Movie News

215 కోట్ల ఆఫర్ వద్దనుకున్నారా

దురంధర్ తర్వాత బాలీవుడ్ లో స్పై సినిమాలను చూసే దృక్పథం మారిపోయింది. నమ్మశక్యం కాని ఫైట్లు, ఫిజిక్స్ ని ఛాలెంజ్ చేసే యాక్షన్ ఎపిసోడ్లు లేకుండానే వందల కోట్లు ఎలా కొల్లగొట్టవచ్చో దర్శకుడు ఆదిత్య ధార్ నిరూపించాక గతంలో వచ్చిన టైగర్, వార్ లాంటి ఫ్రాంచైజీలు తక్కువ స్థాయిలో కనిపిస్తున్నాయి.

వీటి సంగతి అలా ఉంచితే యష్ రాజ్ ఫిలిమ్స్ నిర్మాణంలో రూపొందుతున్న అల్ఫా గత డిసెంబర్ లోనే రిలీజ్ కావాల్సింది. అయితే షూటింగ్ ఆలస్యంతో పాటు విఎఫెక్స్ తదితర కారణాల వల్ల ఏప్రిల్ కు వాయిదా వేశారు. తాజాగా ముంబై వర్గాల్లో వినిపిస్తున్న పుకారు సినీ ప్రియులు నమ్మశక్యంగా లేదనేలా ఉంది.

దాని ప్రకారం అల్ఫాని డైరెక్ట్ ఓటిటి రిలీజ్ చేసేందుకు నెట్ ఫ్లిక్స్ 215 కోట్ల ఆఫర్ ఇస్తే నిర్మాత ఆదిత్య చోప్రా వద్దని చెప్పారట. నిజానికి అల్ఫా బడ్జెట్ కూడా అంత అయ్యుండదు. కారణం ఏంటంటే అల్ఫాలో థియేటర్ ఎక్స్ పీరియన్స్ డిమాండ్ చేసే కంటెంట్ బోలెడు ఉందట.

అందులోనూ అలియా భట్ లాంటి టాప్ పర్ఫార్మార్, వామికా గబ్బి లాంటి టాలెంటెడ్ ఆర్టిస్టులను పెట్టుకుని ఇలాంటి ఆలోచన చేయమని ఆదిత్య చోప్రా తేల్చి చెప్పారట. ఇది నిజమో కాదో కానీ విభిన్న అభిప్రాయాలు వ్యక్తమవుతున్నాయి. ది రైల్వే మెన్ తీసిన శివ్ రవైల్ ఈ అల్ఫాకు దర్శకుడు కావడం నెట్ ఫ్లిక్స్ ఆఫర్ కు కారణం కావొచ్చని ఒక టాక్.

బాబీ డియోల్ విలన్ గా నటించిన అల్ఫా ఇద్దరు లేడీ గూఢచారుల సాహసాల నేపథ్యంలో సాగుతుంది. తొలుత సల్మాన్ ఖాన్, షారుఖ్, హృతిక్, జూనియర్ ఎన్టీఆర్ లలో ఇద్దరితో క్యామియోలు చేయించాలని చూసినప్పటికీ ప్రస్తుతం అది జరగడం అనుమానమే అంటున్నారు.

సల్మాన్ ఒక్కడే సానుకూలంగా ఉండటంతో ఏం చేయాలనే దాని మీద ఇంకా నిర్ణయం తీసుకోలేదని వినికిడి. యష్ రాజ్ స్పై యునివర్స్ పేరుతో ఒక సినిమాటిక్ ప్రపంచాన్ని సృష్టించాలని చూస్తున్న ఆదిత్య చోప్రాకు టైగర్ 3 ఫలితం, వార్ 2 డిజాస్టర్ పెద్ద షాక్ ఇచ్చాయి. మరి అల్ఫా అయినా హిట్ అందుకుని ఆయనకు ఊరట కలిగిస్తుందో లేదో చూడాలి. 

This post was last modified on February 23, 2026 7:37 pm

Share

Recent Posts

చంద్రబాబు దార్శనికతకు నిదర్శనం

తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…

41 minutes ago

కాకినాడ‌, శ్రీకాకుళంపై పట్టు వదలని పవన్!

ఇటీవ‌ల జ‌రిగిన మునిసిప‌ల్ కార్పొరేష‌న్ ఎన్నిక‌ల్లో మిగిలిపోయిన కార్పొరేష‌న్ స్థానాల‌కు, అలానే మునిసిపాలిటీల‌కు త్వ‌ర‌లోనే ఎన్నిక‌లు జ‌ర‌గ‌నున్నాయి. ఈ నేప‌థ్యంలో…

7 hours ago

బాబు నివాసానికి షర్మిల… వివాహ ఆహ్వానం కోసమే కాదు!

ఏపీ సీఎం చంద్ర‌బాబుతో రాష్ట్ర కాంగ్రెస్ పార్టీ చీఫ్ వైఎస్ ష‌ర్మిల భేటీ అయ్యారు. ఆదివారం సాయంత్రం ష‌ర్మిల‌.. హైద‌రాబాద్‌లోని…

8 hours ago

ఆమె వ‌ద్ద‌ని.. ఆమెతోనే రెండు సినిమాల‌కు కాంట్రాక్ట్

వ‌చ్చే శుక్ర‌వారం ద‌క్షిణాదిన మంచి అంచ‌నాల మ‌ధ్య విడుద‌ల కాబోతున్న సినిమా.. ఆకాశంలో ఒక తార‌. దుల్క‌ర్ స‌ల్మాన్ హీరోగా…

9 hours ago

జ‌గ‌న్ పత్రికకు రూ.10 కోట్ల పరువునష్టం నోటీసు

ఏపీ రాజ‌ధాని అమరావతి ప్రాంతంలో భూముల వ్యవహారంపై తమ కుటుంబానికి సంబంధించి అసత్య ఆరోపణలతో కథనాలు ప్రచురించారంటూ వైసీపీ అధినేత‌…

9 hours ago

మాకు ఆ సీఈఓనే కావాలంటూ లక్ష సంతకాలు

ప్రపంచ టెక్నాలజీ రంగంలో ప్రస్తుతం ఆర్టిఫిషియల్ ఇంటెలిజెన్స్ కీలక శక్తిగా ఎదుగుతోంది. ఈ మార్పులో ఎన్విడియా సంస్థ పోషిస్తున్న పాత్ర…

10 hours ago