అక్కినేని నాగార్జున కెరీర్ లో అత్యంత ప్రతిష్టాత్మక మైలురాయిగా రూపొందుతున్న వందో సినిమాకు ముందు నుంచి ప్రచారం జరిగినట్టే కింగ్ 100 టైటిల్ లాక్ చేశారు. ఇవాళ నాగ్ పుట్టినరోజు సందర్భంగా టీజర్ తో పాటు పేరు ప్రకటించే లాంఛనం అయిపోయింది. కోలీవుడ్ ఫేమ్ రా కార్తీక్ దర్శకత్వం వహించిన ఈ యాక్షన్ థ్రిల్లర్ నాగ్ కు బాగా కలిసి వచ్చిన డిసెంబర్ చివరి వారం 24న విడుదల కానుంది. ఫ్యాన్స్ ఊహించినట్టు సంక్రాంతికి కాకుండా ముందుగానే రావడం విశేషం.
ఇక కాన్సెప్ట్ విషయానికి వస్తే ఎక్కువ రివీల్ కాకుండా జాగ్రత్తగా కట్ చేశారు. డబ్బు లేనప్పుడు తనను సమాజం ఎంత చులకనగా చూసిందో భరించలేకపోయిన ఒక వ్యక్తి (నాగార్జున) రకరకాల మార్గాల్లో వందల కోట్లు సంపాదిస్తాడు. సొమ్ముల కన్నా ఎక్కువగా జనంలో వచ్చే గుర్తింపు ఎంత గొప్పదో తెలుసుకుంటాడు. అయితే దీని వెనుక నేరాలు, మోసాలు, అన్యాయాలు, హత్యలు జరుగుతాయి. అసలు అతని లక్ష్యం ఏమిటి, కింగ్ 100 వెనుక పరమార్థం ఏమిటనేది తెరమీద చూడాలి.
ఇంత వయసు వచ్చినా స్టయిలిష్ గా కుర్ర హీరోలతో పోటీ పడేలా కనిపించడం నాగార్జునకు మాత్రమే సొంతమైన విద్య. కూలి, కుబేరలో సపోర్టింగ్ రోల్స్ చేయడం వల్ల ఫ్యాన్స్ అసంతృప్తికి గురైన విషయాన్ని గుర్తించి ఈసారి మాస్ రూటు పట్టారు. స్వాగ్, డ్రెస్సింగ్ అంతా వింటేజ్ తరహాలో ఉంది. దేవిశ్రీ ప్రసాద్ నేపధ్య సంగీతం ఎక్కువ సౌండ్ లేకుండా స్మూత్ గా సాగడం ఆకట్టుకుంటుంది. మొత్తం వీడియోలో నాగార్జునని తప్ప ఇతర ఆర్టిస్టులను రివీల్ చేయలేదు.
క్రిస్మస్ టార్గెట్ చేసుకోవడం బాగానే ఉంది కానీ అదే రోజు బాలయ్య 111 విడుదల చేసే ఆలోచనలో ఉన్నట్టు వార్త వచ్చిన టైంలో ఇలా కింగ్ 100 ఆ డేట్ మీద కర్చీఫ్ వేసేసుకుంది. సోగ్గాడే చిన్ని నాయనా, బంగార్రాజు, నా సామిరంగా తర్వాత మళ్ళీ మాస్ జనాన్ని మెప్పించే కంటెంట్ ఇవ్వలేదనే లోటులో ఉన్న ఫ్యాన్స్ కి కింగ్ 100 ఫుల్ మీల్స్ అయ్యేలా ఉంది. పాయింట్ ఎలాంటిది అయినా ట్రీట్ మెంట్ మటుకు గతంలో చూడనంత చాలా డిఫరెంట్ గా ఉంటుందని ఇన్ సైడ్ టాక్.
This post was last modified on August 29, 2026 11:49 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…