కేజీఎఫ్ 2 ఏప్రిల్ 2022లో వచ్చింది. ఆ తర్వాత యశ్ తన కొత్త సినిమా ఏంటో చెప్పడానికి కూడా చాలా టైమ్ తీసుకున్నాడు. దాదాపు 20 నెలల తర్వాత, 2023 డిసెంబర్లో టాక్సిక్ను ప్రకటించాడు. అక్కడి నుంచి సినిమా థియేటర్లకు రావడానికి మరో రెండున్నరేళ్లకు పైగానే పట్టింది. మొత్తంగా చూస్తే కేజీఎఫ్ 2 నుంచి టాక్సిక్ వరకు నాలుగేళ్లకు పైగా గ్యాప్ వచ్చింది.
ఇప్పుడు టాక్సిక్ పని అయిపోయింది. మరి యశ్ తన నెక్స్ట్ హీరో సినిమాను కూడా ఇంత ఆలస్యంగానే ప్రకటిస్తాడా అన్నది చూడాలి. యశ్ చేతిలో సినిమా లేదని మాత్రం కాదు. నవంబర్ 6న రామాయణ పార్ట్ 1 వస్తోంది. ఇందులో రావణుడిగా కనిపించడంతో పాటు నిర్మాతగానూ ఉన్నాడు. పార్ట్ 2 కూడా 2027లో రావాల్సి ఉంది. పైగా రామ్, రావణ్ మధ్య కీలకమైన భాగాల షూటింగ్ ఇంకా మిగిలి ఉందని రణ్బీర్ కపూర్ ఇటీవల చెప్పాడు. అంటే టాక్సిక్ తర్వాత యశ్ వెంటనే పూర్తిగా ఖాళీ అవుతున్నాడని అనుకోలేము.
అయితే రామాయణ యశ్ సోలో సినిమా కాదు. టాక్సిక్ తర్వాత తన హీరోగా నెక్స్ట్ ప్రాజెక్ట్ ఏంటనే విషయంలో ఇప్పటివరకు క్లారిటీ లేదు. ఇటీవల దిల్ రాజు మాత్రం యశ్తో సినిమా చేసే ప్లాన్ ఉందని చెప్పారు. కానీ దర్శకుడు ఎవరో చెప్పలేదు. అదే పెద్ద టాస్క్. దానికి ఇప్పుడే టైమ్లైన్ చెప్పలేమని కూడా తెలిపారు.
ఫ్యాన్స్కు మరో ఆప్షన్ కేజీఎఫ్ 3. కానీ దానిపైనా యశ్ ముందే క్లారిటీ ఇచ్చాడు. ప్రశాంత్ నీల్తో మాట్లాడుతూనే ఉన్నామని, సరైన కథ కుదిరిన తర్వాత తప్పకుండా చేస్తామని చెప్పాడు. ఇప్పట్లో మాత్రం ప్లాన్ లేదన్నాడు. నీల్ కూడా ప్రస్తుతం ఎన్టీఆర్ డ్రాగన్తో ఉన్నాడు. సలార్ 2 కూడా లైన్ లో ఉంది. కాబట్టి కేజీఎఫ్ 3 వెంటనే మొదలయ్యే అవకాశం కనిపించడం లేదు.
ఇక కొత్త దర్శకుడిని ఎంచుకోవాలన్నా యశ్కు ఈసారి నిర్ణయం అంత ఈజీ కాదు. అందరూ బిజీగానే ఉన్నారు. గీతూ మోహన్దాస్తో చేయాలా వద్దా అని ఫైనల్ చేయడానికే యశ్ చాలా టైమ్ తీసుకున్నాడు. అందుకే నెక్స్ట్ దాని కోసం కూడా తొందరగా ఒక పేరు ఫిక్స్ చేస్తాడని చెప్పలేము. కేజీఎఫ్ 2 తర్వాత యశ్ తీసుకున్న గ్యాప్ అప్పట్లోనే హాట్ టాపిక్ గా మారింది. మరి ఈసారి ఎంత త్వరగా ఫిక్స్ చేశాడో చూడాలి.
This post was last modified on September 5, 2026 8:34 am
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…