ఏడేళ్ల క్రితం వచ్చిన పలాసతో విమర్శకుల ప్రశంసలు అందుకున్న దర్శకుడు కరుణ కుమార్. తక్కువ ఖర్చులో స్టార్ క్యాస్టింగ్ లేకుండా కుల వివక్ష మీద ఆయన సంధించిన అస్త్రం కమర్షియల్ గానూ మంచి ఫలితాన్నే ఇచ్చింది. అందుకే శ్రీదేవి సోడా సెంటర్ లాంటి మంచి బడ్జెట్ పెట్టిన మూవీ చేతికి వచ్చింది.
కల్ట్ క్లాసిక్ ఇవ్వాలనే తాపత్రయంతో సుధీర్ బాబుతో కలిసి చేసిన ప్రయత్నం ఆశించిన ఫలితం ఇవ్వలేదు. ఆ తర్వాత కళాపురం అనే చిన్న మూవీ చేస్తే ఊసులో లేకుండా పోయింది. అయినా సరే వరుణ్ తేజ్ నమ్మి మట్కాకు ఓకే చెప్పాడు. ఈసారి కోట్ల బడ్జెట్ పెట్టారు. కానీ అల్ట్రా డిజాస్టర్ మిగిలింది. ఇదంతా గతం
ఇప్పుడు కరుణ కుమార్ ప్రస్తుతం నడుస్తున్న హారర్ ట్రెండ్ కు వచ్చేశారు. నవీన్ చంద్రతో హనీ అనే మూవీ తీశారు. ఈ వారమే ఫిబ్రవరి 6 ఇది విడుదల కానుంది. ట్రైలర్ చూస్తే షాకింగ్ ఎలిమెంట్స్ ఉన్న ఫీలింగ్ కలిగింది. నిజ జీవితంలో ఉన్న కొన్ని క్షుద్ర విద్యలను ఆధారంగా చేసుకుని హనీని రూపొందించినట్టు కరుణ కుమార్ చెబుతున్నారు.
ఈ వారంలో చూస్తే పెద్దగా పోటీ లేదు. గుణశేఖర్ యుఫొరియా ఉంది కానీ దాని మీద కూడా అంతగా బజ్ ఏర్పడటం లేదు. హారర్ అడ్వాంటేజ్ ఉంది కాబట్టి హనీ టాక్ కనక పొలిమేర తరహాలో తెచ్చుకుంటే బాక్సాఫీస్ వద్ద గట్టెక్కే ఛాన్స్ ఉంటుంది.
ఒకరకంగా చెప్పాలంటే కరుణ కుమార్ కి ఇది విషమ పరీక్ష. డైరెక్టర్ గా తనను తాను మళ్ళీ ఋజువు చేసుకోవాలి. అసలు అన్ని ఫ్లాపుల తర్వాత కూడా ఆఫర్లు వస్తున్నాయంటే అది పలాస ప్రభావమే అని చెప్పాలి. దాన్ని నిలబెట్టుకునే దిశగా హనీతో మంచి రిజల్ట్ అందుకుంటే తప్ప నోటెడ్ హీరోల దగ్గరకు వెళ్లే ఛాన్స్ ఉండదు.
ప్రస్తుతం ఒక టయర్ 2 స్టార్ ని ఒప్పించే పనిలో ఉన్న కరుణ కుమార్ అందులో సక్సెస్ కావాలంటే ముందు హనీతో రుజువు చేసుకోవాలి. అటు నవీన్ చంద్ర కూడా పెద్ద బ్రేక్ కోసం ఎదురు చూస్తున్నాడు. వరస సినిమాలు వస్తున్నాయి కానీ మినిమమ్ హిట్ లేదు. మరి హనీ ఏం చేస్తుందో చూడాలి.
This post was last modified on February 4, 2026 1:35 am
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…
వైసీపీ అధినేత, మాజీ సీఎం జగన్.. తన సొంత నియోజ‌క‌వ‌ర్గం పులి వెందుల‌లో ఆదివారం హ‌ల్చ‌ల్ చేసిన విష‌యం తెలిసిందే.…
తెలుగులో కొన్నేళ్ల నుంచి నంబర్ వన్ సంగీత దర్శకుడిగా కొనసాగుతున్నాడు తమన్. వేరే భాషల్లోనూ తరచుగా సినిమాలు చేస్తున్నాడు. తన…
రాప్తాడు పాఠశాలలో పదో తరగతి విద్యార్థినిపై రంపంతో దాడి చేసిన కేసులో కీలక పరిణామం చోటుచేసుకుంది. నిందితుడు హేమంత్‌పై పోలీసులు…