మహాభారత యుద్ధం చివరి ఘట్టానికి ముందు అభిమన్యుడు కౌరవులు పన్నిన పద్మవ్యూహంలోకి వెళ్ళి వీరోచితంగా పోరాడతాడు. అయితే లోపలికి వెళ్లడమే కానీ బయటికి వచ్చే మార్గం నేర్చుకోకపోవడంతో చివరి నెత్తుటి బొట్టు వరకు శత్రువులను ఎదిరించి ప్రాణాలు వదులుతాడు. తిరిగి వచ్చిన తండ్రి అర్జునుడు సోదరుల మీద ఆగ్రహం వ్యక్తం చేసి తాను కొడుకు దగ్గర లేని నిస్సహాయతని నిందించుకుంటాడు. అది ఇతిహాసం. వర్తమానంలో ఇది కొన్నిసార్లు టాలీవుడ్ బాక్సాఫీస్ వద్ద కూడా జరుగుతూ ఉంటుంది.
గత వారం విడుదలైన ఇట్లు అర్జునకి ఇండస్ట్రీ నుంచి ఎంత మద్దతు దక్కిందో చూశాం. చిరంజీవి, నాగార్జున, వెంకటేష్, జూనియర్ ఎన్టీఆర్, రామ్ చరణ్ ఇలా వారు వీరు అనే తేడా లేకుండా కొత్త హీరో అనీష్ కి ఇవ్వాల్సిన దానికన్నా ఎక్కువ మద్దతు ఇచ్చారు. రివ్యూలు కూడా కాసింత ఆశాజనకంగానే వచ్చాయి. అంత బడ్జెట్ ఖర్చు పెట్టారు, డీసెంట్ గా ఉందంటున్నారు కాబట్టి ఓసారి చూద్దాం లెమ్మని జనాలు అనుకోలేదు. దీంతో రెండో వారంలో అడుగు పెట్టే లోపే ఫైనల్ రన్ వచ్చేసింది.
ఇంకో కోణంలో చెప్పాలంటే సినిమా అర్జునుడు ఇక్కడ అభిమన్యుడుగా మారిపోయి ఎంట్రీ సులభంగా ఇచ్చాడు కానీ కలెక్షన్లతో బయటకు రాలేక సెలవు తీసుకున్నాడు. నిర్మాతకు ఎంత నష్టం వచ్చిందనే దాని గురించి ఏవేవో లెక్కలు వినిపిస్తున్నాయి కానీ తండ్రి బ్యాక్ గ్రౌండ్ వల్ల అనీష్ కు మంచి లాంచ్ అయితే దక్కింది. ఇతర ప్రొడ్యూసర్లను ఆకర్షించి వాళ్ళను తనవైపు తిప్పుకునేలా చేయడంలో అనీష్ కొంత వరకు సఫలమయ్యాడు. అయితే ఋజువు చేయాల్సింది చాలా ఉంది.
చిరంజీవి అన్నట్టు ఏ స్టార్ కిడ్ దొరకనంత గ్రాండ్ లాంచ్ అనీష్ కు దొరికింది. దాన్ని నిలబెట్టుకునే ఛాలెంజ్ మాత్రం అతనే తీసుకోవాలి. ఎందుకంటే ప్రతిసారి సెలబ్రిటీలు ఇంతే స్థాయిలో ప్రమోషన్ల కోసం ముందుకు రారు. పైగా ఫ్యాన్స్ నుంచి కామెంట్స్ వస్తాయని నీ కష్టం ఏదో నువ్వే పడమంటారు. కాబట్టి అనీష్ ఇకపై వేసే అడుగులు చాలా జాగ్రత్తగా ఉండాలి. స్టార్ డైరెక్టర్లతో ఇప్పుడప్పుడే టైఅప్ కుదరదు కాబట్టి కొత్త డైరెక్టర్ల విషయంలో ఆచితూచి అడుగులు వేయాలి.
This post was last modified on November 20, 2026 7:23 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…