Movie News

ద్రౌపది వివాదం… చిన్మయి పాటను మారుస్తారట

గాయని, డబ్బింగ్ ఆర్టిస్ట్ చిన్మయి సోషల్ మీడియాలో ఎంత యాక్టివ్ ఉంటారో తెలిసిందే. ముఖ్యంగా ఫెమినిజం మీద ఆవిడకు, నెటిజెన్లకు పలుమార్లు పెద్ద యుద్ధాలే జరుగుతూ ఉంటాయి. కానీ తాజాగా ఒక తమిళ సినిమాకు సంబంధించిన వివాదంలో ఏకంగా ఆమె పాటను తీసేయాలని నిర్ణయించుకోవడం కోలీవుడ్ వర్గాల్లో హాట్ టాపిక్ గా మారింది.

వివరాల్లోకి వెళ్తే ఆరు సంవత్సరాల క్రితం దర్శకుడు మోహన్ జీ తమిళంలో ద్రౌపది అనే సినిమా తీశారు. అప్పట్లో ఇది చాలా వివాదాస్పదమయ్యింది. కమర్షియల్ గా ఆడలేదు కానీ మహిళా సంఘాలు, పలువురు కార్యకర్తలు తీవ్ర నిరసన వ్యక్తం చేస్తూ కంటెంట్ మీద విరుచుకుపడ్డారు.

వాళ్ళలో చిన్మయి కూడా ఉన్నారు. మోహన్ జీ ఆడవాళ్లను కించపరుస్తున్నారని, కులాల మధ్య చిచ్చు పెట్టేలా కథలు రాస్తున్నారని విమర్శలు చేశారు. మోహన్ జీ దానికి బదులిస్తూ ఆమె కేవలం ఒక వర్గానికి పక్షపాతిగా మాట్లాడుతున్నారని, తాను నిజమే చూపించానని అన్నారు.

అలా వాదోపవాదాలు జరిగి తర్వాత అందరూ మర్చిపోయారు. కట్ చేస్తే ఇప్పుడు ద్రౌపది 2 వస్తోంది. అది కూడా ప్యాన్ ఇండియా భాషల్లో. దీంట్లో చిన్మయితో ఏమొకే అనే పాట పాడించారు సంగీత దర్శకడు జిబ్రాన్. ఆడియో యూట్యూబ్ లో ఉంది. అయితే ఇప్పుడు చిన్మయి స్థానంలో వేరే సింగర్ తో పాడించి థియేటర్లో మార్పిస్తామని తాజాగా మోహన్ జీ వెల్లడించారు.

జిబ్రాన్ తో పద్దెనిమిది సంవత్సరాల స్నేహం కారణంగానే సినిమా ఏమిటో, ఎవరిదో తెలియకుండా స్టూడియోకు వెళ్లి పాడేశానని, ఒకవేళ ముందే తెలిసి ఉంటే ఐడియాలజీలో ఇన్ని విభేదాలు ఉన్న వాళ్లతో తాను పని చేసేదాన్ని కాదని చిన్మయి చెప్పడంతో మోహన్ జీకి మరింత ఆగ్రహం కలిగించింది.

తన సినిమాకు నెగటివ్ పబ్లిసిటీ చేస్తున్నారనేది ఆయన కంప్లయింట్. 14వ శతాబ్దపు బ్యాక్ డ్రాప్ లో మూండ్రం వల్లెల మహారాజా పుస్తకం ఆధారంగా రూపొందుతున్న ద్రౌపది 2ని తెలుగులో డబ్ చేస్తున్నారు. ఇందులో కూడా కాంట్రావర్సి అంశాలు చాలా ఉండబోతున్నాయని చెన్నై టాక్. అదేంటో రిలీజయ్యాక చూడాలి.

This post was last modified on January 5, 2026 5:15 pm

Share

Recent Posts

సీఎం చంద్ర‌బాబుపై కేసులు… హైకోర్టు కీల‌క ఉత్త‌ర్వులు

ఏపీ సీఎం చంద్ర‌బాబుపై వైసీపీ హ‌యాంలో ప‌లు కేసులు న‌మోదైన విష‌యం తెలిసిందే. లిక్క‌ర్ విక్ర‌యాలు స‌హా ఇసుక, గ‌నులు,…

24 minutes ago

సందీప్ వంగ… ఏం క్రేజయ్యా బాబూ

దర్శకుడు అంటే తెర వెనుక ఉండి మొత్తం వ్యవహారాన్ని నడిపించేవాడు. చాలామంది గొప్ప గొప్ప దర్శకులు కూడా చాలా వరకు…

26 minutes ago

రావిపూడిని సైడ్ చేసిన లేడీస్

స్టార్ డైరెక్టర్ అనిల్ రావిపూడి తన సినిమాలను సూపర్ సక్సెస్ చేయడం ఒకెత్తయితే.. ఆ సినిమాలు మొదలైన దగ్గర్నుంచి వాటిని…

1 hour ago

మూడు వారాలకే ఇంటికొస్తే ఎలాగయ్యా

విశ్వక్ సేన్ చాలా ఇష్టపడి కష్టపడి తీసిన సినిమా కల్ట్. టాలీవుడ్ తొలి స్లాషర్ మూవీగా ప్రమోషన్లు కూడా గట్టిగా…

3 hours ago

డ్రాగన్ మనసు మారే అవకాశం ఉందా

2027 ప్యాన్ ఇండియా సినిమాల విడుదల తేదీల రచ్చ చాలా అడ్వాన్స్ గా మొదలైపోయింది. వారణాసి ఏప్రిల్ 7 రాకపోవచ్చనే…

4 hours ago

లేట్ చేసిన నాయుడులో మ్యాటర్ ఉంది

సుదీర్ఘంగా నిర్మాణంలో ఉండి విడుదల కోసం నెలలు సంవత్సరాలు ఎదురు చూసిన టైసన్ నాయుడు ఎట్టకేలకు ప్రేక్షకుల ముందుకు వచ్చేందుకు…

5 hours ago