కెరీర్లో ఎన్నో ర‌కాల పాత్ర‌లు చేసిప్ప‌టికీ.. ఇంకా రష్మిక మంద‌న్నా అంటే ఒక క్యూట్ అమ్మాయిగానే జ‌నాల‌కు గుర్తుకొస్తుంది. క్యారెక్ట‌ర్ల‌లో వేరియేష‌న్ చూపించినా.. చాలా వరకు సుకుమారంగానే క‌నిపిస్తూ వ‌చ్చింది. హిందీలో న‌టించిన ఛావా మాత్ర‌మే కొంచెం మిన‌హాయింపు. ఐతే ఇప్పుడు నేష‌న‌ల్ క్ర‌ష్ ఇప్పుడు త‌న కెరీర్లోనే మోస్ట్ వ‌యొలెంట్ పాత్ర‌లోకి ట్రాన్స్‌ఫామ్ అయిపోయింది. ఆమె ప్ర‌ధాన పాత్ర‌లో రూపొందిన మైసా సినిమా నుంచి రిలీజ్ చేసిన టీజ‌ర్ చూస్తే.. ఈమె ర‌ష్మిక‌నేనా అని షాక‌వ్వ‌డం గ్యారెంటీ.
తీవ్ర అన్యాయానికి గురైన ఒక ప‌ల్లె ప‌డుచు.. నిరాశావాదం నుంచి విప్ల‌వం వైపు అడుగు వేసే క‌థ ఇది. నిస్స‌హాయురాలు కాస్తా.. వీర వ‌నిత‌గా మారి అరాచ‌క శ‌క్తుల మీద, వ్య‌వ‌స్థ మీద పోరాడితే ఎలా ఉంటుందో ఇందులో చూపించారు. ఇంత మంది మీద ఒక్క అమ్మాయి పోరాడ‌డం అసాధ్యం అని ఇంకో పాత్ర‌తో చెప్పించ‌డం.. ఆ త‌ర్వాత ఆ అమ్మాయి విశ్వ‌రూపాన్ని చూపించ‌డం ద్వారా టీజ‌ర్‌ను వేరే లెవెల్‌కు తీసుకెళ్లారు.
యాక్ష‌న్ సినిమాల్లో హీరోలకు ఏమాత్రం తీసిపోని రీతిలో మోస్ట్ వ‌యొలెంట్‌గా క‌నిపించిన రష్మిక.. ఫైట్ల‌లో చిత‌గ్గొట్టేసింది. రష్మిక తంతే త‌ల రౌండు తిరిగిపోయే ఒక షాట్ టీజ‌ర్‌కే హైలైట్. ఇలాంటి వ‌యొలెంట్ షాట్స్ టీజ‌ర్లో మ‌రి కొన్ని ఉన్నాయి.
చివ‌ర్లో చెప్పిన డైలాగ్‌ను బ‌ట్టి చూస్తే.. తండ్రీ కూతుళ్ల ఎమోష‌న్ ఇందులో కీల‌కంగా ఉండ‌బోతోందని అర్థ‌మ‌వుతోంది. విల‌న్‌గా కొత్త న‌టుడెవ‌రో చేసిన‌ట్లున్నాడు. రావు ర‌మేష్‌, రాహుల్ ర‌వీంద్ర‌న్, శత్రు ఇత‌ర ముఖ్య పాత్ర‌ల్లో న‌టించారు. స్టార్ హీరోల సినిమాల‌కు ఏమాత్రం తీసిపోని రీతిలో క‌థ‌లో భారీత‌నం, ప్రొడ‌క్ష‌న్ వాల్యూస్ క‌నిపిస్తున్నాయి.
విజువ‌ల్స్.. బీజీఎం.. యాక్ష‌న్ సీక్వెన్స్‌లు టీజ‌ర్లో బాగా హైలైట్ అయ్యాయి. రష్మిక కెరీర్లో ఇదొక గేమ్ చేంజ‌ర్ అయి, ఆమెకు యాక్ష‌న్ ఇమేజ్ తెచ్చిపెట్టే సినిమా అయ్యేలా క‌నిపిస్తోంది మైసా. అజ‌య్, అహిల్, వీర‌సాయి ప్రొడ్యూస్ చేసిన ఈ సినిమాకు జేక్స్ బిజోయ్ సంగీతం అందించాడు. న‌వంబ‌రు 27న మైసా ప్రేక్ష‌కుల ముందుకు రానుంది.
This post was last modified on September 20, 2026 8:19 pm
రష్మిక మంద‌న్నా కెరీర్లో ఎక్కువ‌గా స్టార్ హీరోల స‌ర‌స‌న క‌థానాయిక‌గానే న‌టించింది. ఈ మ‌ధ్యే ఆమె కూడా లేడీ ఓరియెంటెడ్…
తెలంగాణ‌లో ప‌ర్య‌టన‌కు వ‌చ్చిన కేంద్ర హోం శాఖ మంత్రి, బీజేపీ అగ్ర‌నాయ‌కుడు అమిత్‌షా.. సీఎం రేవంత్ రెడ్డిని ఉద్దేశించి కీల‌క…
ఏ ఇద్ద‌రు నేత‌లు క‌లిసినా.. ఏ ఇద్ద‌రు నాయ‌కులు ఫోన్లు చేసుకున్నా.. ఇదే అంశంపై చ‌ర్చ సాగుతోంది. ఏపీలో తాజాగా…
సంతానం లేని ఆ దంపతులు తల్లి చనిపోయిన పసి బిడ్డను దత్తత తీసుకొని గుండెలకు హత్తుకున్నారు. ఆలానా పాలనా చూస్తూ…
ప్ర‌పంచ ప్ర‌ఖ్యాత తిరుమల తిరుప‌తి దేవ‌స్థానం(టీటీడీ) పాల‌క మండ‌లి కాల ప‌రిమితి తీరిపోయిన నేప‌థ్యంలో కొత్త‌గా పాల‌క మండ‌లిని ఏర్పాటు…
తెలుగు ప్రేక్షకులు ఎంతగానో ఎదురు చూస్తున్న రిపీట్ కాంబో ఎట్టకేలకు రంగంలోకి దిగింది. మెగా పవర్ స్టార్ రామ్ చరణ్,…