Movie News

నాగశౌర్య అందుకే హడావిడి చేయలేదు

ఇవాళ రిలీజైన కొత్త సినిమాల్లో అందరి దృష్టి తిమ్మరాజుపల్లి టీవీ, పాపం ప్రతాప్ మీద ఉంది కానీ బ్యాడ్ బాయ్ కార్తీక్ కూడా విడుదలైన సంగతి చాలా మంది ప్రేక్షకులకు రిజిస్టర్ కాలేదు. కారణం ప్రమోషన్లు లేకపోవడమే. ఒక ప్రీ రిలీజ్ ఈవెంట్, రెండు ప్రెస్ ఇంటర్వ్యూలు ఇచ్చేసి మమ అనిపించారు తప్ప ఆడియన్స్ ని ఆకట్టుకునేలా ఏదైనా చేయాలనే తాపత్రయం కనిపించలేదు. నిర్మాత ఎన్ఆర్ఐ కావడంతో ఇక్కడ మార్కెటింగ్ వ్యవహారాలను సీరియస్ గా పట్టించుకోలేదు.

సరే పబ్లిసిటీ సంగతి పక్కనపెడితే బ్యాడ్ బాయ్ కార్తీక్ పేరుకు తగ్గట్టే టాక్ చాలా తేడాగా వినిపిస్తోంది. రొటీన్ మాస్ ఎంటర్ టైనర్ ఏ మాత్రం ఆసక్తి గొలిపేలా తీయలేకపోయారని పబ్లిక్ టాక్, రివ్యూస్ తేల్చేస్తున్నాయి. నిజానికి నాగశౌర్య మార్కెట్ డెడ్ కాలేదు. ఇమేజ్ పోలేదు. సరైన సినిమా వస్తే థియేటర్ కు వచ్చే ఆడియన్స్ ఉన్నారు. ఎటొచ్చి అలాంటి కంటెంట్ పడటం లేదు. ఇప్పుడీ బ్యాడ్ బాయ్ చూస్తేనేమో గుడ్ అనిపించే లక్షణాలు కనిపించడం లేదు.

ఒకపక్క మండిపోతున్న ఎండలు, ఇంకోవైపు ప్రచారంతో హోరెత్తిస్తున్న చిన్న సినిమాలు, ఇవి చాలవన్నట్టు ఐపీఎల్ క్రికెట్ దెబ్బ. ఇన్ని ప్రతికూలతలు ఉన్నప్పుడు ప్లానింగ్ కరెక్ట్ గా ఉండాలి. బ్యాడ్ బాయ్ కార్తీక్ కు చాలా చోట్ల కనీస ఆక్యుపెన్సీలు నమోదు కాలేదు. పడిన షోలలో కూడా నామ మాత్రంగా జనం ఉన్నారు. హారిస్ జైరాజ్ సంగీతం,ఈశ్వర్ హీరోయిన్ శ్రీదేవి పాత్ర లాంటి ఎలిమెంట్స్ ఏ కోశానా జనంలో ఇంటరెస్ట్ పుట్టించలేకపోయాయి.

ఇదంతా ముందే ఊహించే నాగశౌర్య ఈ సినిమా విషయంలో ఆంటీ అంటనట్టు ఉన్నాడని అనుకోవాలి. రంగబలి డిజాస్టర్ తర్వాత తనకు చాలా గ్యాప్ వచ్చేసింది. అసలు ఛలో తర్వాత ఆ స్థాయి విజయం మళ్ళీ దక్కనే లేదు. కష్టపడుతున్నాడు, అన్ని జానర్లు ట్రై చేస్తున్నాడు కానీ ఫలితం మాత్రం రిపీట్ అవుతూనే ఉంది. ఇప్పటికైనా మించిపోయింది లేదు. సరైన కథల ఎంపిక, దర్శకుడి సెలక్షన్ విషయంలో జాగ్రత్త తీసుకుంటే మళ్ళీ కంబ్యాక్ అవ్వొచ్చు.

This post was last modified on April 17, 2026 5:41 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

3 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

3 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

3 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

3 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

3 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

4 hours ago