Movie News

మైలేజ్ సరిపోలేదు మోగ్లీ

యాంకర్ సుమ, నటుడు రాజీవ్ కనకాల వారసుడు రోషన్ కనకాల నటించిన మోగ్లీకి ఎదురీత తప్పడం లేదు. అఖండ తాండవం 2 పోటీతో పాటు టాక్ ఆశాజనకంగా లేకపోవడం వసూళ్ల మీద ప్రభావం చూపించింది. హైదరాబాద్ లాంటి మెయిన్ సెంటర్స్ లో ఓ మోస్తరుగా బుకింగ్స్ ఉన్నాయి కానీ కింది కేంద్రాల్లో పరిస్థితి అంతంత మాత్రమే. కలర్ ఫోటో లాంటి అవార్డు విన్నింగ్ మూవీ ఇచ్చిన సందీప్ రాజ్ మోగ్లీ మీద చాలా నమ్మకం వ్యక్తం చేశారు. ఈ సినిమాకు పని చేసిన వాళ్లకు ఇదో ఐడి కార్డు అవుతుందని, ఇండస్ట్రీలో ఎవరైనా పిలిచి అవకాశాలు ఇస్తారనే రేంజ్ లో పెద్ద స్టేట్ మెంట్ ఇచ్చారు. కానీ జరిగింది వేరు.

నాన్ థియేటర్, శాటిలైట్ ద్వారా నిర్మాణ సంస్థ పీపుల్స్ మీడియా ఫ్యాక్టరీ కొంతవరకు సేఫ్ అయ్యుండొచ్చేమో కానీ థియేటర్ కోణంలో చూసుకుంటే మాత్రం ఫెయిల్యూర్ ని తప్పించుకోవడం పెద్ద టాస్క్ లా కనిపిస్తోంది. నిజానికి అఖండ 2కి సైతం యునానిమస్ టాక్ రాలేదు. కానీ బాలయ్య ఇమేజ్, సీక్వెల్ హైప్, ప్రమోషన్లు దానికి రక్షణ కవచంలా నిలబడి వీకెండ్ కలెక్షన్లకు దోహదపడ్డాయి. కానీ మోగ్లీకి అలాంటి బ్యాకప్ లేదు. దీంతో పూర్తిగా టాక్ మీద ఆధారపడాల్సి వచ్చింది. రోషన్ కోసం ప్రత్యేకంగా టికెట్లు కొనే జనాలు లేకపోవడంతో కంటెంట్ ని ఎక్కువ ఫోకస్ చేసి దాన్నే ప్రమోషన్లలో వాడుకున్నారు.

ఇది పెద్ద హిట్ అయితే రోషన్ కనకాలకు ప్రమోషన్ వచ్చినట్టు అయ్యేది. మోగ్లీ రూపంలో వచ్చిన మైలేజ్ సరిపోలేదని చెప్పాలి. పెర్ఫార్మన్స్ పరంగా కుర్రాడు కస్టపడినప్పటికీ అసలు కంటెంట్ స్ట్రాంగ్ గా లేకపోవడం మైనస్ అయ్యింది. అందులోనూ ఇలాంటి సినిమాలకు బలంగా ఉండాల్సిన పాటలను కాలభైరవ బెస్ట్ అనిపించేలా కంపోజ్ చేయలేదు. కనీసం ఒక్క సాంగ్ వైరల్ అయినా ఓపెనింగ్స్ కి దోహదపడేది. కానీ అదీ జరగలేదు. జయంని స్ఫూర్తిగా తీసుకున్న సందీప్ రాజ్ ఆ మేజిక్ రిపీట్ చేయలేకపోయాడు. అందుకే మోగ్లీ బండి మైలేజ్ సరిపోక మధ్యలోనే ఆగుతుందో లేక పికప్ అవుతుందో చూడాలి.

This post was last modified on December 14, 2025 10:18 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

24 minutes ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

2 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

2 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

2 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

3 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

4 hours ago