Movie News

ఓటీటీలో వకీల్ సాబ్.. రూమర్లు నమ్మొద్దు

లాక్ డౌన్ విరామం తర్వాత థియేటర్లు జనాలతో వెల్లువెత్తేలా చేసిన సినిమా ‘వకీల్ సాబ్’. గత శుక్రవారం విడుదలైన ఈ చిత్రం భారీ ఓపెనింగ్స్ సాధించింది. పవన్ కెరీర్లోనే హైయెస్ట్ ఓపెనింగ్ వీకెండ్ వసూళ్లు సాధించిన చిత్రంగా నిలిచింది ‘వకీల్ సాబ్’. వీక్ డేస్‌లో కూడా సినిమా స్టడీగానే సాగేలా కనిపిస్తోంది. ఐతే ఉన్నట్లుండి ‘వకీల్ సాబ్’ గురించి ఒక రూమర్ ప్రచారంలోకి వచ్చింది. ఈ సినిమాను ఈ నెల 23నే ఓటీటీలో రిలీజ్ చేసేస్తున్నారన్నదే ఆ ప్రచారం.

‘వకీల్ సాబ్’ డిజిటల్ హక్కులను అమేజాన్ ప్రైమ్ వాళ్లు సొంతం చేసుకున్న మాట వాస్తవం. డిజిటల్ పార్ట్‌నర్ అమేజాన్ ప్రైమ్ అంటూ సినిమా టైటిల్స్‌కు ముందే పడుతుంది కూడా. ఐతే ఇంత భారీ చిత్రాన్ని విడుదలైన రెండు వారాలకే ఓటీటీలోకి తెచ్చేస్తారన్న ప్రచారం ఆశ్చర్యం కలిగించింది. దీనిపై సోషల్ మీడియాలో పెద్ద డిస్కషన్ నడుస్తుండటంతో చిత్ర నిర్మాణ సంస్థ అలెర్ట్ అయింది.

రూమర్లు నమ్మొద్దని.. ‘వకీల్ సాబ్’ ప్రస్తుతానికి థియేటర్లలో మాత్రమే ఆడుతుందని.. సమీప భవిష్యత్తులో ఈ చిత్రం ఓటీటీలో రిలీజ్ కాదని స్పష్టం చేస్తూ ఒక పోస్టర్ వదిలింది శ్రీ వేంకటేశ్వర క్రియేషన్స్.

ఇంతకుముందు ‘చావు కబురు చల్లగా’ సినిమా విషయంలోనూ ఇలాంటి ప్రచారమే జరిగింది. ఈ చిత్రం విడుదలైన రెండు వారాలకే ఓటీటీలోకి వచ్చేస్తుందన్నారు. రిలీజ్‌కు ముందే ఈ ప్రచారం జరగడంతో కొంత డ్యామేజ్ కూడా జరిగింది. దీనిపై మేకర్స్ వెంటనే అప్రమత్తమై ఖండన ఇచ్చారు. దాని మీద చిన్న వివాదం కూడా నడిచింది. పనిగట్టుకుని ఈ ప్రచారం చేస్తున్నారంటూ నిర్మాత బన్నీ వాసు ఆగ్రహం వ్యక్తం చేశాడు. ఇప్పుడు ‘వకీల్ సాబ్’ గురించి కూడా ఎవరో కావాలనే దుష్ప్రచారం చేస్తున్నట్లుగా అనుమానిస్తున్నారు. చిత్ర వర్గాల సమాచారం ప్రకారం థియేటర్లలో విడుదలైన నెల రోజులకు అమేజాన్ ప్రైమ్‌లో ‘వకీల్ సాబ్’ను రిలీజ్ చేస్తారని తెలుస్తోంది.

This post was last modified on April 12, 2021 10:14 pm

Share

Recent Posts

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

5 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

21 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

31 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

35 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

1 hour ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

2 hours ago