టాలీవుడ్ టాప్ ప్రొడ్యూసర్లలో దిల్ రాజు ఒకడు. 20 ఏళ్ల నుంచి ఆయన ఘన ప్రస్థానం కొనసాగుతోంది. తెలుగులో ఎంతోమంది హీరోలను ఆయన పరిచయం చేశాడు. ఎంతోమంది హీరోలను తన సినిమాల ద్వారా స్టార్లను చేశాడు. ఇప్పుడు ఆయన కుటుంబం నుంచి కూడా ఒక హీరో రాబోతుండటం విశేషం. ఆ కుర్రాడి పేరు.. ఆశిష్ రెడ్డి.
దిల్ రాజుకు ఇతను కొడుకు కాదు కానీ, కొడుకు లాంటి వాడే. రాజు తమ్ముడు, శ్రీ వెంకటేశ్వర క్రియేషన్స్లో రాజు తర్వాత అంత కీలకం అయిన శిరీష్ రెడ్డి తనయుడే ఆశిష్ రెడ్డి. ఈ కుర్రాడిని హీరోగా పరిచయం చేయడం కోసం కొన్నేళ్ల ముందు నుంచే సన్నాహాలు జరుగుతున్నాయి. హీరో కావడం కోసం అన్ని రకాలుగా అతను సన్నద్ధమయ్యాడు. ఎట్టకేలకు అతడి లాంచింగ్కు రంగం సిద్ధమైంది. ఆశిష్ తొలి సినిమా ఇప్పటికే చిత్రీకరణ దశలోనూ ఉంది.
రాజు మిత్రుడు, ఆయన నిర్మాణ భాగస్వామి కూడా అయిన బెక్కెం వేణుగోపాల్ దర్శకుడిగా పరిచయం చేసిన శ్రీ హర్ష దర్శకత్వంలో ఆశిష్ తొలి చిత్రం తెరకెక్కుతోంది. ‘హుషారు’ సినిమాతో శ్రీ హర్ష మంచి పేరే సంపాదించాడు. యూత్ ఫుల్ సినిమాలను బాగా డీల్ చేయగలడని పేరు తెచ్చుకున్నాడు. అతణ్నే ఆశిష్ సినిమా లాంచింగ్కు ఎంచుకున్నారు.
ఈ చిత్రానికి పెద్ద పెద్ద టెక్నీషియన్లనే పెట్టుకున్నాడు రాజు. అగ్ర సంగీత దర్శకుడు దేవిశ్రీ ప్రసాద్ దీనికి స్వరాలు సమకూరుస్తుండగా.. శ్రీమంతుడు, సాహో లాంటి భారీ చిత్రాలకు పని చేసిన మధి ఛాయాగ్రహణం సమకూరుస్తున్నాడు. ప్రేమదేశం, హ్యాపీడేస్ సినిమా కలయికలా ఈ చిత్రం ఉంటుందని ఈ సినిమా గురించి ఓ మీడియా సంస్థతో శిరీష్ రెడ్డి గొప్పగా చెప్పుకున్నాడు. త్వరలోనే ఈ సినిమా టైటిల్, ఆశిష్ ఫస్ట్ లుక్ లాంచ్ చేస్తారట.
This post was last modified on February 11, 2021 10:04 am
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…