప‌రిచాడాయ‌న‌. ఆ మూడు సినిమాల్లో శేఖ‌ర్ కూడా ఒక‌టి. మ‌ల‌యాళ హిట్ మూవీ జోసెఫ్‌కు ఇది రీమేక్ అన్న సంగ‌తి తెలిసిందే.

ఈ సినిమా కోసం నెరిసిన జుట్టు, ముడ‌త‌లు ప‌డ్డ ఛ‌ర్మంతో డీగ్లామ‌ర‌స్ అవ‌తారం ఎత్తాడు రాజ‌శేఖ‌ర్. ల‌లిత్ అనే కొత్త ద‌ర్శ‌కుడు ఈ సినిమాను తెర‌కెక్కించ‌నున్నాడు. త్వ‌ర‌లోనే రెగ్యుల‌ర్ షూటింగ్ మొద‌లుపెట్ట‌నున్నారు. ఇప్పుడు న‌టీన‌టుల ఎంపిక జ‌రుగుతోంది. ఈ చిత్రంలో రాజ‌శేఖ‌ర్‌కు జోడీగా మ‌ల‌యాళ హీరోయిన్ అను సితార‌ను ఓకే చేశారు. ఈ సినిమాలో హీరో కూతురి పాత్ర కూడా చాలా కీల‌కం. దాని కోసం జార్జిరెడ్డి ఫేమ్ ముస్కాన్‌ను ఓకే చేసిన‌ట్లు తెలిసింది.

ఎంఎల్వీ స‌త్య‌నారాయ‌ణ‌తో క‌లిసి రాజశేఖ‌ర్ కూతుళ్లు శివాని, శివాత్మిక ఈ చిత్రాన్ని నిర్మిస్తుండ‌టం విశేషం. అనూప్ రూబెన్స్ సంగీతం అందిస్తున్నాడు. జోజు జార్జ్‌ ప్ర‌ధాన పాత్ర‌లో న‌టించిన దీని ఒరిజిన‌ల్ జోసెఫ్ మ‌ల‌యాళంలో మంచి విజ‌యం సాధించింది. మెడిక‌ల్ మాఫియా చుట్టూ తిరిగే ఈ థ్రిల్ల‌ర్ మూవీ రాజ‌శేఖ‌ర్‌కు బాగానే సెట్ట‌య్యే అవ‌కాశ‌ముంది.

This post was last modified on June 9, 2021 6:42 am

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

20 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago