Movie News

తల్లయిందనే పెళ్లి.. దియా జవాబిది

బాలీవుడ్ నటి దియా మీర్జా తల్లి కాబోతున్న విషయం ఇటీవలే వెల్లడైన సంగతి తెలిసిందే. తాను గర్భంతో ఉన్న ఫొటోను ఆమె సోషల్ మీడియా ద్వారా అభిమానులతో పంచుకుంది. ఐతే ఆమె బేబీ బంప్ చూస్తే నాలుగైదు నెలల గర్భంతో ఉన్నట్లు అనిపించింది. ముంబైకి చెందిన వ్యాపారవేత్త వైభవ్ రేఖీతో దియా పెళ్లి జరిగింది ఫిబ్రవరిలోనే. ఇంతలోనే నాలుగైదు నెలల గర్భంతో ఆమె కనిపించడంతో పెళ్లికి ముందే గర్భవతి అయిందని అర్థమైంది.

ప్రెగ్నెన్సీ రావడం వల్లే ఆమె హడావుడిగా, మరీ సింపుల్‌గా పెళ్లి చేసుకుందనే అభిప్రాయం జనాల్లో కలిగింది. ఐతే ఒక నెటిజన్ తాజాగా దీని గురించి దియాను సోషల్ మీడియాిలో ప్రశ్నించారు. ఆధునిక మహిళ అయిన దియా.. పెళ్లికి ముందే తాను గర్భవతిని అని ఎందుకు ప్రకటించలేకపోయిందని.. పెళ్లైన తర్వాతే గర్భం దాల్చాలని, లేదా ఆ విషయం వెల్లడించాలనే సంప్రదాయ ధోరణిలో ఎందుకు ఆలోచించారు అని ప్రశ్నించారు.

ఈ ప్రశ్నలపై దియా స్పందించింది. గర్భవతిని అయ్యాను కాబట్టి తాను హడావుడిగా పెళ్లి చేసుకున్నాననే అభిప్రాయం తప్పని ఆమె వ్యాఖ్యానించింది. ‘‘వివాహ బంధంతో ముడిపడాలని ఎప్పటినుంచో అనుకుంటున్నాం. అలాంటి సమయంలోనే మా జీవితంలోకి చిన్నారి రాబోతుందనే విషయం తెలిసింది. గర్భవతిని అయ్యాను కాబట్టి హడావుడిగా పెళ్లి చేసుకోలేదు. ప్రెగ్నెన్సీ గురించి పెళ్లికి ముందే ప్రకటించడానికి నాకెలాంటి అభ్యంతరం లేదు. కాకపోతే నాకు కొన్ని ఆరోగ్య సమస్యలున్నాయి. ప్రెగ్నెన్సీ విషయంలో అంతా సవ్యంగా సాగుతుందా లేదా అన్నదానిపై కొంత సందిగ్ధత నెలకొంది. కాబట్టి ముందే ఈ విషయం బయటపడలేదు. అంతా బాగుందనుకున్నాక అందరికీ చెబుదాం అనుకున్నాం. నా జీవితంలో అత్యంత సంతోషకరమైన విషయం ఇది. ఇలాంటి ఒకరోజు కోసం నేను ఎన్నో ఏళ్లుగా ఎదురుచూస్తున్నాను. ఇప్పుడు ఏ ఆందోళనా లేకుండా నేనెంతో సంతోషంగా ఉన్న సమయంలో ఈ విషయాన్ని వెల్లడించాను’’ దియా పేర్కొంది. తెలుగులో ఇటీవలే విడుదలైన ‘వైల్డ్ డాగ్’ సినిమాలో దియా నాగార్జున భార్యగా నటించిన సంగతి తెలిసిందే.

This post was last modified on April 6, 2021 6:09 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago