అఖండ‌-2… ఓటీటీ డేట్ ఇదేనా?

అనూహ్య ప‌రిణామాల మ‌ధ్య డిసెంబ‌రు 5న రిలీజ్ ఆగి.. ఇంకో వారం ఆల‌స్యంగా రిలీజైన నంద‌మూరి బాల‌కృష్ణ సినిమా అఖండ‌-2 అంచ‌నాల‌ను అందుకోలేక‌పోయింది. బాక్సాఫీస్ ద‌గ్గ‌ర మిశ్ర‌మ స్పంద‌న తెచ్చుకుంది. ఐతే తొలి వీకెండ్ త‌ర్వాత ఈ సినిమా వ‌సూళ్లు బాగా డ్రాప్ కాగా.. అంత‌టితో సినిమా ప‌నైపోయింద‌ని అంతా అనుకున్నారు.

కానీ అఖండ‌-2 బాక్సాఫీస్ పెర్ఫామెన్స్‌ను బ్యాడ్ అని చెప్ప‌లేని విధంగా.. త‌ర్వాతి రెండు వీకెండ్ల‌లో కూడా మంచి వ‌సూళ్లే రాబ‌ట్టింది. బ్రేక్ ఈవెన్ టార్గెట్లు మ‌రీ పెద్ద‌వి కావ‌డం వ‌ల్ల సినిమాను బాక్సాఫీస్ లెక్క‌ల్లో ఫ్లాప్ అని చెప్పాలి కానీ.. ఈ సినిమా వ‌సూళ్ల‌ను త‌క్కువ చేయ‌లేం. ఇప్ప‌టికీ ఓ మోస్త‌రు వ‌సూళ్ల‌తో సాగుతోందీ చిత్రం. ఐతే సంక్రాంతి సినిమాల సంద‌డి మొద‌ల‌య్యాక అఖండ‌-2 ర‌న్ పూర్త‌వుతుంద‌న్న‌ది స్ప‌ష్టం.

మ‌రి అఖండ‌-2 ఓటీటీ విందు ఎప్పుడు ఉంటుందా అని ఎదురు చూస్తున్న ప్రేక్ష‌కులు ఆ క‌బురు త్వ‌ర‌లోనే అధికారికంగా విన‌బోతున్నారు. జ‌న‌వ‌రి 9 నుంచి ఈ చిత్రాన్ని నెట్ ఫ్లిక్స్ సంస్థ స్ట్రీమ్ చేయ‌బోతున్న‌ట్లు స‌మాచారం. ఈ వీకెండ్లోనూ అఖండ‌కు ఓ మోస్త‌రుగా వ‌సూళ్లు వ‌స్తున్నాయి. కాబ‌ట్టి ఆ త‌ర్వాత డిజిట‌ల్ రిలీజ్ గురించి నెట్‌ఫ్లిక్స్ ప్ర‌క‌ట‌న చేసే అవ‌కాశ‌ముంది.

ముందు అనుకున్న షెడ్యూల్ ప్ర‌కారం అయితే జ‌న‌వ‌రి 2నే ఈ సినిమా నెట్‌ఫ్లిక్స్‌లోకి రావాల్సింది. కానీ డిసెంబ‌రు 5 నుంచి 12కు వాయిదా ప‌డ్డ నేప‌థ్యంలో స్ట్రీమింగ్ డేట్ కూడా వారం వెన‌క్కి జ‌రిగింది. బోయ‌పాటి శ్రీను ద‌ర్శ‌క‌త్వంలో తెర‌కెక్కిన అఖండ‌-2ను 14 రీల్స్ ప్ల‌స్ బేన‌ర్ మీద రామ్ ఆచంట‌, గోపీనాథ్ ఆచంట ప్రొడ్యూస్ చేశారు. ఈ సినిమాకు బాల‌య్య కెరీర్లోనే అత్య‌ధికంగా 200 కోట్ల మేర థియేట్రిక‌ల్ బిజినెస్ జ‌రిగిన‌ట్లు వార్త‌లు వ‌చ్చాయి. కానీ ఫుల్ ర‌న్లో నైజాం మిన‌హా ఈ సినిమా ఎక్క‌డా బ్రేక్ ఈవెన్ అయ్యే ప‌రిస్థితి క‌నిపించ‌డం లేదు.