మలయాళ సినీ చరిత్రలోనే అతి పెద్ద స్టార్లలో ఒకడు మమ్ముట్టి. ఆ ఇండస్ట్రీకి మోహన్ లాల్ ఒక కన్ను అయితే.. మరో కన్ను మమ్ముట్టి. నటుడిగా ఆయన గొప్పదనమేంటో స్వాతికిరణం, దళపతి సినిమాలు చూసిన తెలుగు ప్రేక్షకులకు బాగానే తెలుసు. ఇక ఆయన అందుకున్న బాక్సాఫీస్ విజయాల గురించి కొత్తగా చెప్పాల్సిన పని లేదు. 70 ఏళ్లు పైబడ్డా ఉత్సాహంగా సినిమాలు చేస్తూ, హిట్లు కొడుతూ దూసుకెళ్తున్నాడు మమ్ముట్టి.
ఐతే నాలుగు దశాబ్దాలకు పైగా సినీ కెరీర్‌ను పూర్తి చేసుకుంటున్న మమ్ముట్టి.. ఇప్పటిదాకా తన పేరు వెనుక ఉన్న కథేంటన్నది మాత్రం ఎవరికీ చెప్పలేదు. తన అసలు పేరు మమ్ముట్టి అది కాదని చెబుతూ ఆ పేరు తనకు ఎలా వచ్చిందో ఆయన తాజాగా ఒక వేడుకలో ఆయన వెల్లడించారు. తన ఫ్రెండు అనుకోకుండా తనకు ‘మమ్ముట్టి’ అనే పేరు పెట్టడం వెనుక స్టోరీని ఆయన బయటపెట్టారు.
మమ్ముట్టి అసలు పేరు.. మహమ్మద్ కుట్టి అట. కానీ తాను కాలేజీలో చదివే రోజుల్లో ఆ పేరును దాచిపెట్టి ఒమర్ షరీఫ్ అనే పేరుతో చలామణి అయినట్లు మమ్ముట్టి తెలిపాడు. ఐతే ఒక రోజు తాను కాలేజీలో ఐడీ కార్డ్ మరిచిపోయి ఇంటికి వెళ్లిపోయానని.. ఆ కార్డు తన ఫ్రెండుకు దొరికిందని మమ్ముట్టి తెలిపాడు. ఆ ఫ్రెండు తన పేరును పొరపాటున ‘మమ్ముట్టి’ అని అందరికీ చెప్పాడని.. ఆ పేరే కాలేజీలో పాపులర్ అయిందని.. సినీ రంగంలో కూడా అదే పేరుతో కంటిన్యూ అయ్యానని మమ్ముట్టి తెలిపాడు.
ఈ కథ అంతా చెబుతూ.. తనకు ‘మమ్ముట్టి’ అనే పేరు పెట్టిన స్నేహితుడిని వేదిక మీదికి పిలిచి అందరికీ పరిచయం చేశాడు మమ్ముట్టి. ఆ ఫ్రెండు పేరు.. శశిధరన్ అని చెప్పాడు. తన పేరు గురించి మీడియాలో ఇప్పటిదాకా అనేక కథనాలు వచ్చాయని.. అవేమీ నిజం కాదని.. అసలు కథ ఇదని మమ్ముట్టి తెలిపాడు. ఇప్పటిదాకా 420 సినిమాల్లో నటించిన మమ్ముట్టి ప్రస్తుతం ‘కళంకావల్’ అనే చిత్రం చేస్తున్నాడు.
This post was last modified on November 28, 2025 3:52 pm
ఒకప్పుడు భారత క్రికెట్‌లో లలిత్ మోదీ మాటకు ఎంతో విలువ ఉండేది. ఐపీఎల్‌ను ప్రారంభించి బీసీసీఐకి భారీ ఆదాయం వచ్చేలా…
లెజెండరీ డైరెక్టర్ కృష్ణవంశీ, సీనియర్ నటి రమ్యకృష్ణల వివాహ బంధం గురించి జనాలకు అనేక సందేహాలున్నాయి. వీళ్లిద్దరూ కలిసి జీవిస్తున్న…
క్యాన్సర్ చికిత్సలో దశాబ్దాలుగా కొనసాగుతున్న పరిశోధనలు ఇప్పుడు సరికొత్త మలుపు తిరుగుతున్నాయి. వ్యాధిని గుర్తించడం, కణితులను తొలగించడం, కీమోథెరపీ, రేడియేషన్…
మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…
ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…
ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…