Movie News

తారక్ అభిమానులు లైట్ తీసుకున్నారు

స్టార్ హీరోల ఫ్యాన్స్ ఎమోషన్స్ క్యాష్ చేసుకోవడానికి ఈ మధ్య డిస్ట్రిబ్యూటర్లు వాడుతున్న ఆయుధం రీ రిలీజులు. ఏదో కొత్త సినిమా రేంజ్ లో హడావిడి చేయించి ఇపుడున్న రెగ్యులర్ టికెట్ రేట్లతోనే వాళ్ళ భావోద్వేగాలతో వ్యాపారం చేయడం అనేది మాములు విషయంగా మారిపోయింది. ఎప్పుడో ఒకసారి అయితే బాగుంటుంది కానీ అదే పనిగా క్యూ కట్టి వదులుతుంటే ఎవరైనా ఏం చేస్తారు. ఈసారి జూనియర్ ఎన్టీఆర్ అభిమానులు ఈ తతంగాన్ని లైట్ తీసుకున్నారు.

రేపు తారక్ పుట్టినరోజు సందర్భంగా ఊసరవెల్లి, ఆంధ్రావాలా రెండూ రీ రిలీజ్ అవుతున్నాయి. వీటిలో ఒకటే ఫ్లాప్ కాగా రెండోది డిజాస్టర్. అయినా సరే ఏదోలా జనాన్ని రప్పిద్దామనే ఉద్దేశంతో ప్రచారం బాగానే చేశారు. కట్ చేస్తే అడ్వాన్స్ బుకింగ్స్ ఆశించిన స్థాయిలో లేవు. ఊసరవెల్లికి మెయిన్ సెంటర్స్ మార్నింగ్ షోలకు ఓ మోస్తరు అమ్మకాలు జరుగుతుండగా ఆంధ్రావాలాని పట్టించుకున్న దాఖలాలు కనిపించడం లేదు. ఫ్యాన్స్ కు ఏ మాత్రం నచ్చని దారుణమైన మూవీ ఇది.

వాళ్ళ ధ్యాస మొత్తం ఎన్టీఆర్ నీల్ టీజర్ మీదే ఉంది. నాలుగు నిమిషాల వీడియోలో ఎంత విధ్వంసం చూపిస్తారోనని ఫ్యాన్స్ వెయిట్ చేస్తున్నారు. ఒకవేళ ఇది లేకపోయి ఉంటే ఊసరవెళ్లి మీద ఇంకొంచెం బెటర్ అటెన్షన్ వచ్చేదేమో కానీ కొత్త కంటెంట్ వస్తున్నప్పుడు పాతవి పట్టించుకోవడం కష్టమే. రేపు మొత్తం డ్రాగన్ తాలూకు హడావిడిలో సోషల్ మీడియా ఊగిపోయేలా ఉంది. క్లిక్ అయ్యిందా రోజు మొత్తం వాటి విజువల్స్ తో హోరెత్తిస్తారు.

డ్రాగన్ విడుదలకు ఇంకా ఏడాది సమయం ఉంది కాబట్టి అభిమానులకు సుదీర్ఘ నిరీక్షణ తప్పదు. అన్నీ అనుకున్న టైంలో జరిగి ఉంటే ఈ జూన్ కే రిలీజ్ అయ్యేది. టోవినో థామస్ తప్పుకోవడం, ఫారిన్ షెడ్యూల్స్ కొన్ని అనుకున్నట్టుగా జరగకపోవడం, అంతర్జాతీయ పరిస్థితులు లాంటి కారణాల వల్ల ఎప్పటికప్పుడు వాయిదాలు కొనసాగుతూనే వచ్చాయి. ఇవాళ వచ్చే టీజర్ సంవత్సరానికి సరిపడా ఎనర్జీ ఇవ్వాలి. ప్రశాంత్ నీల్ అంత ఏం వండాడో చూడాలి.

This post was last modified on May 19, 2026 6:10 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

5 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

7 hours ago