ప్రభాస్ కొత్త సినిమా ‘రాజాసాబ్’ మొదలైనపుడు.. అభిమానుల నుంచి ఎంత వ్యతిరేకత వ్యక్తమైందో తెలిసిందే. మారుతి ఈ సినిమాకు ముందు మిడ్ రేంజ్ సినిమాలే తీశాడు. పైగా పేలవ ఫామ్లో ఉన్నాడు. చివరి చిత్రాలు పక్కా కమర్షియల్, మంచి రోజులొచ్చాయి డిజాస్టర్లు అయ్యాయి. దీంతో అభిమానులు ఈ సినిమా వద్దే వద్దూ అంటూ ప్రభాస్కు విన్నపాలు చేశారు.
వారిలో వ్యతిరేకత ఏ స్థాయిలో ఉందంటే.. సినిమా గురించి అధికారిక ప్రకటన చేయడానికి కూడా మేకర్స్ భయపడ్డారు. కానీ ఈ సినిమా ప్రోమోలు చూశాక వారి అభిప్రాయం మారుతూ వచ్చింది. ఫస్ట్ టీజర్ లాంచ్ అయినపుడు మంచి బజ్ వచ్చింది. కానీ ఆ తర్వాత చిత్రంగా మళ్లీ మైప్ తగ్గడం మొదలైంది. చాలా ముందుగా రిలీజ్ చేసిన ట్రైలర్ అంచనాలకు తగ్గట్లు లేదు. పాటలు కూడా బానే ఉన్నాయి కానీ అనుకున్న స్థాయిలో లేవు. ప్రమోషన్లు కూడా సరిగా చేయలేదు. సంక్రాంతికి గట్టి పోటీ మధ్య వస్తున్న ఈ చిత్రం ఆశించిన ఫలితాన్ని అందుకోగలదా అన్న సందేహాలు కలిగాయి.
ఐతే నిన్నటి ప్రి రిలీజ్ ఈవెంట్లో హీరో ప్రభాస్, దర్శకుడు మారుతి, ఇతర టీం సభ్యుల మాటలు చూస్తే సినిమా ఆషామాషీగా ఉండదు అనే అభిప్రాయం అభిమానుల్లో కలుగుతోంది. ముఖ్యంగా మారుతి చాలా పెద్ద స్టేట్మెంటే ఇచ్చాడు. ఒక్క శాతం కూడా ఎంటర్టైన్మెంట్ తగ్గదని.. సినిమాలో అసలు డిజప్పాయింట్ చేసే సన్నివేశమే ఉండదని.. అలా ఉంటే తన ఇంటికి వచ్చి నిలదీయొచ్చని ఇంటి అడ్రస్ డీటైల్స్ కూడా స్టేజ్ మీద చెప్పేశాడు మారుతి.
సినిమా మీద ఎంతో నమ్మకం ఉంటే తప్ప ఇలాంటి స్టేట్మెంట్ ఒక దర్శకుడి నుంచి రాదు. పైగా ఇదేమీ చిన్న సినిమా కాదు.. ఇష్టమొచ్చినట్లు స్టేట్మెంట్ ఇవ్వడానికి. అయినా మారుతి ఇలా మాట్లాడాడంటే తనకు సినిమా మీద అంత నమ్మకం ఉన్నట్లే. మరోవైపు తన సినిమాల గురించి గొప్పలు పోని ప్రభాస్ సైతం మారుతికి మంచి ఎలివేషన్ ఇచ్చాడు.
ఈ సినిమా క్లైమాక్స్ గురించి ప్రస్తావిస్తూ.. అది పెన్నుతో రాశావా, గన్నుతో రాశావా అని మారుతిని అడిగాడు. దీంతో పతాక సన్నివేశాలు ఒక రేంజిలో ఉంటాయని అభిమానులు అంచనాలు పెంచుకుంటున్నారు. మిగతా టీం సభ్యులు కూడా సినిమా వేరే లెవెల్లో ఉంటుందనే ధీమాను వ్యక్తం చేశారు. మొత్తంగా ఈ కాన్ఫిడెన్స్ చూశాక ప్రభాస్ అభిమానుల్లో సినిమా మీద అంచనాలు పెరిగాయి. మరి వాటిని అందుకునేలా సినిమా ఉంటుందా అన్నది ఇంకో పది రోజుల్లో తేలిపోతుంది.
This post was last modified on December 28, 2025 2:32 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…