కరోనా కథ ముగిసిందని.. ఇక థియేటర్లకు గండం గడిచినట్లే అని.. మళ్లీ ఎప్పుడూ గత ఏడాది చూసిన సంక్షోభం మళ్లీ రాదని అనుకున్నారు సినీ జనాలు. కానీ కరోనా సెకండ్ వేవ్ పుణ్యమా అని మళ్లీ థియేటర్లలో సినిమాల ప్రదర్శన ఆగిపోయింది. థియేటర్లు మూత వేయాలని ప్రభుత్వాలేమీ అధికారికంగా ఆదేశాలేమీ జారీ చేయలేదు.
కానీ కరోనా ఉద్ధృతి నేపథ్యంలో యాజమాన్యాలే స్వచ్ఛందంగా మెజారిటీ థియేటర్లను మూసేశాయి. కొత్త సినిమాల విడుదల లేదు. ప్రేక్షకులు కూడా థియేటర్లకు వెళ్లే మూడ్లో ఎంతమాత్రం లేరు. అలాంటపుడు ఇక థియేటర్లను తెరుచుకుని ఏం చేస్తారు? చివరగా ‘వకీల్ సాబ్’ సినిమాతో థియేటర్లు కళకళలాడాయి. అంతటితో కథ ముగిసింది. మూడు వారాలకు పైగానే థియేటర్లు ఖాళీగా కనిపిస్తున్నాయి. మళ్లీ ఎప్పుడు అవి కొత్త సినిమాలు, జనాలతో కళకళలాడతాయో తెలియట్లేదు.
మళ్లీ పరిస్థితులు బాగుపడితే కొత్త సినిమాలను థియేటర్లలోకి వదులుదామని.. నిర్మాతలు హోల్డ్ చేసి పెట్టుకున్నారు. లవ్ స్టోరి, టక్ జగదీష్, విరాటపర్వం లాంటి పెద్ద సినిమాలతో పాటు ఇష్క్, ఏక్ మిని కథ లాంటి చిన్న సినిమాలు ఫస్ట్ కాపీలతో రెడీగా ఉన్నాయి. నారప్ప, దృశ్యం-2, సీటీమార్ లాంటి సినిమాలు కూడా పోస్ట్ ప్రొడక్షన్ దశలో ఉన్నాయి. క్రిష్-వైష్ణవ్ తేజ్ సినిమా, సత్యదేవ్ ‘తిమ్మరసు’ సైతం విడుదలకు దాదాపు సిద్ధమైనట్లే. వీటిలో ఏది ఎప్పుడు ప్రేక్షకులను పలకరిస్తుందో తెలియట్లేదు. మరోవైపు ఓటీటీలు కొత్త కంటెంట్ కోసం ఎదురు చూస్తున్నాయి.
థియేటర్లు నడవని ఈ పరిస్థితుల్లో కొత్త సినిమాలను రిలీజ్ చేస్తే ఓటీటీలకు ప్రయోజనం ఉంటుంది. అందుకే మంచి రేట్లు ఇవ్వడానికి రెడీగా ఉన్నారు. కానీ థియేటర్ల మీద ఆశలు వదులుకోవట్లేదు నిర్మాతలు. కరోనా ఉద్ధృతి తగ్గుముఖం పడితే రెండు మూడు వారాల్లో పరిస్థితులు సాధారణ స్థాయికి వస్తాయని.. మళ్లీ థియేటర్లు తెరుచుకుంటాయని, జనాలు వస్తారని ఆశిస్తున్నారు. కాబట్టి మే నెల అంతా ఎదురు చూద్దామని.. నెలాఖరుకు కూడా పరిస్థితులు ఆశాజనకంగా మారకపోతే ఓటీటీ రిలీజ్ గురించి ఆలోచిద్దామని చూస్తున్నారట. వచ్చే నెలలోనూ థియేటర్లు తెరుచుకునే అవకాశాలు లేకపోతే పైన చెప్పుకున్న సినిమాల్లో కొన్ని ఓటీటీల్లో నేరుగా రిలీజ్ అయిపోవడం గ్యారెంటీ.
This post was last modified on May 9, 2021 3:02 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…