అక్కినేని అఖిల్ కెరీర్ ఇలా అవుతుందని ఎవ్వరూ ఊహించి ఉండరు. మిగతా వారసుల్లాగా నాగచైతన్య మాస్ ఇమేజ్ తెచ్చుకుని పెద్ద స్టార్ కాలేకపోయాడన్న ఉద్దేశంతో నాగ్.. తన చిన్న కొడుకు లాంచింగ్ను భారీగానే ప్లాన్ చేశాడు. అప్పటికి పెద్ద డైరెక్టర్లలో ఒకడు, మాస్ సినిమాలను బాగా డీల్ చేస్తాడని పేరున్న వి.వి.వినాయక్ను అఖిల్ తొలి సినిమా కోసం ఎంచుకున్నాడు.
భారీ బడ్జెట్లో ‘అఖిల్’ సినిమా తీశారు. దానికి బంపర్ క్రేజ్ కూడా వచ్చింది. కానీ ఆ సినిమా అంచనాల్ని ఏమాత్రం అందుకోలేకపోయింది. తర్వాత నాగ్ దగ్గరుండి అన్నీ చూసుకుని చేసిన ‘హలో’కు పాజిటివ్ టాక్ వచ్చినా బాక్సాఫీస్ దగ్గర నిలబడలేదు. మూడో సినిమా ‘మిస్టర్ మజ్ను’ సంగతీ తెలిసిందే. మొత్తానికి హ్యాట్రిక్ డిజాస్టర్లతో అఖిల్ కెరీర్ తిరోగమన దిశలోకి వెళ్లిపోయింది. యువ కథానాయకులకు మంచి హిట్లిస్తాడని పేరున్న అల్లు అరవింద్ను నమ్మి అఖిల్ను ఆయన చేతిలో పెడితే.. ‘మోస్ట్ ఎలిజిబుల్ బ్యాచిలర్’ సంగతి ఎంతకీ తెగకుండా ఉంది.
కరోనా లేకుంటే గత ఏడాది మే 1న రావాల్సిన సినిమా.. మోస్ట్ ఎలిజిబుల్ బ్యాచిలర్. లాక్ డౌన్ తర్వాత సినిమా షూటింగ్ పున:ప్రారంభించారు. టాకీ పార్ట్ అంతా అయినట్లు కూడా వార్తలొచ్చాయి. కానీ ఈ సినిమా విడుదల ఎప్పుడన్నదానిపై మాత్రం క్లారిటీ లేదు. ప్రస్తుతం టాలీవుడ్లో పూర్తయిన, మేకింగ్ దశలో ఉన్న సినిమాలన్నీ దాదాపు విడుదల ఖరారు చేసుకున్నాయి. ప్రభాస్ సినిమా ‘రాధేశ్యామ్’, అఖిల్ చిత్రం ‘మోస్ట్ ఎలిజిబుల్ బ్యాచిలర్’ మాత్రమే సందిగ్ధతను కొనసాగిస్తున్నాయి.
ప్రభాస్ సినిమా అంటే పెద్ద రేంజి, వివిధ భాషల్లో డిస్ట్రిబ్యూటర్లతో మాట్లాడి డేట్ ఖరారు చేసుకోవాలి. కానీ ‘మోస్ట్ ఎలిజిబుల్ బ్యాచిలర్’కు ఆ ఇబ్బంది ఏమీ లేదు. అయినా సరే.. ఈ సినిమా రిలీజ్పై అయోమయం కొనసాగుతోంది. సినిమా పూర్తయినట్లయితే విడుదల గురించి ఎందుకు మాట్లాడట్లేదు.. మూవీ గురించి ఏ అప్డేట్ ఎందుకు ఇవ్వట్లేదు అన్నది ప్రశ్న.
కొందరేమో ఔట్ పుట్ విషయంలో సంతృప్తి చెందని నాగ్, అరవింద్.. అఖిల్ కెరీర్కు ఈ సినిమా ఎంత ముఖ్యమో దృష్టిలో ఉంచుకుని కరెక్షన్లు చెప్పారని, రీషూట్లకు ప్లాన్ చేస్తున్నారని, అందుకే ఈ ఆలస్యం అని అంటున్నారు. కారణం ఏదైనా కానీ.. అక్కినేని అభిమానులు అఖిల్ విషయంలో ‘మోస్ట్ ఎలిజిబుల్ బ్యాచిలర్’ మీద కూడా ఆశలు కోల్పోయే పరిస్థితి కనిపిస్తోంది.
This post was last modified on February 2, 2021 3:40 pm
‘పవన్ కళ్యాణ్, చిరంజీవికి రక్తం పంచుకుని పుట్టిన తమ్ముడు కావొచ్చు.. కానీ, నేనూ ఆయనకి చెల్లెల్నే.. చిరంజీవి స్థాపించిన ప్రజారాజ్యం…
మీ భూమి మీది కాదు.! ఈ మాట ఇప్పుడు ఆంధ్ర ప్రదేశ్ రాష్ట్రంలో ఎక్కడ విన్నా చర్చనీయాంశమవుతోన్న మాట.! వైఎస్…
సౌత్ ఇండియన్ ఫిలిం హిస్టరీలో మురుగదాస్ది ప్రత్యేక స్థానం. కమర్షియల్ సినిమాల్లో కూడా వైవిధ్యం చూపిస్తూ.. అదే సమయంలో మాస్ను ఉర్రూతలూగిస్తూ…
ఒకప్పుడు తెలుగు, తమిళంలో భారీ చిత్రాలతో ఒక వెలుగు వెలిగిన నిర్మాత ఎ.ఎం.రత్నం. సూర్య మూవీస్ బేనర్ మీద ‘ఖుషి’ సహా…
లెజెండరీ మ్యూజిక్ డైరెక్టర్ ఇళయరాజా పాటల గొప్పదనం గురించి కొత్తగా చెప్పాల్సిన పని లేదు. సంగీతాభిమానులు ఆయన్ని దేవుడిలా కొలుస్తారు.…
కూటమి అధికారంలోకి రాగానే.. తాను చేసే తొలి సంతకం.. మెగా డీఎస్సీపైనేనని.. దీనివల్ల 20 వేల మంది నిరుద్యోగులకు మేలు…