ఒక పరభాషా నటుడికి తెలుగులో కొంచెం క్రేజ్ వచ్చిందంటే చాలు. ఇక అతను ఇంతకుముందు నటించిన చిత్రాల్ని డబ్ చేసి రిలీజ్ చేయడం మొదలైపోతుంది. ఇంతకుముందు చాలా మంది తమిళ నటుల విషయంలో ఇదే జరిగింది. మలయాళ సూపర్ స్టార్ మోహన్ లాల్కు ‘జనతా గ్యారేజ్’తో క్రేజ్ రావడంతో ‘మన్యంపులి’ సహా వరుసగా ఆయన మలయాళ చిత్రాల్ని అనువాదం చేసి రిలీజ్ చేయడం తెలిసిన సంగతే.
ఇప్పుడు విజయ్ సేతుపతి విషయంలోనూ ఇలాగే జరగబోతున్న సంకేతాలు కనిపిస్తున్నాయి. ‘మాస్టర్’; ‘ఉప్పెన’ చిత్రాలతో సేతుపతికి తెలుగులో మంచి క్రేజ్ వచ్చింది. ఈ రెండు సినిమాలకు అతను ప్రత్యేక ఆకర్షణగా నిలిచాడు. సేతుపతి తెరపై కనిపించినపుడు థియేటర్లలో వచ్చిన స్పందన చూస్తే అతడికి ఇక్కడ ఎంత క్రేజ్ ఉందో అర్థమవుతుంది. ఈ నేపథ్యంలో ఇకపై తమిళంలో సేతుపతి నటించే సినిమాలన్నీ తెలుగులోకి వచ్చేసేలా ఉన్నాయి.
సేతుపతి ఇంతకుముందు చేసిన ఓ సెన్సేషనల్ మూవీని హఠాత్తుగా తెలుగులోకి తెచ్చే ప్రయత్నం జరుగుతోంది. సమంత కూడా ఓ కీలక పాత్ర చేసిన ఆ సినిమా పేరు.. సూపర్ డీలక్స్. ఇది ఒక అసాధారణ కథతో తెరకెక్కిన సంచలన చిత్రం. ఇందులో సేతుపతి లింగ మార్పిడి చేయించుకుని అమ్మాయిగా మారిన వ్యక్తిగా కనిపించడం విశేషం. సినిమాలో అతడి పాత్ర చాలా షాకింగ్గా ఉంటుంది. ఆ పాత్రతో ముడిపడ్డ కొన్ని సన్నివేశాలు ప్రేక్షకులను విస్మయానికి గురి చేస్తాయి.
కొందరు అవి జీర్ణించుకోలేరు కూడా. అలాగే సమంత పాత్ర సైతం సెన్సేషనల్గానే ఉంటుంది. సినిమా ఆరంభంలోనే ఆ పాత్రకు సంబంధించి పెద్ద ట్విస్టుంటుంది. సమంతను తెలుగులో ట్రెడిషనల్ క్యారెక్టర్లలో చూసిన వాళ్లు ఈ పాత్ర చూశాక షాకవుతారు. ఇంతకుముందు ‘ఆరణ్య కాండం’తో జాతీయ అవార్డు సాధించిన త్యాగరాజన్ ఈ చిత్రాన్ని రూపొందించాడు. ఈ చిత్ర అనువాద హక్కుల్ని ఫ్యాన్సీ రేటుకు కొన్న ఓ సంస్థ త్వరలోనే తెలుగులో రిలీజ్ చేయబోతోంది. తెలుగులో ఈ చిత్రం ఎలాంటి స్పందన రాబట్టుకుంటుందో చూడాలి.
This post was last modified on February 23, 2021 3:40 pm
ఏపీ రాజధాని ఏది? అంటే.. ఇప్పుడు చెప్పుకొనే పరిస్థితి లేదు. 2019కి ముందు వరకు రాజధాని అమరావతి అని చెప్పుకొనే…
దేశంలో అధికారం దక్కించుకుని హ్యాట్రిక్ కొట్టేందుకు 2018 నుండి ఇప్పటి వరకు అధికార బీజేపీ పార్టీ కేవలం గూగుల్ ప్రకటనల కోసం గుమ్మరించిన…
సరిగ్గా ఏడాది క్రితం ఇదే ఏప్రిల్ 28న భారీ అంచనాల మధ్య ఏజెంట్ విడుదలైన విషయం అక్కినేని అభిమానులు అంత…
అందరికీ ముందే లీకైపోయిన కల్కి 2898 ఏడి విడుదల తేదీని జూన్ 27 ప్రకటించడం ఆశ్చర్యం కలిగించలేదు కానీ వేసవి…
టైటానిక్ పడవకు ప్రమాదం జరిగి సముద్రంలో మునిగిపోయిన విషయం అందరికీ తెలిసిందే. 1912 ఏప్రిల్ 15న ప్రయాణికులతో సహా మునిగిపోయిన…
వై నాట్ 175 అటకెక్కింది.. వై నాట్ 15 అనో.. వై నాట్ 17 అనో.. అనుకోవాల్సిన పరిస్థితి ఏర్పడిందిప్పుడు…