షారుఖ్ ఖాన్ కెరీర్లో ప్రత్యేకమైన చిత్రాల్లో ‘దేవదాస్’ ఒకటి. ఎవర్ గ్రీన్ క్లాసిక్ మూవీ ‘దేవదాస్’ కథనే తీసుకుని ఆధునిక హంగులతో కళ్లు జిగేల్మనేలా తీర్చిదిద్దాడు లెజెండరీ డైరెక్టర్ సంజయ్ లీలా బన్సాలీ. తాను ఏ సినిమా తీసినా తనదైన టేకింగ్ ద్వారా దానికి క్లాసిక్ టచ్ ఇచ్చే బన్సాలీ.. ‘దేవదాస్’ను ప్రత్యేకమైన సినిమాగా నిలబెట్టాడు. దీని తర్వాత బన్సాలీ తీసిన సినిమాలన్నీ క్లాసిక్స్ జాబితాలో చేరాయి. చివరగా ఆయన్నుంచి ‘పద్మావత్’ లాంటి కల్ట్ మూవీ వచ్చింది.
ప్రస్తుతం ఆలియా భట్ ప్రధాన పాత్రలో ‘గంగూబాయి కతియావాడీ’ అనే సినిమా తీస్తున్నాడు బన్సాలీ. ఇటీవలే విడుదలైన దాని టీజర్ ఆకట్టుకుంది. బన్సాలీ మరో హిట్టు కొట్టేలాగే కనిపిస్తున్నాడు. ఇదిలా ఉంటే.. సల్మాన్ ఖాన్తో ఓ సినిమా అనుకుని కొన్ని కారణాల వల్ల దాన్ని పక్కన పెట్టేసిన బన్సాలీ.. తన తర్వాతి చిత్రం కోసం షారుఖ్ ఖాన్తో జట్టు కట్టే అవకాశాలు కనిపిస్తున్నాయి.
‘దేవదాస్’ తర్వాత షారుఖ్, బన్సాలీ కలిసి సినిమా చేయనున్నారని.. ఇజ్హార్ అనే టైటిల్ కూడా ఖరారు చేశారని.. ఇదొక ప్రేమకథ అని బాలీవుడ్ మీడియా రిపోర్ట్ చేస్తోంది. టైటిల్ కూడా చెప్పేశారంటే కచ్చితంగా ‘దేవదాస్’ కాంబినేషన్ను చూడబోతున్నట్లే. ప్రేమకథలు తీయడంలో బన్సాలీది ప్రత్యేకమైన శైలి. ఆ జానర్లో షారుఖ్ కూడా అద్భుతమైన సినిమాలు చేశాడు. కాబట్టి వీరి కలయికలో ఒక క్లాసిక్ను ఆశించవచ్చు.
‘జీరో’ సినిమాతో మార్కెట్ జీరో అయిపోవడంతో రెండేళ్లకు పైగా విరామం తీసుకున్న షారుఖ్.. యశ్ రాజ్ ఫిలిమ్స్ బేనర్లో సిద్దార్థ్ ఆనంద్ దర్శకత్వంలో ‘పఠాన్’ అనే సినిమా చేస్తున్న సంగతి తెలిసిందే. షారుఖ్ గత సినిమాల ప్రభావం ఏమీ లేకుండా ఈ సినిమాకు కావాల్సినంత హైప్ వచ్చింది. దీని తర్వాత అతను గ్రేట్ డైరెక్టర్ రాజ్ కుమార్ హిరానితో ఓ సినిమా చేస్తాడని కూడా ప్రచారం జరిగింది. దానికి ముందో, తర్వాతో బన్సాలీతో షారుఖ్ సినిమా చేస్తాడంటున్నారు.
This post was last modified on May 11, 2021 10:36 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…