మహేష్ అని.. నటుడు, దర్శకుడు అవసరాల శ్రీనివాస్ దగ్గర మూడేళ్లుగా కోడైరెక్టర్గా పని చేస్తున్నాడట. ఐతే అవసరాల ఆఫీస్కు వెళ్తే తాను ఏ తప్పు చేయకపోయినా.. అందరి ముందు చెడామడా తిట్టి బయటికి పంపించేశాడంటూ ఆరోపించాడు మహేష్. అవసరాల ఆఫీస్ నుంచే ఒక వీడియో తీసి అతను సోషల్ మీడియాలో పోస్ట్ చేశాడు. అవసరాల తనను అవమానించాడన్న విషయం చెప్పాక.. అతడి నిజ స్వరూపం చూపిస్తానంటూ లోపలికెళ్లాడు మహేష్. అక్కడ ఫొటో షూట్ చేయించుకుంటున్న అవసరాల దగ్గరికెళ్లి.. తనతో తగువు పెట్టుకున్నాడు.
నిన్నెవరు లోపలికి రానిచ్చారంటూ అవసరాల అతడితో వాదనకు దిగితే.. ఉన్నట్లుండి అతడి నెత్తిన ఉన్న విగ్గు లాగేసి, ఇదీ అవసరాల నిజ స్వరూపం, అతడికి బట్టతల అనే విషయం బయటపెట్టాడు. ఈ వీడియో బయటికి వెళ్తే నిన్ను ఇండస్ట్రీలో లేకుండా చేస్తా మహేష్ అని అవసరాల బెదిరిస్తుంటే.. అన్ని సోషల్ మీడియా ఫ్లాట్ ఫామ్స్లోనూ ఈ వీడియో పెట్టేస్తా అని మహేష్ అరవడంతో ఈ వీడియో ముగిసింది. ఈ వీడియో చూసి చాలామంది సీరియస్గా స్పందిస్తున్నారు. అవసరాలకు బట్టతలా.. అతను అసిస్టెంట్ను వేధించాడా అని ఆశ్చర్యపోతున్నారు.
ఐతే ఈ వీడియో నిజంగా సీరియస్గా తీసిందేనా అన్నదానిపై సందేహాలు వ్యక్తమవుతున్నాయి. ఒక సినిమా ప్రమోషన్లో భాగంగా ప్లాన్ చేసిన వీడియోగా దీన్ని భావిస్తున్నారు. బాలీవుడ్లో హిట్టయిన బాలా సినిమాను తెలుగులో అవసరాల హీరోగా రీమేక్ చేస్తున్నారని.. ఇందులో బట్టతలతో బాధ పడే యువకుడి పాత్రలో అవసరాల కనిపించనున్నాడని.. ఈ నేపథ్యంలో ఇలా వెరైటీగా ఒక వీడియో వదిలి సినిమా పట్ల జనాల్లో ఆసక్తిని పెంచే ప్రయత్నం చేస్తున్నారని.. త్వరలోనే అసలు విషయం వెల్లడవుతుందని అంటున్నారు.
తొలి రోజు పూర్తి చేసుకున్న పెద్ది మొత్తం ప్రీమియర్లతో కలిపి ప్రపంచవ్యాప్తంగా 135 కోట్ల గ్రాస్ దాటేసి బలమైన సెకండ్…
అతిలోకసుందరిగా దేశవ్యాప్తంగా ప్రేక్షకుల హృదయాల్లో సుస్థిర స్థానం సంపాదించుకున్న శ్రీదేవి అంటే ఎప్పటికీ చెక్కుచెదరని పేరు. అలాంటి గొప్ప నటికి…
తెలంగాణకు రావొచ్చు.. పోవచ్చు.. ఇక్కడ నివసించొచ్చు కానీ, మా రాష్ట్ర రాజకీయాల్లో వేలు పెడితే ఊరు కునేది లేదంటూ.. పెద్ద…
గ్రాండ్ ఓల్ద్ పార్టీ కాంగ్రెస్ వైఎస్ షర్మిలకు ఝలక్ ఇచ్చింది. షర్మిలను రాజ్యసభకు పంపనున్నట్లు బలమైన వార్తలు వచ్చాక కూడా…
ఏపీలో సుదీర్ఘ సముద్ర తీర ప్రాంతం ఉంది. గుజరాత్ సహా కొన్ని రాష్ట్రాలకు మాత్రమే పరిమితమైన తీర ప్రాంతం(బీచ్) ఏపీలో…
ఏపీ డిప్యూటీ సీఎం, జనసేన పార్టీ అధినేత పవన్ కల్యాణ్..తన పార్టీని తెలంగాణలోనూ విస్తరించేందుకు రెడీ అయ్యారు. ఈ విషయాన్ని…