మెగాస్టార్ చిరంజీవి ఘన నట వారసత్వాన్నందుకుని హీరోగా అరంగేట్రం చేసిన ఆయన తమ్ముడు కళ్యాణ్కు తొలి రెండు సినిమాలు ఓ మోస్తరు ఫలితాలనే అందించాయి. ఆ తర్వాత సుస్వాగతం, తొలి ప్రేమ, తమ్ముడు, బద్రి లాంటి వరుస హిట్లు పవన్ రాతను మార్చేశాయి. అతను స్టార్ అయిపోయాడు. ఐతే తర్వాత చేసిన ఒక సినిమాతో ‘స్టార్’ నుంచి ‘సూపర్ స్టార్’ రేంజికి వెళ్లిపోయాడు పవన్ కళ్యాణ్.
అన్నయ్యకు తగ్గ తమ్ముడిగానే కాదు.. అన్నయ్యకు పోటీ కూడా ఇవ్వగలిగే హీరోగా పవన్ను నిలబెట్టిన సినిమా ‘ఖుషి’. ఈ సినిమా విడుదలై మంగళవారం నాటికి 20 ఏళ్లు పూర్తవడం విశేషం. ఐతే 20 ఏళ్ల ముందు సినిమా కదా.. ఇప్పటి యువతకు ఔట్ డేటెడ్ అనిపిస్తుందేమో అనుకుంటే పొరబాటే. ఇప్పటి కుర్రాళ్లు ఈ సినిమా చూసినా వెర్రెత్తిపోవడం ఖాయం. అంత ట్రెండీగా అనిపించే టైమ్ లెస్ క్లాసిక్ లవ్ స్టోరీ ‘ఖుషి’.
టాలీవుడ్లో టాప్ బ్లాక్బస్టర్ల లిస్టు తీస్తే చాలా వరకు మాస్ సినిమాలే కనిపిస్తాయి. ప్రేమకథలు ప్రేక్షకులకు ఎంతగా నచ్చినా.. అవి క్లాసిక్ స్టేటస్ తెచ్చుకుంటాయి తప్ప ఇండస్ట్రీ హిట్ల రేంజికి వెళ్లవు. వసూళ్ల విషయంలో మాస్ సినిమాలతో పోలిస్తే వెనుకనే ఉంటాయి. కానీ ‘ఖుషి’ మాత్రం అందుకు మినహాయింపు. అవ్వడానికి ప్రేమకథే అయినా.. వసూళ్ల పరంగా ప్రభంజనమే సృష్టించిందీ చిత్రం.
2001 సంక్రాంతికి విడుదలై అసాధారణ విజయాన్నందుకుని ఇండస్ట్రీ హిట్గా నిలిచిన ‘నరసింహనాయుడు’కు దీటుగా ఈ సినిమా ఆడింది. 100 డేస్ సెంటర్స్, వసూళ్ల పరంగా ఆ సినిమాకు ‘ఖుషి’ దగ్గరగా వచ్చింది. ‘నరసింహనాయుడు’ లేకుంటే అప్పటికి ‘ఖుషి’నే ఇండస్ట్రీ హిట్గా నిలిచేది.
ప్రధానంగా ఇది ప్రేమకథే అయినా.. మాస్ ప్రేక్షకులను మురిపించే అంశాలకూ లోటుండదు. కాకపోతే ఎలివేషన్ సీన్లు, యాక్షన్ ఘట్టాల్ని కూడా క్లాస్గా, స్టైలిష్గా ప్రెజెంట్ చేయడంలో ‘ఖుషి’ ప్రత్యేకత కనిపిస్తుంది. ఇది రీమేక్ మూవీనే అయినా.. దీనికి పవన్ ఇచ్చిన టచ్ సినిమాకు కొత్త కలర్ తీసుకొచ్చింది. ఒరిజినల్ను మించి సినిమా ఆకర్షణీయంగా తయారైంది. అంతకుమించిన విజయాన్నందుకుంది.
ఈ సినిమా మేకింగ్లోనూ పవన్ పాత్ర కీలకం కావడం విశేషం. ఈ చిత్రంలో పవన్ మేనరిజమ్స్, స్టైలింగ్, స్క్రీన్ ప్రెజెన్స్ గురించి ఎంత చెప్పినా తక్కువే. ఈ సినిమాతో అతను యూత్లో విపరీతమైన ఫాలోయింగ్ సంపాదించుకుని సూపర్ స్టార్ రేంజికి ఎదిగిపోయాడు.
This post was last modified on April 27, 2021 3:31 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…