పెద్ద సినిమాల‌కు తెలుగు రాష్ట్రాల్లో అడ్వాన్స్ బుకింగ్స్ ఆల‌స్యం కావ‌డం ఇటీవ‌ల పెద్ద స‌మ‌స్య‌గా మారుతోంది. పోస్ట్ ప్రొడ‌క్ష‌న్ ప‌నులు ఆల‌స్యం కావ‌డం, అద‌న‌పు రేట్ల కోసం జీవోలు తెచ్చుకోవ‌డంలో స‌రైన ప్లానింగ్ లేక‌పోవ‌డం వ‌ల్ల రిలీజ్ ముంగిట గంద‌ర‌గోళ ప‌రిస్థితులు త‌లెత్తి తెలుగు రాష్ట్రాల్లో ఇబ్బందిక‌ర ప‌రిస్థితులు త‌లెత్తుతున్నాయి. విడుద‌ల‌కు రెండు రోజుల ముందు కూడా జీవో రాక అడ్వాన్స్ బుకింగ్స్ ఓపెన్ కాని సినిమాలు చాలానే ఉన్నాయి. అద‌న‌పు రేట్ల వ‌ల్ల వ‌చ్చే ప్ర‌యోజ‌నం ఎంతో కానీ.. బుకింగ్స్ ఆల‌స్యం వ‌ల్ల జ‌రిగే న‌ష్టం బాగానే ఉంటోంది.
మ‌రోవైపు విదేశాల‌కు స‌రైన స‌మ‌యంలో కంటెంట్ పంప‌క‌పోవ‌డం వ‌ల్ల అక్క‌డ ప్రిమియ‌ర్స్ మీద ప్ర‌భావం ప‌డుతోంది. ప‌వ‌న్ క‌ళ్యాణ్ సినిమా ఓజీ విష‌యంలో ఈ ఇబ్బంది బాగా క‌నిపించింది. కెన‌డా స‌హా ప‌లు చోట్ల షోలు క్యాన్సిల్ అయి న‌ష్టం వాటిల్లింది. ఐతే టాలీవుడ్ లేటెస్ట్ బిగ్ మూవీ అఖండ-2 విష‌యంలో ఓవ‌ర్సీస్ కంటెంట్ డెలివ‌రీ విష‌యంలో ఏ ఇబ్బంది లేక‌పోయింది. విడుద‌ల‌కు నాలుగు రోజుల ముందే అన్ని చోట్ల‌కు కేడీఎంలు డెలివ‌ర్ అయిపోయాయి. ఈ విష‌యంలో ప‌క్కా ప్లానింగ్‌తో ఉన్నారంటూ అఖండ మేక‌ర్స్ మీద ప్ర‌శంస‌లు కురిశాయి.
కానీ అద‌న‌పు షోలు, రేట్ల‌కు ముందు జీవోలు తెప్పించుకోవ‌డంలో మాత్రం టీం స‌క్సెస్ కాలేక‌పోయింది. ఏపీ జీవో మూడు రోజుల ముందు వ‌చ్చింది. వెంట‌నే బుకింగ్స్ మొద‌లైపోయాయి. మంచి ఊపుతో టికెట్లు అమ్ముడ‌వుతున్నాయి. కానీ తెలంగాణ‌లో మాత్రం రిలీజ్‌కు రెండు రోజుల ముందు కూడా జీవో రాలేదు. గురువారం రాత్రి సెకండ్ షోకు పెయిడ్ ప్రిమియ‌ర్స్ వేసేందుకు ఇక్క‌డ థియేట‌ర్లు రెడీగా ఉన్నాయి. అభిమానులు కూడా టికెట్ల కోసం ఉత్కంఠ‌గా ఎదురు చూస్తున్నారు.
బుధ‌వారం ఉద‌యం నుంచి సాయంత్రం వ‌ర‌కు వెయిట్ చేసి చేసి అల‌సిపోయారు. నిర్మాత రామ్ ఆచంట సాయంత్రం 5-6 మ‌ధ్య బుకింగ్స్ మొద‌ల‌వుతాయ‌ని చెప్పారు. కానీ అలా ఏమీ జ‌ర‌గేలుద. రాత్రి 8 గంట‌ల‌కు కూడా బుకింగ్స్ మొద‌లు కాలేదు. ఇక‌పై జీవో వ‌చ్చినా స‌రే.. ఇంత ఆల‌స్యం కావ‌డం వ‌ల్ల బుకింగ్స్ మీద నెగెటివ్ ఇంపాక్ట్ బాగా ప‌డుతుంద‌న‌డంలో సందేహం లేదు. అద‌న‌పు షోలు, ధ‌ర‌ల కోసం కాస్త ముందుగా ద‌ర‌ఖాస్తు చేసి, త్వ‌ర‌గా జీవో వ‌చ్చేలా చేసుకోక‌పోవ‌డం వ‌ల్ల న‌ష్టం ఎక్కువ‌గానే ఉంటోంది. దీనిపై నిర్మాత‌లు ప్ర‌త్యేకంగా దృష్టిపెట్టాల్సిందే.
This post was last modified on December 3, 2025 8:26 pm
పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే…
అనంతపురం జిల్లా రాప్తాడు ప్రభుత్వ పాఠశాలలో పదవతరగతి విద్యార్థినిపై రంపంతో దాడి చేసిన ఘటన యావత్ రాష్ట్రాన్ని కలవరపాటుకు గురించేసింది.…
ప్ర‌ధాని మోడీ మెడ‌లు వంచుతామ‌ని.. ఆయ‌న‌ను గ‌ద్దె నుంచి దింపుతామ‌ని తెలంగాణ ముఖ్య‌మంత్రి రేవంత్ రెడ్డి వ్యాఖ్యానించారు. ఆదివారం ఢిల్లీలోని…
తమిళ సినిమాలో సెన్సేషనల్ జోడీ అంటే శింబు, నయనతారలదే. వీళ్లిద్దరూ కలిసి నటించిన తొలి చిత్రం ‘వల్లభ’ అప్పట్లో పెను…
దేశంలోని ముఖ్యమంత్రుల పనితీరు మీద తరుచుగా సర్వేలు జరుగుతుండటం మనకు తెలిసిందే. ముఖ్యమంత్రుల పనితీరు, ప్రజాదరణను బట్టి వారికి ర్యాంకులు…
వైసీపీ అధినేత, మాజీ సీఎం జగన్.. త‌న సొంత నియోజ‌క‌వ‌ర్గం పులి వెందుల‌లో ఆదివారం హ‌ల్చ‌ల్ చేసిన విష‌యం తెలిసిందే.…