ఒక పెద్ద సినిమా రిలీజవుతుంటే.. అందులో మెయిన్ కాస్ట్ అండ్ క్రూలో ప్రతి ఒక్కరూ కొంచెం ముందో వెనుకో మీడియా ముందుకు రావాల్సిందే. ముఖ్యంగా హీరో హీరోయిన్లయితే కచ్చితంగా సినిమాను ప్రమోట్ చేయాల్సిందే. కానీ వరుసగా రెండు మూడు ఈవెంట్లలో హీరోయిన్ కనిపించలేదంటే జనాలకు రకరకాల డౌట్లు వచ్చేస్తాయి.
సినిమాలో తన పాత్రను తగ్గించేశారా.. పారితోషకం ఏమైనా పెండింగ్ పెట్టారా? లేక టీంలో ఎవరైనా తనను హర్ట్ చేశారా అంటూ గుసగుసలాడుకోవడం మొదలుపెడతారు. ‘ది ప్యారడైజ్’ సినిమా హీరోయిన్ కాయదు లోహర్ విషయంలోనూ ఇదే జరిగింది.
నాని హైదరాబాద్, చెన్నై, బెంగళూరు, కోచి.. ఇలా వివిధ నగరాల్లో ‘ది ప్యారడైజ్’ ప్రెస్ మీట్లకు హాజరయ్యాడు. ఎక్కడా కాయదు లోహర్ కనిపించకపోవడంతో సందేహాలు మొదలయ్యాయి. చెన్నై ఈవెంట్లో కాయదు గురించి అడిగితే.. ఆమె మారి సెల్వరాజ్ సినిమా షూటింగ్లో బిజీగా ఉందన్నాడు. కానీ తన కెరీర్లో ఇప్పటిదాకా అతి పెద్ద సినిమా రిలీజవుతుంటే.. కాయదు ప్రమోషన్లలో భాగం కాకపోవడం మాత్రం ఆశ్చర్యంగానే అనిపించింది.
వేరే సినిమాల షూటింగ్స్ పక్కన పెట్టి అయినా ప్రమోషన్లకు రావాలి కదా అనిపించింది. తన చివరి చిత్రం ‘ఇమ్మోర్టల్’ ప్రమోషన్లకు కూడా కాయదు రాకపోవడం చర్చనీయాంశం అయిన నేపథ్యంలో ఆమె యాటిట్యూడ్ మీదా చర్చ జరిగింది.
ఐతే ఈ చర్చకు తెరదించుతూ కాయదు ‘ది ప్యారడైజ్’ ప్రమోషన్లకు వచ్చేసింది. సోమవారం ఆమె తెలుగు మీడియా ముందుకు వచ్చింది. ‘ది ప్యారడైజ్’ గురించి ఇంటర్వ్యూలు ఇస్తోంది. ప్రస్తుతం సౌత్ ఇండియాలో ట్రెండింగ్ హీరోయిన్లలో ఒకరైన కాయదు.. ఎట్టకేలకు అందుబాటులోకి రావడంతో ‘ది ప్యారడైజ్’ ప్రమోషన్లకు మంచి బూస్ట్ వచ్చినట్లయింది.
దర్శకుడు శ్రీకాంత్ ఓదెల, సంగీత దర్శకుడు అనిరుధ్ రవిచందర్ డే అండ్ నైట్ సినిమా కోసం కష్టపడుతుండడంతో ప్రమోషన్లను నాని ఒక్కడే ముందుండి నడిపించాల్సి వచ్చింది. ఇప్పుడు కాయదు కూడా అందుకోవడంతో నేచురల్ స్టార్ మీద భారం తగ్గినట్లే.
This post was last modified on September 21, 2026 5:51 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…