త‌రుణ్‌, ఉద‌య్ కిర‌ణ్‌లు ఫేడ‌వుట్ అయిపోయాక టాలీవుడ్లో ప్రేమ‌క‌థ‌ల‌కు కేరాఫ్ అడ్ర‌స్‌గా నిలుస్తూ.. ల‌వ‌ర్ బాయ్ అనే ట్యాగ్ తెచ్చుకున్న హీరో ఎవ‌రు అంటే మ‌రో మాట లేకుండా అక్కినేని నాగ‌చైత‌న్య పేరు చెప్పేయొచ్చు. తొలి సినిమా జోష్ ఫెయిల‌య్యాక ఏమాయ చేసావె లాంటి క్లాస్ ల‌వ్ స్టోరీతో ఫ‌స్ట్ హిట్ కొట్టిన అత‌ను.. ప్రేమ‌క‌థ‌ను ప్ర‌య‌త్నించిన ప్ర‌తిసారీ మంచి ఫ‌లిత‌మే అందుకున్నాడు.
100 ప‌ర్సంట్ ల‌వ్, రారండోయ్ వేడుక చూద్దాం, మ‌జిలీ లాంటి పెద్ద హిట్లు ప్రేమ‌క‌థ‌ల‌తోనే వ‌చ్చాయి చైతూకి. ల‌వ్ స్టోరీల్ని విడిచిపెట్టి వేరే జాన‌ర్లు ప్ర‌య‌త్నించిన ప్ర‌తిసారీ అత‌డికి తిర‌స్కార‌మే ఎదురైంది. ముఖ్యంగా యాక్ష‌న్ సినిమాలు అత‌డికి అస్స‌లు కలిసి రాలేదు. ఐతే ఈసారి ప్రేమ‌క‌థ కాకుండా, యాక్ష‌న్ జోలికి వెళ్ల‌కుండా ఓ భిన్నమైన జాన‌ర్‌ను చైతూ ట్రై చేయ‌బోతున్న‌ట్లు స‌మాచారం.
ప్ర‌స్తుతం శేఖ‌ర్ క‌మ్ముల ద‌ర్శ‌క‌త్వంలో ల‌వ్ స్టోరీ చేస్త‌న్న చైతూ.. దీని త‌ర్వాత విక్ర‌మ్ కుమార్ ద‌ర్శ‌క‌త్వంలో ఓ సినిమా చేయ‌నున్న సంగ‌తి తెలిసిందే. దిల్ రాజు నిర్మించే ఈ సినిమా కోసం విక్ర‌మ్, చైతూ హార్ర‌ర్ థ్రిల్ల‌ర్ జాన‌ర్లోకి వెళ్ల‌నున్నార‌ట. మ‌రో ద‌ర్శ‌కుడితో కలిసి ఇష్టం సినిమా తీసిన విక్ర‌మ్‌కు సోలో డైరక్ట‌ర్‌గా బ్రేక్ ఇచ్చిన చిత్రం 13 బి. ఆ హార్ర‌ర్ థ్రిల్ల‌ర్ అప్పట్లో సెన్సేషనల్ హిట్ట‌యింది. కానీ త‌ర్వాత ఆశ్చ‌ర్య‌క‌రంగా విక్ర‌మ్ ల‌వ్ స్టోరీల వైపు మ‌ళ్లాడు.
త‌ర్వాత హ‌లో లాంటి యాక్ష‌న్ ట‌చ్ ఉన్న సినిమా చేశాడు. చివ‌ర‌గా విక్ర‌మ్ నుంచి వ‌చ్చిన గ్యాంగ్ లీడ‌ర్ కామెడీ ట‌చ్ ఉన్న థ్రిల్ల‌ర్. ఈసారి అత‌ను 13బి త‌ర‌హా హార్ర‌ర్ థ్రిల్ల‌ర్ చేయ‌బోతున్నాడ‌ని.. చైతూను కొత్త‌గా ప్రెజెంట్ చేయాల‌నుకుంటున్నాడ‌ని ఇండ‌స్ట్రీ వ‌ర్గాల స‌మాచారం. త్వ‌ర‌లోనే ఈ సినిమాపై అధికార ప్ర‌క‌ట‌న రాబోతోంది.
This post was last modified on May 10, 2020 5:28 pm
ప్రధాని మోదీ, హోం మంత్రి అమిత్ షాలు చేసింది అత్యంత అరుదైన నేరం, వారు న్యాయ ప్రక్రియ నుంచి ఎప్పటికీ…
ప్ర‌పంచంలోనే అత్యంత ధ‌నికుల జాబితాలో ఉండే ముకేష్‌ అంబానీ కుటుంబానికి ఇండియాలో అస‌లు పోటీయే లేదు. ఎప్ప‌టిక‌ప్పుడు వారి సంప‌ద…
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్రధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…