మళ్లీ ఓ శుక్రవారం వచ్చేసింది. కొత్త సినిమాను ప్రేక్షకుల ముందుకు తెచ్చేస్తోంది. ఈ వారం ఓ విభిన్నమైన సినిమా థియేటర్లలోకి దిగుతోంది. అదే.. జాంబి రెడ్డి. ‘అ!’ లాంటి ప్రయోగాత్మక చిత్రంతో దర్శకుడిగా పరిచయమై, ఆ తర్వాత సీనియర్ హీరో రాజశేఖర్తో ‘కల్కి’ తీసిన ప్రశాంత్ వర్మ రూపొందించిన చిత్రమిది. హాలీవుడ్లో బాగా పాపులర్ అయిన జాంబీ జానర్ను టాలీవుడ్లోకి తీసుకొచ్చే సాహసం చేశాడీ చిత్రంతో ప్రశాంత్. ఇండియాలోనే ఈ జానర్లో చాలా తక్కువ సినిమాలు తెరకెక్కగా.. తెలుగులో అసలు జాంబీలతో పూర్తి స్థాయి సినిమా ఇప్పటిదాకా రాలేదు.
ఐతే ప్రయోగాలంటే ఆసక్తి చూపించే ప్రశాంత్.. జాంబీ జానర్ను రాయలసీమ ఫ్యాక్షనిజానికి ముడి పెట్టి ఈ సాహసోపేత చిత్రాన్ని తెరకెక్కించాడు. బాలనటుడిగా ఎన్నో సినిమాల్లో నటించి ‘ఓ బేబీ’తో రీఎంట్రీ ఇచ్చిన తేజ ఈ చిత్రంతోనే హీరోగా పరిచయమవుతున్నాడు. దక్ష నగార్కర్, ఆనంది హీరోయిన్లుగా నటించారు.
సంక్రాంతి సందడి తర్వాత గత రెండు వారాల్లో టాలీవుడ్ బాక్సాఫీస్ బాగా డల్ అయిపోయిన సమయంలో ‘జాంబి రెడ్డి’ విడుదలవుతోంది. ‘జాంబి రెడ్డి’ మీద ప్రేక్షకుల్లో ఓ మోస్తరుగా ఆసక్తి కనిపిస్తోంది. బుకింగ్స్ పర్వాలేదనిపిస్తున్నాయి. ఐతే సినిమాకు స్టార్ పవర్ లేదు. ప్రశాంత్ ట్రాక్ రికార్డు మరీ గొప్పగా ఏమీ లేదు. కొత్త కాన్సెప్ట్ ఆకర్షిస్తున్నప్పటికీ.. జాంబీ సన్నివేశాల్ని మనవాళ్లు ఏ మాత్రం జీర్ణించుకుంటారన్నది ప్రశ్న.
ట్రైలర్ మరీ గోల గోలగా, కొంచెం ఎబ్బెట్టుగా ఉండి మిశ్రమ స్పందన తెచ్చుకుంది. ఐతే సినిమాలో ఎంటర్టైన్మెంట్ బాగానే వర్కవుటైనట్లు కనిపిస్తోంది. సంక్రాంతి సినిమాల జోరు తగ్గిపోవడం, ఈ వారం చెప్పుకోదగ్గ వేరే సినిమాలేవీ లేకపోవడంతో ‘జాంబిరెడ్డి’కి థియేటర్లయితే పెద్ద సంఖ్యలోనే దక్కాయి. ఈ నేపథ్యంలో సినిమాకు ఎలాంటి టాక్ వస్తుందన్నది కీలకం. ఓపెనింగ్స్ ఎలా ఉన్నా టాక్ బాగుంటే సినిమా బాగానే ఆడేయొచ్చు.
This post was last modified on February 5, 2021 11:36 am
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…