సందీప్ రెడ్డి వంగా ఇప్పుడు టాలీవుడ్‌లోనే కాదు, ఇండియన్ సినిమాలోనే మోస్ట్ వాంటెడ్ డైరెక్టర్. ‘యానిమల్’తో బాక్సాఫీస్‌ను షేక్ చేసిన తర్వాత, అతని క్రేజ్ నెక్స్ట్ లెవల్‌కు వెళ్ళింది. ప్రస్తుతం ప్రభాస్‌తో చేస్తున్న ‘స్పిరిట్’ సినిమాపై ఇండస్ట్రీలో భారీ అంచనాలు ఉన్నాయి. సాధారణంగా ఒక పెద్ద సినిమా సెట్స్ మీదకు వెళ్తుందంటేనే ఓటీటీ సంస్థలు కోట్లలో ఆఫర్లు కురిపిస్తాయి. కానీ సందీప్ వంగా మాత్రం ఈ విషయంలో చాలా పక్కాగా కనిపిస్తున్నారు. భారీ ఆఫర్లు వస్తున్నా కూడా ప్రస్తుతానికి నాన్ థియేట్రికల్ డీల్స్‌ను హోల్డ్ లో పెట్టినట్లు తెలుస్తోంది.
సాధారణంగా నిర్మాతలు సినిమా షూటింగ్ ప్రారంభంలోనే డిజిటల్ రైట్స్ అమ్మేసి సేఫ్ జోన్ లోకి వెళ్లాలని చూస్తుంటారు. కానీ ఈ సినిమాకు టీ సిరీస్‌తో పాటు సందీప్ వంగా హోమ్ బ్యానర్ ‘భద్రకాళి పిక్చర్స్’ కూడా సహ నిర్మాతగా ఉంది. సోదరుడు ప్రణయ్ రెడ్డి వంగా స్వయంగా నిర్మాణ బాధ్యతలను పర్యవేక్షిస్తుండటంతో, బిజినెస్ విషయంలో ఏమాత్రం తొందరపడటం లేదు. సినిమా షూటింగ్ పూర్తయి, ఒక స్పష్టమైన అవుట్‌పుట్ వచ్చిన తర్వాతే డీల్స్ క్లోజ్ చేయాలనేది వీరి ఆలోచనగా కనిపిస్తోంది.
ప్రభాస్-వంగా కాంబినేషన్ అంటేనే అది ఒక డెడ్లీ కాంబో. ప్రభాస్ లోని మాస్ యాంగిల్‌ను వంగా తనదైన స్టైల్‌లో ఎలా చూపిస్తారనే ఆసక్తి అందరిలోనూ ఉంది. అందుకే ఈ సినిమాపై బిజినెస్ వర్గాల్లో విపరీతమైన పోటీ నెలకొంది. ఈ ఏడాది చివర్లో డీల్స్ ఓపెన్ చేస్తే, అప్పటికి సినిమా గ్లింప్స్ వంటివి వస్తే ఇంకా రేంజ్ పెరుగుతుందని మేకర్స్ భావిస్తున్నారు. వంగా సినిమాల్లో ఉండే ఇంటెన్సిటీ గురించి మనకు తెలిసిందే.
‘స్పిరిట్’లో ప్రభాస్ ఒక సిన్సియర్ పోలీస్ ఆఫీసర్‌గా కనిపించబోతున్నారు. వంగా మార్క్ వైలెన్స్ అండ్ ఎమోషన్ తోడైతే ఈ సినిమా బాక్సాఫీస్ వద్ద రికార్డులు తిరగరాయడం ఖాయం. ప్రస్తుతం ప్రభాస్ ఇతర ప్రాజెక్టులతో బిజీగా ఉండటంతో, ‘స్పిరిట్’ పనులు నెమ్మదిగా కానీ చాలా పక్కాగా సాగుతున్నాయి. 2027 మార్చిలో ఈ సినిమాను విడుదల చేయాలని మేకర్స్ టార్గెట్ పెట్టుకున్నారు. అంటే ప్రమోషన్లకు, బిజినెస్ కు ఇంకా చాలా సమయం ఉంది.
ప్రస్తుతం ఇండియన్ సినిమాలో బిగ్గెస్ట్ స్టార్స్ గా ఉన్న ప్రభాస్ సందీప్ వంగా కలయిక వల్ల ‘స్పిరిట్’ బిజినెస్ వాల్యూ రూ. 500 కోట్లకు పైగానే ఉండవచ్చని తెలుస్తోంది. అందుకే ఓటీటీ సంస్థలు ఇప్పుడే లైన్ లోకి వస్తున్నాయి. అయితే వంగా స్టైలే వేరు. ఆయన సినిమా కంటెంట్ తోనే మార్కెట్ లో డిమాండ్ క్రియేట్ చేయాలనుకుంటారు. అందుకే ఇప్పుడు తొందరపడి తక్కువ రేటుకు రైట్స్ అమ్మేయకుండా, సినిమా స్థాయిని పెంచిన తర్వాతే డీల్స్ క్లోజ్ చేయాలని ఫిక్స్ అయ్యారని తెలుస్తోంది.
This post was last modified on April 17, 2026 10:40 am
రాయలసీమకు సాహిత్య, సాంస్కృతిక చరిత్ర వుంది. సినిమా వాళ్ళు, కొందరు రాజకీయ నాయకుల పుణ్యమాని ఫ్యాక్షన్ ప్రాంతంగా పేరు పడిపోయింది.…
దసరా సెలవులు రణబాలికి చాలా ప్లస్ అయ్యాయి. రిలీజ్ రోజు ప్రాథమికంగా వచ్చిన పబ్లిక్ టాక్, సోషల్ మీడియా రెస్పాన్స్…
రిలీజ్ డేట్ల వాయిదాల గురించి నాగార్జున కొన్ని నెలలుగా సందర్భం దొరికినప్పుడంతా తన స్వరం వినిపిస్తూనే ఉన్నారు. లెనిన్ నుంచి…
దసరాని లక్ష్యంగా పెట్టుకుని విడుదలైన అయిదు సినిమాల్లో నాలుగు తమ టార్గెట్ ని దాదాపుగా అందుకునే పనిలో ఉండగా ఒకటి…
ఒక చిన్న సినిమా. కేవలం రెండున్నర కోట్ల బడ్జెట్ లో తీశారు. షూటింగ్ చివరి దశలో డబ్బులు అయిపోతే దర్శకుడు…
ఏపీలో మున్సిపల్ ఎన్నికల నామినేషన్ల సందర్భంగా పలు చోట్ల ఘర్షణలు జరిగిన సంగతి తెలిసిందే. పుంగనూరు, పులివెందుల, కడప, రాయచోటి…