ఇండియన్ ఓటీటీ ఫ్లాట్ ఫామ్స్లో వెబ్ సిరీస్ల రికార్డులన్నీ బద్దలు కొట్టడానికి రెడీ అయినట్లే ఉంది ‘ఫ్యామిలీ మ్యాన్-2’. ఈ సిరీస్ మీద ఉన్న అంచనాలు, దీనికున్న క్రేజ్ నెవర్ బిఫోర్ అనే చెప్పాలి. ఒక వెబ్ సిరీస్ కోసం, అందులోనూ సీక్వెల్ కోసం ప్రేక్షకులు ఇంతగా ఎదురు చూస్తారని ఎవ్వరూ ఊహించి ఉండరు. మామూలుగా క్రేజీ కాంబినేషన్లలో తెరకెక్కిన స్టార్ హీరోల సినిమాల మీద మాత్రమే అంచనాలుంటాయి. వాటి కోసం ప్రేక్షకులు ఉత్కంఠగా ఎదురు చూస్తారు. ఫస్ట్ట్ డే ఫస్ట్ షో ఫీవర్తో ఊగిపోతుంటారు. తొలి రోజు రికార్డుల గురించి చర్చ నడుస్తుంటుంది.
ఒక వెబ్ సిరీస్ విషయంలో ఇలాంటి యుఫోరియా ‘ఫ్యామిలీ మ్యాన్-2’ విషయంలో మాత్రమే చూస్తున్నాం. ఒకప్పుడు వెబ్ సిరీస్లను కేవలం యూత్ మాత్రమే చూసేవాళ్లు. కానీ గత రెండేళ్లలో ఓటీటీ విప్లవం పుణ్యమా అని ఫ్యామిలీస్ కూడా వీటిని బాగా ఆదరిస్తున్నాయి.
లాక్ డౌన్ టైంలో అమేజాన్ ప్రైమ్ ఇంటింటికీ వెళ్లిపోయింది. అందులోని ఒరిజినల్స్,లో ప్రేక్షకులు తప్పక చూసిన వాటిలో ‘ఫ్యామిలీ మ్యాన్’ ఒకటి. ఉత్కంఠకు ఉత్కంఠ.. అలాగే కుటుంబ ప్రేక్షకులను ఆకట్టుకునే ఎమోషన్లతో ఈ సిరీస్ చాలా బాగా ఆకట్టుకుంది. తొలి సీజన్ అయినప్పటి నుంచి రెండో సీజన్ కోసం అందరూ ఉత్కంఠగా ఎదురు చూస్తున్నారు. లాక్ డౌన్ టైంలో కొంచెం లేటుగా ఈ సిరీస్ చూసిన వాళ్లలోనూ అదే ఉత్కంఠ నెలకొంది.
ఇప్పటికే చాలా ఆలస్యమై, వివాదాలను దాటుకుని గురువారం అర్ధరాత్రి నుంచి స్ట్రీమ్ కానున్న ‘ఫ్యామిలీ మ్యాన్-2’ కోసం ఒకేసారి కోట్ల మంది అమేజాన్ ప్రైమ్ తెరవడం గ్యారెంటీ. కచ్చితంగా ఫస్ట్ డే వ్యూస్ విషయంలో ఈ సిరీస్ కొత్త రికార్డులను నెలకొల్పడం ఖాయం. ట్రాఫిక్ ఎక్కువై సర్వర్ ప్రాబ్లమ్స్ వచ్చినా ఆశ్చర్యం లేదు. మిగతా వెబ్ సిరీస్ల మాదిరి తీరిగ్గా కొన్ని రోజుల పాటు ఎపిసోడ్లు చూసే మాదిరి ప్రేక్షకులు ఈ సిరీస్ విషయంలో చేయకపోవచ్చు. ఒక్క రోజులో అన్ని ఎపిసోడ్లనూ లాగించేయడానికే చూడొచ్చు. ఓ వెబ్ సిరీస్కు ఇలాంటి క్రేజ్ నెవర్ బిఫోర్ అనడంలో సందేహం లేదు.
This post was last modified on June 4, 2021 8:13 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…