Movie News

నవ్వించి ఏడిపించి ఇప్పుడు భయపెడుతున్నారు

లిటిల్ హార్ట్స్, రాజు వెడ్స్ రాంబాయి లాంటి చిన్న సినిమాలు పెద్ద విజయాలు సాధించడంలో నిర్మాతలు బన్నీ వాస్, వంశీ నందిపాటి చేసిన కృషి చిన్నది కాదు. మంచి కంటెంట్ జనాల్లోకి ఎలా తీసుకెళ్లాలనే దాని మీద వీళ్ళు చూపించే శ్రద్ధ గొప్ప ఫలితాలు ఇస్తోంది. అలాని ప్రతి చిత్రాన్ని కొంటున్నారని కాదు కానీ బెస్ట్ అనిపించేవి మాత్రం వదలడం లేదు. ఇప్పుడు వీళ్ళ కలయికలో వస్తున్న కొత్త మూవీ ఈషా. డిసెంబర్ 12 థియేటర్లలో అడుగు పెట్టనుంది. ఒకదానితో నవ్వించి, మరొకదానితో ఏడిపించిన ఈ ప్రొడ్యూసర్లు ఇప్పుడు భయపెట్టేందుకు వస్తున్నారు. ఇవాళ ఈషా ట్రైలర్ లో ఆ విషయం స్పష్టమవుతోంది.

కథ పరంగా చెప్పుకుంటే మరీ కొత్తగా అనిపించదు. అనగనగా శాపగ్రస్తమైన ఒక చిన్న పల్లెటూరు. సరిహద్దుల్లో ఒక పాడుబడిన ఇల్లు. దెయ్యాలు లేవని నమ్మే రెండు జంటలు అక్కడికి వచ్చి ఒక ఫకీర్ ని ఛాలెంజ్ చేస్తాయి. ఆత్మలు లేవని నిరూపిస్తామని చెప్పి అక్కడికి వెళ్తాయి. తీరా చూస్తే భయానక సంఘటనల మధ్య ప్రాణాలు రిస్కులో పడతాయి. ఒక చిన్న పాప హత్య ఎంత దారుణాలను చేసిందో తెలుసుకొనే కొద్దీ ఒక విషవలయంలో చిక్కుకుంటారు. అసలు ఈషా ఎవరు, వీళ్లంతా అక్కడికి ఎందుకు వచ్చారు లాంటి ప్రశ్నలకు సమాధానం తెలియాలంటే రాబోయే శుక్రవారం దాకా వెయిట్ చేయాల్సిందే.

గత కొన్నేళ్లుగా హారర్ అంటే ఎక్కుడ శాతం కామెడీ అయిపోయింది. దెయ్యలతో నవ్వించే పనులు చేయించడం వల్ల ఈ జానర్ కొంచెం రొటీన్ గా మారిన మాట వాస్తవం. అయితే ఈషా ఈ ట్రెండ్ కి భిన్నంగా సీరియస్ నెరేషన్ వైపు దృష్టి పెట్టింది. నిజంగా భయపెడితే ఆడియన్స్ కలెక్షన్లు ఇస్తారని ఆ మధ్య మాసూద నిరూపించింది. ఇప్పుడు ఈషా కూడా అదే తరహాలో సక్సెస్ కాగలిగితే మరిన్ని ప్రయత్నాలు జరగొచ్చు. శ్రీనివాస్ మన్నే దర్శకత్వం వహించిన ఈషాకు ఆర్ఆర్ ధృవన్ సంగీతం సమకూర్చారు. తమ మునుపటి సినిమాల్లాగే ఇది కూడా హిట్టవుతుందనే నమ్మకం నిర్మాతల్లో కనిపిస్తోంది.

This post was last modified on December 8, 2025 12:41 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

9 hours ago