2021లో దేశవ్యాప్తంగా ప్రేక్షకులు అత్యంత ఆసక్తితో ఎదురు చూస్తున్న చిత్రాల్లో ‘కేజీఎఫ్: చాప్టర్-2’ ఒకటి. ఈ వేసవిలోనే ‘కేజీఎఫ్’ వివిధ భాషల్లో సందడి చేయబోతోంది. ఈ సినిమా టీజర్ కోసం చాలా రోజుల నుంచి కౌంట్ డౌన్ నడుస్తోంది. ఎట్టకేలకు అందుకు ముహూర్తం కుదిరింది.
ఈ నెల 8న హీరో యశ్ పుట్టిన రోజును పురస్కరించుకుని టీజర్ రిలీజ్ చేయబోతున్నట్లు ఇంతకుముందే సంకేతాలు ఇచ్చారు. ఇప్పుడా విషయాన్ని అధికారికంగా ప్రకటించారు. టీజర్ టైమింగ్ కూడా చెప్పేశారు. ఈ శుక్రవారం ఉదయం 10 గంటల 18 నిమిషాలకు ‘కేజీఎఫ్-2’ టీజర్ విడుదల కానుంది. గుబురు గడ్డంతో ఉన్న రాకీ ఒక రాడ్ పట్టుకుని కూర్చున్న మాస్ ఫొటోతో టీజర్ అప్ డేట్ ఇచ్చాడు దర్శకుడు ప్రశాంత్ నీల్.
‘కేజీఎఫ్’ తొలి భాగం సూపర్ సక్సెస్ అయ్యాక, పెరిగిన అంచనాల నేపథ్యంలో ‘చాప్టర్-2’ను మరింత గ్రాండ్గా తెరకెక్కించి ఉంటాడని భావిస్తున్నారు. టీజర్లో ఆ భారీతనం అంతా కనిపిస్తుందని అంచనా వేస్తున్నారు. టీజర్లో ప్రశాంత్ మార్కు హీరో ఎలివేషన్ల కోసం ప్రేక్షకులు ఎదురు చూస్తున్నారు. ‘కేజీఎఫ్’ తొలి భాగంలో రాకీ కేజీఎఫ్ సామ్రాజ్యంలోకి ప్రవేశించి గరుడను చంపడం వరకు చూపించిన ప్రశాంత్.. రెండో భాగంలో కేజీఎఫ్ సామ్రాజ్యాన్ని చేజిక్కించుకుని దాన్ని రాకీ ఎలా ఏలాడో.. చివరికి అతడి కథ ఎలా ముగిసిందో చూపించనున్నాడు.
రెండేళ్ల కిందట ఈ సినిమా దేశవ్యాప్తంగా ఎలాంటి సంచలనాలు సృష్టించిందో తెలిసిందే. కన్నడలో ఈ సినిమాపై భారీ అంచనాలున్నాయి కానీ.. ఇతర భాషల్లో ముందు దీన్నంత సీరియస్గా తీసుకోలేదు. కానీ తర్వాత తెలుగు, హిందీ, తమిళం, మలయాళం.. ఇలా అన్ని భాషల వాళ్లూ ఈ చిత్రానికి బ్రహ్మరథం పట్టారు. ఆ సినిమా బాక్సాఫీస్ రన్ పూర్తయిన దగ్గర్నుంచి చాప్టర్-2 కోసం ఎదురు చూపులు మొదలయ్యాయి. అంతా అనుకున్నట్లు జరిగితే గత ఏడాదే ఈ సినిమా విడుదల కావాల్సింది కానీ.. కరోనా వల్ల ఆలస్యం తప్పలేదు.
This post was last modified on January 4, 2021 5:41 pm
https://www.youtube.com/watch?v=uy8tkUFAsnA రెగ్యులర్ కాన్సెప్ట్స్ జోలికి వెళ్లకుండా విభిన్నంగా ట్రై చేసే హీరోగా సుహాస్ కి మంచి గుర్తింపు ఉంది. ఒక్కో…
విశాఖపట్నం ఎంపీ అభ్యర్థిగా పోటీ చేస్తున్న జైభారత్ నేషనల్ పార్టీ అధ్యక్షుడు, సీబీఐ మాజీ జాయింట్ డైరెక్టర్ వి.వి. లక్ష్మీనారా…
రెండేళ్ల నిరీక్షణకు తగ్గట్టు టిల్లు స్క్వేర్ రూపంలో అద్భుత ఫలితం అందుకున్న సిద్ధూ జొన్నలగడ్డ తర్వాత చేయబోయే సినిమాల విషయంలో…
తెలుగు దేశం పార్టీ జాతీయ ప్రధాన కార్యదర్శి, మాజీ ఎంపీ, మాజీ ఎమ్మెల్సీ నారా లోకేష్, మంగళగిరి అసెంబ్లీ నియోజకవర్గం…
సినిమా విడుదల ప్లానింగ్ సమయంలో పోటీ ఎంత ఉందనేది చూసుకోవడం చాలా ముఖ్యం. ఊరికే డేట్ వేసుకున్నామని తొందరపడితే బ్రేక్…
శాసనసభ ఎన్నికల్లో ఓటమితో బీఆర్ఎస్ పార్టీ పార్లమెంట్ ఎన్నికలలో ఎలాగైనా సత్తా చాటాలని ఉవ్విళ్లూరుతున్నది. నాలుగు నెలల కాంగ్రెస్ వైఫల్యాలను…