Movie News

క్రికెట్ ప్లస్ ఎండలు… దెబ్బ తగులుతోంది

మొన్న విడుదలైన రాకాస, బైకర్ రెండూ స్టడీగా ఉన్నాయి. అయితే వాటికొచ్చిన టాక్స్ తో పోల్చుకుంటే వసూళ్లు అంత వేగంగా పెరగడం లేదనేది ట్రేడ్ లో వినిపిస్తున్న మాట. తండ్రి కొడుకుల ఎమోషన్ మీద నడిచిన బైకర్ కు కుటుంబ ప్రేక్షకుల మద్దతు చాలా అవసరం. కానీ ఆ స్థాయిలో వాళ్ళు ఇంకా టర్న్ కావడం లేదనేది వాస్తవం. వీకెండ్ అయిపోతే సోమవారం నుంచి డ్రాప్స్ కాస్త ఎక్కువగానే ఉంటాయి. అందుకే ఫస్ట్ సండే చాలా అంటే చాలా కీలకం కానుంది.

ముందుగా చెప్పాల్సింది క్రికెట్. ఐపీఎల్ ఫీవర్ జనంలో బాగా ఉంది. ఇవాళ మధ్యాన్నమే సన్ రైజర్స్ మ్యాచ్ ఉంది. హైదరాబాద్ జనాలే కాదు తెలుగు క్రీడా ప్రియులు అధిక శాతం టీవీలకు, స్మార్ట్ ఫోన్లకు అతుక్కుపోతారు. సో కీలకమైన సెలవు రోజు సగం ఇక్కడ ఖర్చయిపోతుంది. దీని వల్ల మధ్యాన్నం షోలు బాగా ఇంపాక్ట్ అవుతాయి. సాయంత్రం కూడా కీలకమైన గేమ్ ఉంది. ఇలా హాలిడే నాడు క్రికెట్ పెద్ద పీఠ వేస్తే థియేటర్ల కలెక్షన్లు ప్రభావితం చెందుతాయి.

ఇంకోవైపు ఎండలు మండిపోతున్నాయి. ఉదయం పది గంటలకు మొదలైతే సాయంత్రం ఆరు దాకా పరిస్థితిలో పెద్దగా మార్పు ఉండటం లేదు. ఈ టైంలో అదే పనిగా జనాలు సినిమాల కోసం బయటికి వచ్చే శాతం తగ్గిపోతుంది. అలాని అస్సలు రారని కాదు. ఒకవేళ యునానిమస్ బ్లాక్ బస్టర్ టాక్ వస్తే నడినెత్తిన సూర్యుడు ఉన్నా సరే సినిమాలకు వెళ్లేంత ప్రేమ తెలుగు ఆడియన్స్ ది. రాకాస, బైకర్ లకు వచ్చింది బాగానే ఉన్నాయనే మాట కానీ అదిరిపోయాయని కాదు.

ఈ ప్రభావం ఇంకొన్ని వారాలు ఇలాగే కొనసాగనుంది. వచ్చే వారం డెకాయిట్, లవ్ ఇన్సూరెన్స్ కంపెనీ రాబోతున్నాయి. అడివి శేష్, ప్రదీప్ రంగనాథన్ ఏం చేస్తారోనన్నీ బయ్యర్ వర్గాలు ఆసక్తిగా ఎదురు చూస్తున్నాయి. ఒకవేళ రేపటి నుంచి రాకాస, డెకాయిట్ ఆక్యుపెన్సీలు కనక డీసెంట్ గా ఉంటే థియేటర్లు ఆక్సీజెన్ పీల్చుకుంటాయి. పోటీలో వచ్చిన డబ్బింగ్ బ్యాచ్ కార్మేని సెల్వం, లీడర్ ఊసులో లేకుండా వెళ్లపోయాయి. అవి వచ్చిన సంగతే జనాలకు రిజిస్టర్ కాలేదు.

This post was last modified on April 5, 2026 3:05 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago